ભારતના કર્ણાટક રાજ્યમાં ઓમિક્રોનના બે કેસ સામે આવ્યા બાદ લોકોમાં ચિંતા વધી ગઈ છે.
કોરોના કરતા અલગ છે Omicronના લક્ષણો
આવા લક્ષણો જણાય તો ચેતી જજો
જાણો તેના વિશે બધુ જ
કોરોના વાયરસના નવા ઓમિક્રોન વેરિએન્ટે (Omicron Variant) આખી દુનિયામાં ધીરે-ધીરે પોતાનો પગ પેસારો શરૂ કરી દીધો છે. ઘણા દેશોમાં પ્રતિબંધોના એક બાદ એક દોર શરૂ થઈ ગયો છે. ભારતમાં પણ તેના બે કેસ સામે આવ્યા બાદ હડકંપ મચી ગયો છે. આ બન્ને કેસ કર્ણાટકમાં જોવા મળ્યા છે. જોકે સ્વાસ્થ્ય મંત્રાલયે લોકોને ન ગભરાવવા માટે અપીલ કરતા સુરક્ષાનું સંપૂર્ણ ધ્યાન રાખવાની સલાહ પણ આપી છે.
ઓમિક્રોન વાયરસના લક્ષણો કોરોના વાયરસના લક્ષણો કરતા કેટલા અલગ છે અને તેને કઈ રીતે જાણી શકાય છે. તેને લઈને નીચે માહિતી આપવામાં આવી છે.
ઓમિક્રોન વેરિએન્ટના લક્ષણો
થાક લાગવો (Fatigue)
જો કોઈ વ્યક્તિ કોરોનાના ઓમીક્રોન વેરિએન્ટથી સંક્રમિત થાય છે તો તેને સતત થાક મહેસુસ થાય છે. સાઉથ આફ્રીકાન મેડિકલ એસોસિએશનના ચેયરપર્સન એન્જિક કોએત્જીએ (Angelique Coetzee) થાક સહિત નીચે જણાવેલા લક્ષણોને Omicronના સંક્રમિત દર્દીઓમાં જોયા છે.
શરીરમાં દુઃખાવો (Body aches & Pains)
કોરોનાના આ ખૂબ જ સંક્રામક વેરિએન્ટથી સંક્રમિત વ્યક્તિને બોડી પેઈન અને અન્ય ઘણા પ્રકારના દુખાવાનો અનુભવ થઈ શકે છે.
માથામાં ખુબ જ દુખાવો (Severe Headache)
Omicron વેરિએન્ટના સંક્રમિત વ્યક્તિ માથાના દુખાવાની ફરીયાદ કરી શકે છે. આ માથામાં દુખાવો ઘણી વખત ખૂબ જ વધારે હોઈ શકે છે.
Omicron સંક્રમિતોમાં નથી જોવા મળતા કોરોના જેવા આ લક્ષણો
સ્વાદ અને ગંધ ન આવવી (Loss of Smell/Taste)
કોરોનાના Delta વેરિએન્ટના લક્ષણોમાં સ્વાદ અને ગંધ ન આવવા એક મુખ્ય લક્ષણ હતું. પરંતુ Omicron વેરિએન્ટથી સંક્રમિત વ્યક્તિઓમાં અત્યાર સુધી આવા લક્ષણો નથી જોવા મળ્યા.
નાક બંધ રહેવું (Severely Blocked Nose)
કોરોનાના નવા વેરિએન્ટમાં સંક્રમિત બંધ નાકની ફરિયાદ પણ કરી રહ્યા હતા. પરંતુ Omicron વેરિએન્ટથી સંક્રમિત દર્દીઓમાં આ લક્ષણ પણ અત્યાર સુધી જોવા નથી મળ્યા.
ખૂબ વધારે તાવ (Severe Temperature)
તાવ આવવો અથવા વધારે તાપમાનના કારણે Delta વેરિએન્ટથી સંક્રમિત ગભરાઈ જતા હતા. પરંતુ દક્ષિણ આફ્રીકામાં ઓમિક્રોનના નવા વેરિએન્ટથી સંક્રમિતોમાં અત્યાર સુધી ખૂબ જ તાવ આવવા જોવે લક્ષણો પણ નથી જોવા મળ્યા.