ઓમિક્રોનનો સામનો કરવા માટે વિશ્વ સ્વાસ્થ્ય સંગઠનનું વિશેષજ્ઞ દળ દક્ષિણ આફ્રિકા પહોંચ્યું છે. ક્યા દેશમાં કેટલો ફેલાયો છે ઓમિક્રોન.
WHOની ટીમ ઓમિક્રોનને પહોંચી વળવા દક્ષિણ આફ્રકા પહોચી
દેશભરમાં 80 ટકા સંક્રમણ ગૌંતેંગ પ્રાંતમાં સામે આવ્યું
વિશ્વમાં અત્યાર સુધીમાં ઓમિક્રોનના કુલ 671 કેસો નોંધાયા
WHOની ટીમ ઓમિક્રોનને પહોંચી વળવા દક્ષિણ આફ્રકા પહોચી
કોરોનાના નવા વેરિએન્ટ ઓમિક્રોનનો સામનો કરવા માટે વિશ્વ સ્વાસ્થ્ય સંગઠનનું વિશેષજ્ઞ દળ દક્ષિણ આફ્રિકા પહોંચ્યું છે. આ દળ ગૌંતેંગ પ્રાંતમાં મામલાને પહોંચી વળવાના પ્રયાસોમાં મદદ કરશે. ઓમિક્રોન લગભગ 30 દેશોમાં ફેલાઈ ચૂક્યો છે. WHOના આફ્રિકાના ક્ષેત્રીય ઈમરજન્સી ડિરેક્ટર ડો. સલામ ગુણે જણાવ્યું કે ઓબ્જર્વેશન અને કોન્ટેક્ટ ટ્રેસિંગમાં મદદ માટે વિશેષજ્ઞોની એક ટીમ ગૌતેંગ મોકલવામાં આવી છે. જ્યારે એક દળ પહેલા જ દક્ષિણ આફ્રીકામાં હાજર છે અને જીનોમ અનુક્રમણમાં મદદ કરી રહી છે.
દેશભરમાં 80 ટકા સંક્રમણ ગૌંતેંગ પ્રાંતમાં સામે આવ્યું
ગૌંતેંગ પ્રાંત દક્ષિણ આફ્રીકાના પ્રમુખ આર્થિક કેન્દ્ર છે. ગત એક અઠવાડિયાથી દેશભરમાં 80 ટકા સંક્રમણ અહીં જ સામે આવ્યું છે. ગુરુવારે દક્ષિણ આફ્રીકામાં 11, 500 નવા સંક્રમણ નોંધાયા છે. દક્ષિણ આફ્રીકાના નેશનલ ઈન્સ્ટીટ્યૂટ ફોર કમ્યૂનિકેબલ ડિજીજ (એનઆઈસીડી)એ જણાવ્યું કે લગભગ 75 ટકા સંક્રમણની પાછળ નવા વેરિએન્ટ છે. દક્ષિણ આફ્રીકાના સ્વાસ્થ્ય મંત્રી ફાહલાનું કહેવું છે કે સંક્રમણની ચૌથી લહેર શરુ થઈ ચૂકી છે.
વિશ્વમાં અત્યાર સુધીમાં ઓમિક્રોનના કુલ 671 કેસો નોંધાયા
વિશ્વમાં કોરોના વાયરસનો વધતો કહેર વધી રહ્યો છે. ત્યારે બ્રિટનમાં સતત 5માં દિવસે 1 લાખથી વધુ કેસ આવ્યા છે. જેમાંથી 75 કેસ ઓમિક્રોન વેરિઅન્ટના મળ્યા છે. અહીં અત્યાર સુધીમાં ઓમિક્રોનના કુલ 134 કેસો સામે આવ્યા છે. જ્યારે ઈટલીમાં કોરોનાના નવા 17 હજાર 30 કેસો નોંધાયા છે. અહીં એપ્રિલ બાદ એક દિવસમાં સૌથી વધુ કેસો આવ્યા છે. ત્યારે ઇટલીમાં કુલ 4, ફ્રાન્સમાં કુલ 2 ઓમિક્રોનના કેસો સામે આવ્યા છે. તો અમેરિકામાં 24, જર્મનીમાં 12, બ્રાઝિલમાં 5 ઓમિક્રોનના કેસો આવ્યા છે. ભારતમાં અત્યાર સુધીમાં ઓમિક્રોનના 2 કેસો નોંધાયા છો. વિશ્વમાં અત્યાર સુધીમાં ઓમિક્રોનના કુલ 671 કેસો નોંધાયા છે. ઉલ્લેખનીય છે કે નેપાળે શુક્રવારે હોંગકોંગ સહિત દક્ષિણ આફ્રીકન દેશોના પ્રવાસીઓ પર પ્રતિબંધ લગાવ્યો છે. તેમજ ભારતથી આવનારની તપાસ શરુ કરી છે.
52,300 નવા મામલ
આફ્રીકાના Centers for Disease Control and Prevention મુજબ સમગ્ર મહાદ્વીપમાં આ અઠવાડિયામાં 52, 300 નવા મામલા નોંધવામાં આવ્યા છે. જે ગત અઠવાડિયાના 105 ટકાથી વધારે છે. WHOના આફ્રીકાના ડિરેક્ટર ડો. માત્શિદિસો મોએતીએ આફ્રીકન દેશોમાં કોરોના પ્રત્યે સાવધાની વર્તવા કહ્યું છે. તેમણે કહ્યું કે મહાદ્વીપમાં સંક્રમણની વૃદ્ધિને રોકવા માટે એક માત્ર ઉપાય છે. કેમ કે આ પહેલા જ સ્વાસ્થ્ય સુવિધાઓનાો અભાવ છે.