ભારતમાં કોરોના વાયરસનાં નવા ઘાતક વેરિયન્ટને લઈને દિવસેને દિવસે ચિંતા વધી રહી છે ત્યારે હવે ત્રીજી લહેરનો ખતરો પણ વધી રહ્યો છે.
ભારતમા ઓમિક્રૉન વેરિયન્ટે વધાર્યું ટેન્શન
દેશમાં કુલ ચાર કેસ નોંધાયા
તમામ રાજ્યોને તૈયાર રહેવાના કેન્દ્રના આદેશ
કોરોના વાયરસે વર્ષ 2021નો અંત આવતા આવતા આખી દુનિયાને ફરી ટેન્શનમાં મૂકી દીધી છે. કોરોના વાયરસનો નવો ઘાતક વેરિયન્ટ એટલે કે ઓમિક્રૉન ભારત સહિત દુનિયાના 38 દેશોમાં પહોંચી ચૂક્યો છે ત્યારે અત્યાર સુધીમાં ચાર દર્દીઓની પુષ્ટિ થઈ ગઈ છે જેમાંથી એક કેસ ગુજરાતમાં છે.
ભારતમા ઓમિક્રૉનનાં કારણે હવે ખતરો વધી રહ્યો છે. ગઇકાલે ગુજરાતનાં જામનગરમાં એક કેસ આવ્યા બાદ મુંબઈમાં પણ સાઉથ આફ્રિકાથી આવેલ વ્યક્તિ ઓમિક્રૉનથી પીડાઈ રહ્યો છે. આમ કર્ણાટક, ગુજરાત બાદ મહારાષ્ટ્રમાં પણ ઓમિક્રૉનની દસ્તક થઈ ગઈ છે.
ભારતમા અત્યાર સુધીમાં કુલ ચાર કેસ સામે આવ્યા છે જેમા બે કર્ણાટકમાં, એક જામનગર અને એક મુંબઈમાં નોંધાયો છે. દુનિયામાં ઓમિક્રૉનનાં ખતરાને જોતાં આખા દેશમાં અલર્ટ આપવામાં આવ્યું છે અને એરપોર્ટ અને હોસ્પિટલ સહિતની જગ્યાઓ પર ખાસ તકેદારી રાખવામાં આવી રહી છે.
ગુજરાતમાં કોરોના વાયરસનાં ઓમિક્રૉન વેરિયન્ટની એન્ટ્રી
દેશભરમાં કોરોના વાયરસનાં નવા ઓમિક્રૉન વેરિયન્ટને લઈને હાઇ અલર્ટ આપવામાં આવ્યું છે ત્યારે ગુજરાતમાં પણ આ વેરિયન્ટનો પહેલો કેસ સામે આવી ગયો છે. જામનગરનાં કોરોના વાયરસનો દર્દીનો રિપોર્ટ પૂણે મોકલવામાં આવ્યો હતો જે બાદ સામે આવ્યું છે આ દર્દી ઓમિક્રૉન વેરિયન્ટથી પીડિત છે. આ દર્દી ઝીમ્બાબ્વેથી ગુજરાત આવ્યો હતો.
કેમ ખતરનાક છે ઓમિક્રોન?
ઓમિક્રોન વાયરસે વિશ્વમાં કહેર મચાવ્યો છે. અત્યાર સુધી દુનિયાભરના કુલ 35 દેશમાં ઓમિક્રોન ફેલાઇ ચૂક્યો છે. બીજી લહેર લાવનાર ડેલ્ટાથી ઓમિક્રોન 5 ગણો વધુ ઝડપી ફેલાય છે. તેનો અંદાજો આ આંકડા પરથી લગાવી શકાય છે કે ડેલ્ટા વેરિએન્ટ જેટલો 100 દિવસમાં ફેલાયો હતો ઓમિક્રોન તેટલો માત્ર 15 દિવસમાં જ ફેલાયો છે. ભયની વાત એ છે કે આ વાયરસ સંક્રમણ છતા રિપોર્ટમાં પકડાતો નથી. ઓમિક્રોન વાયરસ ઝડપી મ્યૂટેશન કરનારો વેરિઅન્ટ છે.
ઓમિક્રોન વેરિએન્ટના લક્ષણો
થાક લાગવો (Fatigue)
જો કોઈ વ્યક્તિ કોરોનાના ઓમીક્રોન વેરિએન્ટથી સંક્રમિત થાય છે તો તેને સતત થાક મહેસુસ થાય છે. સાઉથ આફ્રીકાન મેડિકલ એસોસિએશનના ચેયરપર્સન એન્જિક કોએત્જીએ (Angelique Coetzee) થાક સહિત નીચે જણાવેલા લક્ષણોને Omicronના સંક્રમિત દર્દીઓમાં જોયા છે.
શરીરમાં દુઃખાવો (Body aches & Pains)
કોરોનાના આ ખૂબ જ સંક્રામક વેરિએન્ટથી સંક્રમિત વ્યક્તિને બોડી પેઈન અને અન્ય ઘણા પ્રકારના દુખાવાનો અનુભવ થઈ શકે છે.
માથામાં ખુબ જ દુખાવો (Severe Headache)
Omicron વેરિએન્ટના સંક્રમિત વ્યક્તિ માથાના દુખાવાની ફરીયાદ કરી શકે છે. આ માથામાં દુખાવો ઘણી વખત ખૂબ જ વધારે હોઈ શકે છે.
Omicron સંક્રમિતોમાં નથી જોવા મળતા કોરોના જેવા આ લક્ષણો
સ્વાદ અને ગંધ ન આવવી (Loss of Smell/Taste)
કોરોનાના Delta વેરિએન્ટના લક્ષણોમાં સ્વાદ અને ગંધ ન આવવા એક મુખ્ય લક્ષણ હતું. પરંતુ Omicron વેરિએન્ટથી સંક્રમિત વ્યક્તિઓમાં અત્યાર સુધી આવા લક્ષણો નથી જોવા મળ્યા.
નાક બંધ રહેવું (Severely Blocked Nose)
કોરોનાના નવા વેરિએન્ટમાં સંક્રમિત બંધ નાકની ફરિયાદ પણ કરી રહ્યા હતા. પરંતુ Omicron વેરિએન્ટથી સંક્રમિત દર્દીઓમાં આ લક્ષણ પણ અત્યાર સુધી જોવા નથી મળ્યા.
ખૂબ વધારે તાવ (Severe Temperature)
તાવ આવવો અથવા વધારે તાપમાનના કારણે Delta વેરિએન્ટથી સંક્રમિત ગભરાઈ જતા હતા. પરંતુ દક્ષિણ આફ્રીકામાં ઓમિક્રોનના નવા વેરિએન્ટથી સંક્રમિતોમાં અત્યાર સુધી ખૂબ જ તાવ આવવા જોવે લક્ષણો પણ નથી જોવા મળ્યા.