ગાંધીનગરમાં ઓમિક્રોન વેરિએન્ટની દહેશતને પગલે આરોગ્ય વિભાગ ઓમિક્રોન સંક્રમિત દર્દીઓ માટે અલગ વ્યવસ્થા કરવામાં આવી છે. ગાંધીનગર સિવિલ હોસ્પિટલમાં 3 યુનિટમાં 30 બેડનો અલગ વોર્ડ તૈયાર કરાયા છે
ઓમિક્રોનની સંભવિત આફત
ગાંધીનગર સિવિલ હોસ્પિટલ અલર્ટ
3 યુનિટમાં 30 બેડનો અલગ વોર્ડ તૈયાર
ગાંધીનગર સિવિલ હોસ્પિટલમાં 3 યુનિટમાં 30 બેડનો અલગ વોર્ડ તૈયાર કરવામાં આવ્યા છે. ઓમિક્રોન વેરિએન્ટને પગલે આરોગ્ય વિભાગ ઓમિક્રોન સંક્રમિત દર્દીઓ માટે અલગ વ્યવસ્થા કરવામાં આવી છે. રાજ્યમાં અત્યાર સુધી ઓમિક્રોનનો એક કેસ જામનગરમાં નોંધાયો છે, જો કે દેશના અનેક રાજ્યમાં ઓમિક્રોનના દર્દીઓ સામે આવ્યા છે. ત્યારે તૈયારીઓના ભાગરૂપે ગાંધીનગર સિવિલ હોસ્પિટલમાં ઓમિક્રોન વોર્ડ તૈયાર કરાયો છે, જેમાં વેન્ટિલેટર અને ઓક્સિજનની સુવિધા સાથે વોર્ડ તૈયાર કરાયો છે. 3 યુનિટમાં 30 બેડનો અલગ વોર્ડ તૈયાર કરવામાં આવ્યો છે. આ વોર્ડમાં ઓમિક્રોનના શંકાસ્પદ કે સંક્રમિત વ્યકિતને દાખલ કરાશે.
વિદેશથી આવતા લોકોનું એરપોર્ટ પર કોરોના ટેસ્ટિંગ
ઉલ્લેખનિય છે કે દેશ અને દુનિયામાં કોરોનાના નવા વેરિએન્ટ ઓમિક્રોને અનેક દેશોની ચિંતા વધારી છે ત્યારે ભારતમાં પણ ઓમિક્રોન વેરિએન્ટની એન્ટ્રી થઈ ગઈ છે અટેલું જ નહીં ગુજરાતમાં પણ ઓમિક્રોન વેરિએન્ટનો એક કેસ નોંધાયો છે, એવામાં કોરોના કેસ પણ હવે ગોકળ ગતિએ વધી રહ્યા છે, ઓમિક્રોન વેરિએન્ટને લઈને રાજ્ય સરકાર દ્વારા કોરોના ગાઈડલાઈન બહાર પાડવામાં આવી છે, સાથે એરપોર્ટ પર વિદેશની આવતા લોકો પર ખાસ નજર રાખવામાં આવી રહી છે, વિદેશની પરત આવેલાનું એરપોર્ટ પર કોરોના ટેસ્ટિંગ કરવામાં આવી રહ્યું છે તેમને ફરજીયાત
UKથી પરત આવેલા એક વૃદ્ધનો કોરોના રિપોર્ટ પોઝિટિવ
આજે વડોદરામાં UKથી પરત ફરેલી મહિલા કોરોના સંક્રમિત થતા તંત્ર દોડતું થયું છે. હાલ ઓમિક્રોન વેરિઅન્ટની તપાસ માટે મહિલાના સેમ્પલ પૂણે મોકલી દેવાયા છે મહત્વનું છે વડોદરાની ખાનગી હોસ્પિટલમાં ઓમિક્રોનના 4 શંકાસ્પદ દર્દી સારવાર હેઠળ છે ત્યારે વધુ એક મહિલાનો રિપોર્ટ પોઝિટિવ આવતા આરોગ્ય વિભાગ સજ્જ બન્યું છે. SSG હોસ્પિટલમાં ઓમિક્રોનના દર્દીઓ માટે 50 બેડ તૈયાર રખાયા છે તો 50 વેન્ટિલેટર અને ઓક્સિજન કન્સેન્ટ્રેટર અને સ્ટાફ સ્ટેન્ડબાય રાખી દેવામાં આવ્યો છે.
અન્ય શહેરોમાં પણ
UKથી પર ફરેલા વૃદ્ધનો કોરોના પોઝિટિવ
મહત્વનું છે કે વડોદરામાં UKથી પરત આવેલા એક વૃદ્ધનો કોરોના રિપોર્ટ પોઝિટિવ આવ્યો છે જ્યારે આણંદની એક યુવતીનો કોરોના રિપોર્ટ પણ પોઝિટિવ આવ્યો છે. UKથી પર ફરેલા વૃદ્ધનો કોરોના પોઝિટિવ આવતા ખળભળાટ મચી ગયો છે જેને પગલે વૃદ્ધને સારવાર અર્થે હોસ્પિટલ ખસેડવામાં આવ્યા છે. હાલ તો કોરોના પોઝિટિવ વૃદ્ધનો રિપોર્ટ પુણે લેબમાં મોકલી આપવામાં આવ્યો છે વૃદ્ધમાં ઓમિક્રોન વેરિએન્ટના કોઈ લક્ષણો છે કે નહીં તે અંગે તપાસ કરવામાં આવશે, વૃદ્ધને હાલ ખાનગી હોસ્પિટલમાં દાખલ છે મહત્વનું છે કે એક અઠવાડિયું હોમ ક્વોરન્ટાઈન રહ્યાં બાદ રિપોર્ટ પોઝિટિવ આવ્યો તંત્ર પણ મુંઝવણમાં મુકાઈ ગયું છે.