ઓમિક્રોન વેરિએન્ટને કારણે કોરોનાના કેસોમાં વધારો થઈ રહ્યો છે. WHOએ જણાવ્યું કે ડેલ્ટા અને ઓમિક્રોન કોરોના સુનામીનું કારણ બની શકે છે. દરેક ઉંમરના લોકોને આ પ્રકારનું જોખમ હોય છે, પરંતુ બાળકો પરની અસર ચિંતાજનક છે. અમેરિકામાં હવે બાળકો ઓમિક્રોનની ચપેટમાં આવી રહ્યાં છે. હોસ્પિટલોના પીડિયાટ્રિક વિભાગો સંપૂર્ણપણે ભરાઈ ગયા છે. નિષ્ણાતો બાળકોની સ્થિતિ વિશે ચિંતિત છે અને બાળકોની રસીકરણ વધારવાની સલાહ આપી રહ્યાં છે.
હોસ્પિટલોમાં બાળકોની સંખ્યા વધી રહી છે
અમેરિકન એકેડેમી ઓફ પીડિયાટ્રિક્સના જણાવ્યા અનુસાર, 23 ડિસેમ્બરના અઠવાડિયામાં લગભગ 1,99,000 બાળકોને કોરોનાનો ચેપ લાગ્યો હોવાનું જાણવા મળી રહ્યું છે, જે મહિનાના પ્રથમ આંકડા કરતાં 50 ટકા વધારે છે. 28 ડિસેમ્બરના અઠવાડિયામાં, 0-17 વર્ષની વયના લોકોની સંખ્યા લગભગ 378 હતી, જે પ્રથમ અઠવાડિયાની તુલનામાં 66.1 ટકા વધી છે. અગાઉ આ સંખ્યા ૧ સપ્ટેમ્બરે ડેલ્ટા વેવમાં જોવા મળી હતી. આ પછી 18-29 વર્ષની વયજૂથના લોકો વધુ હોસ્પિટલમાં દાખલ છે. જોકે, તેમને વૃદ્ધો કરતાં ગંભીર બીમારીનું જોખમ ઓછું છે.
ઓમિક્રોન વધુ ગંભીર નથી પણ બાળકોને સંક્રમિત કરી રહ્યો છે
ટેક્સાસ ચિલ્ડ્રનહોસ્પિટલના પેથોલોજિસ્ટ અને ઇમ્યુનોલોજિસ્ટ જિમ વર્સોવિકે કહ્યું કે ઓમિક્રોન વધુ ગંભીર ચેપનું કારણ નથી બની રહ્યો પણ તે બાળકોને વધારે સંક્રમિત કરી રહ્યો છે. જોકે, બાળકોને પણ પુખ્ત વયના લોકોની જેમ ઓમિક્રોનના હળવા લક્ષણો જોવા મળી રહ્યાં છે. ન્યૂયોર્કની નોર્થવેલ હેલ્થ હોસ્પિટલ સિસ્ટમના બાળરોગ નિષ્ણાત હેનરી બર્નસ્ટીન કહે છે, "ગંભીર રીતે બીમાર બાળકોની ટકાવારી ઓછી હોય તો પણ મોટી સંખ્યામાં થોડી ટકાવારી પણ ઘણી મોટી સંખ્યામાં હોય છે." વૃદ્ધો કરતા યુવાન લોકો વધુ ચેપગ્રસ્ત અને હોસ્પિટલમાં દાખલ છે. આ નું મુખ્ય કારણ એ છે કે 5-11 વર્ષની વયના બાળકો માટે રસીકરણનો દર ખૂબ ધીમો છે."
વેક્સિન એકમાત્ર ઉપાય
નિષ્ણાતો જણાવ્યું કે હવે લોકોએ વહેલી તક વેક્સિન લઈ લેવી જોઈએ. હાલમાં હોસ્પિટલોમાં એવા લોકો ભરતી છે જેમણે વેક્સિન લીધી નથી. ભારતમાં પણ 15થી 18 વર્ષની વયના બાળકોને 3 જાન્યુઆરીથી કોરોના વેક્સિન મળવાનું શરૂ થશે. 2-15 વર્ષની ઉંમરના બાળકો માટે રસીની અજમાયશ ચાલી રહી છે.