અક્ષય તૃતીયા પર દરેક વ્યક્તિ સોનું ખરીદવા માંગે છે. પરંતુ સોનું ખરીદતી વખતે કેટલીક બાબતોનું ધ્યાન રાખવું ખૂબ જ જરૂરી છે.
3 મે મંગળવારે છે અખાત્રીજ
અખાત્રીજ પર સોનું ખરીદવાના છો?
તો ન કરતા આ ભૂલો
3 મે મંગળવારે અખાત્રીજ છે. જે ખૂબ જ શુભ માનવામાં આવે છે. અખાત્રીજ પર સોનામાં રોકાણ કરવું ખૂબ જ શુભ માનવામાં આવે છે. આ દિવસે સોનું ખરીદવું પણ શુભ માનવામાં આવે છે. રશિયા યુક્રેન યુદ્ધના કારણે સોનાના ભાવમાં નોંધપાત્ર વધારો થયો છે. સોનું આટલું મોંઘું છે ત્યારે સોનું ખરીદતી વખતે કેટલીક બાબતોનું ધ્યાન રાખવું ખૂબ જ જરૂરી છે.
લોકો પ્રાચીન સમયથી સોનું ખરીદતા આવ્યા છે કારણ કે તે એક શ્રેષ્ઠ રોકાણ વિકલ્પ છે. દિલ્હીમાં 22 કેરેટ સોનાની કિંમત 1190 રૂપિયા પ્રતિ 10 ગ્રામ ઘટીને 47200 રૂપિયા પ્રતિ 10 ગ્રામ પર ટ્રેડ થઈ રહી છે. ત્યારે 24 કેરેટ સોનાનો ભાવ આજે 1280 રૂપિયાના ઘટાડા સાથે 51510 રૂપિયા પ્રતિ 10 ગ્રામ પર ટ્રેડ થઈ રહ્યો છે. જોકે વધતા જતા ફુગાવા અને વૈશ્વિક તણાવને કારણે સોનાના ભાવમાં વધારો થવાની સંભાવના છે.
કઈ રીતે કરવું જોઈએ સોનામાં રોકાણ
જ્વેલરી, બાર અને સિક્કાના રૂપમાં સોનું ખરીદવું એ સામાન્ય રીતે સોનામાં રોકાણ કરવાની પસંદગીની રીત છે. પરંતુ તે એક મોંઘો સોદો પણ છે કારણ કે તેમાં GST અને મેકિંગ ચાર્જીસ, શુદ્ધતા અને સંગ્રહની ચિંતા રહે છે.
એટલા માટે માત્ર Physical Gold જ નહીં પરંતુ સોનું ખરીદવા માટે અન્ય વિકલ્પો પણ છે. તમે ગોલ્ડ ઇટીએફ, ગોલ્ડ મ્યુચ્યુઅલ ફંડ અથવા સોવરિન ગોલ્ડ બોન્ડ્સ (એસજીબી) માં રોકાણ કરી શકો છો કારણ કે તમારે શુદ્ધતા, સંગ્રહ અને અન્ય શુલ્ક વિશે ચિંતા કરવાની જરૂર નથી.
સોનું ખરીદતા પહેલા આ 5 વાતોનું રાખો ધ્યાન
હોલમાર્ક વાળી જ્વેલરી ખરીદો
સોનાના આભૂષણ ખરીદવાની સૌથી સુરક્ષિત રીત એ છે કે હંમેશા હોલમાર્ક વાળી જ્વેલરી ખરીદો. ભારતીય માનક બ્યૂરોની ઓળખ સોનાની શુદ્ધતા સુનિશ્ચિત કરે છે. સોનું 18 કેરેટ અને તેનાથી ઓછું, 22 કેરેટ અને 24 કોરોટ જેવી શુદ્ધતાના વિવિધ રૂપોમાં મળે છે. હોલમાર્ક વાળી જ્વેલરી ખરીદવું યોગ્ય રહેશે જેથી સોનાની શુદ્ધતાની ગેરેન્ટી થઈ જાય છે.
સોનાની કિંમત ચેક કરો
આજે સોનાની કિંમત શું છે તેની માહિતી તમે ઓનલાઈન મેળવી શકો છો. તમે જ્વેલર્સ પાસેથી કિંમતની માહિતી પણ મેળવી શકો છો.
મેકિંગ ચાર્જીસ પર ડિલ
જો તમે ગોલ્ડ જ્વેલરી ખરીદતા હોવ તો મેકિંગ ચાર્જ જાણવો ખૂબ જ જરૂરી છે. મેકિંગ ચાર્જ જ્વેલરીની કિંમતના 30 ટકા સુધીનો હોઈ શકે છે. દરેક જ્વેલર મેકિંગ ચાર્જીસ પર ભારે ડિસ્કાઉન્ટ આપે છે. તેથી મેકિંગ ચાર્જીસને લઈને બાર્ગેનિંગ જરૂર કરો.
બિલ માંગવાનું ન ભૂલો
સોનાની ખરીદીનું બિલ તમારી પાસે રાખો. જેથી કરીને જો તમે થોડા વર્ષો પછી એ જ સોનું વેચો તો જ્વેલર્સ તમારી પાસેથી બિલની માંગ કરી શકે છે. ઉપરાંત કેપિટલ ગેઈન ટેક્સની ગણતરી કરવા માટેનું બિલ રાખીને ખરીદી કિંમત નક્કી કરી શકાય છે. આ સિવાય નજીકના ભવિષ્યમાં કોઈ વિવાદ સામે આવે તો ચલણ કામમાં આવી શકે છે. તમારા રેકોર્ડ માટે બીલ રાખવાનું પણ મહત્વનું છે.
વજન જરૂર ચેક કરવું
સોનું ખરીદતી વખતે તેનું વજન જાણવું ખૂબ જ જરૂરી છે કારણ કે તેના પરથી જ સોનાની જ્વેલરીની કિંમત જાણી શકાય છે. નાના શહેરો કે ગામડાઓમાં ઘણા જ્વેલર્સે સોનાનું ખોટુ માપ કરીને ગ્રાહકો સાથે છેતરપિંડી કરી છે. જેની ફરિયાદો ઘણી વખત સામે આવી છે.