બેંગ્લુરુમાં ઓમિક્રોન વેરિયન્ટથી સંક્રમિત થનાર ડોક્ટર સાજા થયા બાદ ફરી વાર કોરોના પોઝિટીવ થયા છે.
ઓમિક્રોન સંક્રમિત બેંગ્લુરુના ડોક્ટર સાજા થયા બાદ ફરી વાર કોરોના પોઝિટીવ
ગુજરાતી મૂળના ડોક્ટર ઓમિક્રોન સંક્રમિત ભારતના પહેલા દર્દી છે
સાઉથ આફ્રિકાથી બેંગ્લુરુ આવ્યાં હતા
સાત દિવસ બાદ તેમનો ફરી કરાયો ટેસ્ટ, પોઝિટીવ નીકળ્યા
બેંગ્લુરુનો રહેવાશી આ ડોક્ટર ઓમિક્રોન વેરિયન્ટનો ભારતનો પહેલો દર્દી હતો. તેની સાથે આફ્રિકાનો 66 વર્ષનો એક શખ્સ પણ ઓમિક્રોન પોઝિટીવ નીકળ્યો હતો જોકે તે દુબઈ ભાગી ગયો હતો, પોલીસે તેની સામે એફઆઈઆર દાખલ કરી છે.
સાજા થયા બાદ ફરી વાર કોરોના પોઝિટીવ થયા બેંગ્લુરુના ડોક્ટર
છેલ્લા ટેસ્ટના સાત દિવસ બાદ બેંગ્લુરુના ડોક્ટરનો RT-PCR ટેસ્ટ કરવામાં આવ્યો હતો. પરંતુ સાજા થયા બાદ ફરી વાર કોરોના પોઝિટીવ આવ્યાં હોવાથી હવે તેમને ફરી વાર બીજા સાત દિવસ ક્વોરન્ટાઈનમાં રાખવામાં આવશે અને RT-PCR નેગેટિવ આવ્યાં બાદ જ તેમને હોસ્પિટલમાંથી રજા આપવામાં આવશે.
ઓમિક્રોન પોઝિટીવ ડોક્ટરે વેક્સિનના બન્ને ડોઝ લીધા છે
બેંગ્લુરુ હેલ્થ વિભાગના અધિકારીઓએ જણાવ્યું કે કોવિશિલ્ડના બન્ને ડોઝ લેનાર આ ડોક્ટર ફેફસાના ઈન્ફેક્શનથી પણ પીડિત છે. બેંગ્લુરુ મ્યુનિસિપલ કોર્પોરેશનના કમિશનર ગૌરવ ગુપ્તાએ જણાવ્યું કે ડોક્ટર સાથે સંપર્કમાં આવેલા 30 પ્રાથમિક સંપર્કો અને 205 સેકન્ડરી સંપર્ક શોધી કાઢવામાં આવ્યાં છે. તેમણે કહ્યું કે બેંગ્લુરુના ડોક્ટરની સાથે સંપર્કમાં આવેલા પાંચ લોકોનો ટેસ્ટ પોઝિટીવ આવ્યો છે, સાત દિવસ બાદ તેમનો ટેસ્ટ નેગેટિવ આવ્યો હતો અને તેમને આજે રજા આપવામાં આવશે. પાંચ સેમ્પલને જિનોમ સિકન્વસિંગ માટે મોકલી આપવામાં આવ્યા છે અને તેના પરિણામોની રાહ જોવાઈ રહી છે.
બેંગ્લુરુના ડોક્ટર દેશના પહેલો ઓમિક્રોન પોઝિટીવ દર્દી છે
મૂળ ગુજરાતના અને સાઉથ આફ્રિકામાં રહેતા બેંગ્લુરુના આ ડોક્ટર દેશના પહેલો ઓમિક્રોન પોઝિટીવ દર્દી છે, તેમની સાથે બનેલી આ ઘટના ખરેખર અકલ્પની છે અને આવનાર ખતરાના એંધાણ છે.