સંયોગ / એક જ તારીખે આ બે ધુરંધરોએ બેવડી સદી ફટકારી તરખાટ મચાવ્યો હતો, 24 ફેબ્રુઆરીનો આ છે ઈતિહાસ

• 24મી ફેબ્રુઆરી બે ધુરંધરોની બેવડી સદી
• સચિને વનડે ઈન્ટરનેશનલમાં પ્રથમ બેવડી સદી ફટકારી હતી
• રોહિત શર્માનાં નામે છે સૌથી વધારે રન બનાવવાનો રેકોર્ડ 

આ બે ક્રિકેટરોએ હાહાકાર મચાવી દીધો હતો

24 ફેબ્રુઆરીનો દિવસ વર્લ્ડ ક્રિકેટનાં બે ઘુરંધરોએ ખૂબ ખાસ બનાવી દીધો છે. આ તારીખે ભારતનાં મહાન બેટ્સમેન સચિન તેન્ડુલકર અને વેસ્ટ ઈન્ડિઝનાં વિસ્ફોટક બેટ્સમેન ક્રેસ ગેલે વન ડે ઈન્ટરનેશનલ ક્રિકેટમાં બેવડી સદી ફટકારીને ક્રિકેટ જગતમાં હાહાકાર મચાવી દીધો હતો.

#OnThisDay in 2010, @sachin_rt scored the first ever double-century in men’s ODI history.

The Little Master took just 147 balls to get there against South Africa.

Since then, there have been seven double-hundreds in the format. pic.twitter.com/hAvyVQZk5g

— ICC (@ICC) February 24, 2021

બેવડી સદીનાં સુલતાન બન્યા સચિન-ગેલ

માસ્ટર બ્લાસ્ટર સચિન તેન્ડુલકરે 11 વર્ષ પહેલા 24 ફેબ્રુઆરીનાં રોજ પુરુષ વનડે ઈન્ટરનેશનલ ઈતિહાસની સૌપ્રથમ બેવડી સદી ફટકારી હતી. 24 ફેબ્રુઆરી 2010નાં રોજ સચિને 200 રન બનાવ્યા હતા. તે પહેલા ઘણાં બેટ્સમેન તે આંકડાની નજીક પહોંચ્યા હતા પણ તે આંકડાને પાર નહોતા કરી શક્યા. 

#OnThisDay in 2010, the legendary @sachin_rt became the first batsman to score a double hundred in the ODIs. 👌👏 #TeamIndia

To watch that special knock from the Master Blaster, click here 🎥 👉 https://t.co/DbYjKtJhi6 pic.twitter.com/5ie2RqDcI7

— BCCI (@BCCI) February 24, 2021

સચિન બાદ ગેલે પણ બેવડી સદી ફટકારી

સચિન બાદ વિરેન્દ્ર સહેવાગે 2011માં 219 રનની ઈનિંગ રમી હતી. જ્યારે 2013માં રોહિત શર્માએ 209 રન ફટકાર્યા હતા. તેમજ 2014માં રોહિત શર્માએ 264 રન બનાવ્યા જે એક ઈનિંગમાં સૌથી વધારે રન બનાવવાનો રેકોર્ડ છે. ત્યારબાદ 24 ફેબ્રુઆરી 2015નાં વર્લ્ડ કપમાં ક્રિસ ગેલે ઝિમ્બાબ્વે સામે 215 રન બનાવ્યા હતા.

સચિનનાં નામે 100 ઈન્ટરનેશનલ સદીઓ

સચિન તેન્ડુલકર અને ક્રિસ ગેલની બેવડી સદીઓમાં એક ગજબનો સંયોગ છે આ બંને સદીઓ 24 ફેબ્રુઆરીનાં રોજ બન્યા છે. ઉલ્લેખનીય છે કે સચિનને ક્રિકેટનો ભગવાન માનવામાં આવે છે અને તેમનાં ક્રિકેટ કરિયરમાં તેમણે વનડેમાં 15921 રન અને ટેસ્ટમાં 18426 રન બનાવ્યા છે. બધા ફોર્મેટમાં મળીને સચિનનાં નામે 100 આંતરરાષ્ટ્રીય શતક છે.

ક્રિસ ગેલે 2015માં ફટકારી હતી બેવડી સદી

ક્રિસ ગેલની બેવડી સદી બાદ માર્ટિન ગપ્ટિલે વેસ્ટ ઈન્ડિઝ સામે 237 રનની ઈનિંગ રમી હતી. 2017માં ફરી રોહિત શર્માએ વનડે ઈન્ટરનેશનલ ક્રિકેટમાં તેની ત્રીજી બેવડી સદી ફટકારી અને 208 રનની નોટઆઉટ ઈનિંગ રમી. ત્યારબાદ છેલ્લી બેવડી સદી પાકિસ્તાનનાં બેટ્સમેન ફખર જમાએ બનાવી જેમાં તેણે 210 રન બનાવ્યા હતા.