ચિંતાજનક / આ રાજ્યમાં દક્ષિણ આફ્રીકાથી પરત ફરેલા એક જ પરિવારના 4 સભ્યો કોરોના પોઝિટિવ

• પરિવારના 9 લોકો 25 નવેમ્બરે દક્ષિણ આફ્રિકાથી પાછા ફરેલા
• આ પરિવારના સંપર્કમાં આવેલા 12 લોકોમાંથી 5 સભ્યો પણ કોરોના પોઝિટિવ
• જીનોમ સિક્વેન્સિંગ કરાવવામાં આવી

પરિવારના 9 લોકો 25 નવેમ્બરે દક્ષિણ આફ્રિકાથી પાછા ફરેલા

મનાઈ રહ્યું છે કે પરિવારના 9 લોકો 25 નવેમ્બરે દક્ષિણ આફ્રિકાથી પાછા ફરેલા સભ્યોમાં માતા-પિતા અને તેમની 8 અને 15 વર્ષની 2 દીકરીઓ સંક્રમિત જોવા મળી છે. સૌથી મોટી ચિંતા એ છે કે આ લોકોના સંપર્કમાં આવેલા 12 લોકોમાંથી 5 સભ્યો પણ કોરોના પોઝિટિવ જોવા મળી છે.

જીનોમ સિક્વેન્સિંગ કરાવવામાં આવી

ઓમિક્રોનના પહેલા કેસ દક્ષિણ આફ્રીકામાં મળ્યા હતા. તેવામાં ઓમિકરોનને જોતા તમામને આઈસોલેશનમાં રાખવામાં આવ્યા છે. તમામની જીનોમ સિક્વેન્સિંગ સ્કિનીંગ કરવામાં આવી છે. જો કે તમામનો રિપોર્ટ નથી આવ્યો. ઉલ્લેખનીય છે કે તમામને બન્ને ડોઝ લાગી ચૂક્યા છે.

ભારતમાં ઓમિક્રોનના 2 કેસ મળ્યા

ભારતમાં પણ શુક્રવારે ઓમિક્રોનની દસ્તક થઈ છે. કર્ણાટકમાં ઓમિક્રોનના 2 કેસ મળ્યા છે. બન્નેને રસીના બે ડોઝ લાગી ચૂક્યા છે.

દિલ્હી એરપોર્ટ પર 6 લોકો સંક્રમિત મળ્યા

આ પહેલા દિલ્હી એરપોર્ટ પર પણ શુક્રવારે 6 લોકો કોરોના પોઝિટિવ મળ્યા છે. દિલ્હી એરપોર્ટ પર ગુરુવારે કુલ 3000 ઈન્ટરનેશનલ પ્રવાસીઓએ લેન્ડ કર્યુ હતુ. આના સેમ્પલ જીનોમ સિક્વેંસિગ માટે મોકલવામાં આવ્યા છે.

જામનગરમાં પણ આફ્રિકાથી આવેલા શખ્સ કોરોના પોઝિટિવ

ઉલ્લેખનીય છે કે જામનગરમાં આજે આફ્રિકા ટ્રાવેલની હિસ્ટ્રી ધરાવતા એક વ્યકિતનો કોરોના પોઝિટિવ રિપોર્ટ આવતા દોડધામ મચી છે. ઓમિક્રોન વેરિયન્ટનો શંકાસ્પદ કેસ હોવાનું દેખાતા આરોગ્ય વિભાગ દ્વારા પુણેની લેબમાં સેમ્પલ મોકલવામા આવ્યા છે. 
 
 

ઓમિક્રોનનો શંકાસ્પદ કેસ નોંધાયાતા તંત્ર પણ હરકતમાં

જામનગરમાં ઓમિક્રોનનો શંકાસ્પદ કેસ નોંધાયાતા તંત્ર પણ હરકતમાં આવ્યું છે. આફ્રિકાથી આવેલા શખ્સનો કોરોના રિપોર્ટ પોઝિટિવ આવ્યો છે. 72 વર્ષીય દર્દીના સેમ્પલ લઇ પૂણે લેબમાં રિપોર્ટ માટે મોકલવામાં આવ્યા છે જામનગરની જી. જી. હોસ્પિટલ દ્વારા સેમ્પલને જીનોમ સ્ક્વોસિંગ માટે સેમ્પલ મોકલવામાં આવ્યા છે. 

કોન્ટેક્ટ ટ્રેસ કરાયા, તમામને આઇસોલેટ કરાયા

આફ્રિકાથી આવેલા શખ્સ સાથે પ્લેનમાં અન્ય 4 વ્યક્તિઓ પણ આવ્યા હતા જેમને તંત્ર દ્વારા શોધી ચારેય મુસાફરોના રિપોર્ટ કરવામાં આવ્યા હતા જેના રિપોર્ટ નેગેટિવ આવતા તંત્રએ હાશકારો રાહતનો શ્વાસ લીધો છે. અન્ય એ કે કોરોના પોઝિટિવના સંપર્કમાં આવનાર અન્ય 87 લોકોના કોન્ટેક્ટને પણ ટ્રેસ કરી લેવામાં આવ્યા છે. આ તમામ લોકોને હાલ હોમ આઇસોલેટ કરી દેવાયા છે. ઓમિક્રોનના શંકાસ્પદ કેસના સેમ્પલ ગુજરાત બાયોટેકમાં પણ મોકલવામાં આવ્યા છે.