ભારતમાં કોરોના વાયરસના નવા વેરિયન્ટ ઓમિક્રોનને લઇને સરકાર ચિંતામાં છે. કોન્દ્રીય સ્વાસ્થ્ય મંત્રાલય પરિસ્થિતિને લઇને 6 રાજ્યોને ચિઠ્ઠી લખી છે. જેમાં દિલ્હી, મહારાષ્ટ્ર, કર્ણાટક, ગુજરાત, તમિલનાડુ અને ઝારખંડનું નામ સામેલ છે.
ગુજરાતના 3 શહેરોમાં કોરોનાની હાલત ચોંકાવનારી
અમદાવાદ, સુરત અને રાજકોટમાં કેસમાં ઝડપથી વધારો
દેશમાં કોરોનાના 82,402 એક્ટિવ કેસ
33 દિવસ બાદ એક દિવસમાં 10 હજારથી વધુ કેસ નોંધાયા
દેશમાં ઓમિક્રોન વેરિયન્ટથી સંક્રમિત દર્દીઓની સંખ્યા 961 થઇ ગઇ છે. કોરોનાના આ નવા સ્વરૂપથી દિલ્હી સૌથી અસરગ્રસ્ત છે. આંકડા જણાવે છે કે, ભારતના ઓછામાં ઓછા 8 રાજ્યોના કેટલાક શહેરોમાં કોરોના વાયરસ સંક્રમિતોનો આંકડો બેગણો થઇ રહ્યો છે. જેમાં હરિયાણા, દિલ્હી, ગુજરાત, ઝારખંડ, તામિલનાડુ, પશ્ચિમ બંગાળ, કર્ણાટક અને મહારાષ્ટ્રનું નામ સામેલ છે.
કોરોનાના કેસ મામલે ગુજરાત ત્રીજા સ્થાને
સ્વાસ્થ્ય મંત્રાલયે કહ્યું કે, દેશમાં કોરોનાના 82,402 એક્ટિવ કેસ, 33 દિવસ બાદ એક દિવસમાં 10 હજારથી વધુ કોરોનાના કેસ નોંધાયા છે. કેન્દ્રીય સ્વાસ્થ્ય મંત્રાલયે ગુરૂવારે જણાવ્યું કે, દિલ્હીમાં ઓમિક્રોનના સૌથી વધુ 263 કેસ સામે આવ્યા અને ત્યારબાદ મહારાષ્ટ્રમાં 252, ગુજરાતમાં 97, રાજસ્થાનમાં 69, કેરળમાં 65 અને તેલંગાણામાં 62 કેસ નોંધાયા છે.
India reports 13,154 new COVID19 cases in the last 24 hours; Omicron case tally rises to 961 with 263 cases in Delhi and 252 in Maharashtra pic.twitter.com/LEea2AP2UO
દિલ્હીના સ્વાસ્થ્ય મંત્રી સત્યેન્દ્ર જૈને ગુરૂવારે કહ્યું કે, કોરોના વાયરસના નવા સ્વરૂપ ઓમિક્રોનના કેસ ધીરે-ધીરે સામુદાયિક સ્તર પર ફેલાઇ રહ્યા છે અને રાષ્ટ્રીય રાજધાનીમાં જીનોમ સિકવન્સ માટે મોકલવામાં આવેલા નમૂનામાંથી 46 ટકામાં ઓમિક્રોનની પુષ્ટિ થઇ છે. તેમણે કહ્યું કે, ગ્રેડેડ રેસ્પૉન્સ એક્શન પ્લાન હેઠળ કેટલાક પ્રતિબંધો લગાવવામાં આવ્યા છે અને વધુ પ્રતિબંધો લગાવવાના સંબંધમાં નિર્ણય DDMA કરશે.
અમદાવાદ, સુરત અને રાજકોટના લોકો ચેતી જજો
તારીખ 15થી 21 ડિસેમ્બર વચ્ચે અમદાવાદમાં 207, રાજકોટમાં 83 અને સુરતમાં 97 કેસ નોંધાયા હતા. જ્યારે 22થી 28 ડિસેમ્બર વચ્ચે અમદાવાદમાં 635, રાજકોટમાં 175 અને સુરતમાં 247 કેસ નોંધાયા હતા. તો ગઇકાલના આંકડા પર નજર કરીએ તો અમદાવાદ શહેરમાં 265, સુરત શહેરમાં 72, રાજકોટ શહેર 20 તો અમદાવાદ ગ્રામ્યમાં 13, સુરત ગ્રામ્યમાં 8 અને રાજકોટ ગ્રામ્યમાં 7 કેસ નોંધાયા હતા.