મહામારી / ક્રિસમસ-નવા વર્ષની ઉજવણી પર પ્રતિબંધ, ઓમિક્રોન ખતરાની વચ્ચે કેજરીવાલ સરકારનો મોટો નિર્ણય

• ઓમિક્રોનનો ખૌફ વધતા દિલ્હી સરકાર એલર્ટ થઈ
• ક્રિસમસ અને ન્યૂ ઈયરની ઉજવણી પર મૂક્યો પ્રતિબંધ 
• કોઈ પણ પ્રકારની ભીડ ભેગી નહીં કરી શકાય 

25 ડિસેમ્બરથી શરુ થતા ક્રિસમસ અને નવા વર્ષમાં ઓમિક્રોનને કાબુ બહાર જતો અટકાવવા હવે રાજ્યો સરકારોએ પગલાં ભરવાનું શરુ કરી દીધું છે. પહેલા મુંબઈ અને કર્ણાટક બાદ હવે દિલ્હી સરકારે ક્રિસમસ અને નવા વર્ષની ઉજવણી પર પ્રતિબંધ મૂકી દીધો છે. આ અંગે  DDMA દ્વારા એક ઓર્ડર બહાર પાડીને નવા નિયમો જાહેર કરાયા છે. 

Delhi Disaster Management Authority in view of rising COVID cases and variant of concern-Omicron, instructs DMs to take all required measures in their respective jurisdictions to control the spread. No mask/No entry should be strictly ensured at shops/workplaces pic.twitter.com/LyHgcM3cv5

— ANI (@ANI) December 22, 2021

ક્રિસમસ અને નવા વર્ષની ઉજવણી પર કોઈ પણ પ્રકારની ભીડ ભેગી નહીં કરી શકાય 

દિલ્હી સરકારે ક્રિસમસ અને નવા વર્ષની ઉજવણીના આયોજન માટે કોઈ પણ પ્રકારની ભીડ ભેગી કરવા પર પ્રતિબંધ મૂક્યો છે. DDMA દ્વારા જારી આદેશ અનુસાર, દિલ્હીમાં કોઈ પણ પ્રકારની ઈવેન્ટ, ભીડ ભેગા કરવા પર તાત્કાલિક અસરથી પ્રતિબંધ મૂકી દેવાયો છે. જિલ્લા પ્રશાસનના અધિકારીઓ અને દિલ્હી પોલીસના અધિકારીઓને આદેશનું પાલન કરવાનો નિર્દેશ અપાયો છે. તેની સાથે જિલ્લા પ્રશાસનને દૈનિક રિપોર્ટ આપવાનું પણ કહેવાયું છે. સાથે માર્કેટ ટ્રેડ એસોશિએશનને દુકાનો પર નો માસ્ક, નો એન્ટ્રી લાગુ પાડવાનું પણ કહેવાયું છે. 

25 ડિસેમ્બરથી દિલ્હીમાં લાગુ પડનાર નિયમો
- ક્રિસમસ અને નવા વર્ષની ઉજવણી માટે ભીડ ભેગી નહીં કરી શકાય
- દુકાનો અને કાર્યસ્થળોએ માસ્ક વગર એન્ટ્રી નહીં 
-તમામ પ્રકારની ભીડ ભેગી કરવા પર પ્રતિબંધ 
- લોકો જાહેરમાં માસ્ક વગર ફરી નહીં શકે 

- દિલ્હીમાં રેસ્ટોરન્ટ અને સિનેમાઘર 50 ટકા કેપિસિટી સાથે ખુલશે

મુંબઈ અને કર્ણાટકમાં પણ ક્રિસમસ અને નવા વર્ષની ઉજવણી પર લાગી ચૂક્યો છે પ્રતિબંધ
દિલ્હી પહેલા મુંબઈ અને કર્ણાટકમાં પણ  ક્રિસમસ અને નવા વર્ષની ઉજવણી પર પ્રતિબંધ લાગી ચૂક્યો છે. ભારતમાં જે રીતે ઓમિક્રોનના કેસ વધી રહ્યાં છે તે જોતા કેજરીવાલ સરકારનો આ નિર્ણય ઘણો મહત્વનો છે.