BIG NEWS / દુનિયામાં કોરોનાની ચોથી લહેર આવી ગઈ, હવે જરાય ચલાવી લેવાશે નહીં: મોદી સરકારની કડક ચેતવણી

• દુનિયાભરમાં કોરોનાની ચોથી લહેર 
• ભારતમા ઓમિક્રૉન વેરિયન્ટનાં વધતાં કેસ 
• કેન્દ્રએ કહ્યું હવે ચલાવી લેવાશે નહીં 

ભારતમા ઓમિક્રૉન વેરિયન્ટનાં વધ્યા કેસ 
દેશમાં કોરોના વાયરસનાં ઓમિક્રૉન વેરિયન્ટનાં કેસમાં સતત વધારો જોવા મળી રહ્યો છે. કેન્દ્ર સરકાર દ્વારા જાણકારી આપવામાં આવી છે કે ભારતમાં 17 રાજ્યોમાં આ વેરિયન્ટ અત્યાર સુધીમાં ફેલાઈ ચૂક્યો છે અને કુલ કેસ 358 પહોંચ્યો છે જેમા 144 દર્દીઓ સાજા થઈ ગયા છે અને 244 દર્દીઓ હજુ સારવાર લઈ રહ્યા છે. કેન્દ્ર સરકારનાં સ્વાસ્થ્ય સચિવે કહ્યું કે 121 લોકો વિદેશથી આવેલા હતા અને 44 લોકોની કોઈ ટ્રાવેલ હિસ્ટ્રી નથી છતાં તે આ વેરિયન્ટનાં સંપર્કમાં આવી ગયા છે. 

While Europe, North America & Africa are seeing an increase in COVID19 cases week-on-week, Asia is still witnessing a decline in cases week-on-week: Union Health Secretary Rajesh Bhushan on COVID19

— ANI (@ANI) December 24, 2021

કડક શબ્દોમાં કેન્દ્રએ આપી ચેતવણી 
કેન્દ્રીય સ્વાસ્થ્ય મંત્રાલયે કહ્યું કે દુનિયામાં કોરોના વાયરસની ચોથી લહેર ચાલી રહી છે અને હવે સાવધાની રાખવાની જરૂર છે. યુરોપ, નોર્થ અમેરિકા અને આફ્રિકામાં કેસ વધી રહ્યા છે જોકે એશિયામાં કેસ ઘટી જ રહ્યા છે. ભારતમા કોરોના વાયરસની બે લહેર આવેલી છે. સૌથી વધારે કેસ ધરાવતા દેશોમાં યુકે, ડેન્માર્ક, કેનેડા, નૉર્વે અને જર્મનીનો સમાવેશ થાય છે. 

કેન્દ્ર સરકારે આજે પત્રકાર પરિષદમાં કડક શબ્દોમાં કહ્યું છે કે ભારતમા પોઝિટીવીટી રેટ 6.1 ટકા છે અને સતર્ક રહેવાની જરૂર છે, હવે અમે જરાય બેદરકારી ચલાવી લઈશું નહીં. 

358 Omicron cases in 17 States/UTs of India. The number of persons recovered is 114: Union Health Secretary Rajesh Bhushan on COVID19 pic.twitter.com/X78A1oMxrM

— ANI (@ANI) December 24, 2021

રાત્રે 11 થી સવારે 5 કર્ફ્યૂ 
નોંધનીય છે કે ઉત્તર પ્રદેશમાં આજે નાઈટ કર્ફ્યૂ જાહેર કરવામાં આવ્યું છે અને મહારાષ્ટ્રમાં આવતીકાલે નવા કડક નિયમો જાહેર કરવામાં આવશે. ઉત્તરપ્રદેશ સરકારે વધતાં ઓમીક્રોન અને કોરોના કેસના પગલે એક મહત્વનો નિર્ણય લીધો છે. સરકારે night Curfew ફરી લાગુ કરવાનો નિર્ણય લીધો છે. ઉત્તરપ્રદેશમાં ઓમિક્રોનના કેસ વધે એ પહેલા જ આગોતરા પગલાંના ભાગરૂપે સરકારે પગલાં લીધા છે અને નાઈટ કર્ફ્યૂ લગાવી દીધો છે જે રાત્રે 11 વાગ્યાથી શરૂ થઈ સવારના 5 વાગ્યા સુધી રહેશે. આ ઉપરાંત હવેથી યુપીમાં લગ્નોમાં માત્ર 200 લોકોને જ પરવાનગી આપવામાં આવી છે જેથી વધારે મોટા મેળવડા અને જમાવડા ન થાય અને ઓમિક્રોનના ભાવિ ખતરા સામે રક્ષણ મેળવી શકાય. 

The treatment protocols for COVID-19 & Delta will apply to Omicron. While the evidence emerges, the immune escape potential for Delta is higher & its high transmission rates will lead to high surge cases: Union Health Secretary Rajesh Bhushan on COVID19 pic.twitter.com/3vU9opYFdz

— ANI (@ANI) December 24, 2021

ઓમિક્રૉન વેરિયન્ટ હવે ટોપ ગિયરમાં 
દુનિયાભરમાં કોરોના વાઈરસનો નવો વેરિઅન્ટ ઓમિક્રોન ભારે કહેર મચાવી રહ્યો છે અને મોટાભાગના દેશોને પોતાની ઝપટમાં લઈ લીધા છે. બ્રિટન, અમેરિકા, યુરોપના તમામ દેશો, ઈઝરાયલ વગેરે દેશોમાં ઓમિક્રોન કેસની રીતસર સુનામી જોવા મળી છે. એમાંય બ્રિટન અને અમેરિકામાં ઓમિક્રોનના પગલે કોરોનાની સ્થિતિ વધુને વધુ વિકરાળ બનતી જાય છે. છેલ્લા ૨૪ કલાકમાં બ્રિટનમાં કોરોનાના રેકોર્ડબ્રેક ૧,૧૯,૭૮૯ નવા કેસ નોંધાતા ખળભળાટ મચી ગયો છે. આમ યુકેમાં ૪૮ કલાકમાં જ સવા બે લાખથી વધુ નવા કેસ નોંધાયા છે અને અત્યારે યુકેમાં એક્ટિવ કેસની સંખ્યા ૧૬.૫૦ લાખથી વધી ગઈ છે. ૨૮ દિવસમાં યુકેમાં ૧૪૭ સંક્રમિતોના મોત થયાં છે. ઓમિક્રોનના કારણે દુનિયામાં ૨૦થી વધુ લોકોએ જીવ ગુમાવ્યા છે, જેમાં બ્રિટનમાં ૧૮, અમેરિકામાં એક અને ઈઝરાયલના એક મોતનો સમાવેશ થાય છે.

ધ્રુજાવી દે તેવા આંકડા સામે આવ્યા 
દુનિયાના બે વિકસિત દેશ અમેરિકા અને બ્રિટન સહિત યુરોપમાં ધ્રુજાવી દે એવા કોરોનાના આંકડા સતત સામે આવી રહ્યા છે. યુએસમાં છેલ્લા ૨૪ કલાકમાં જ કોરોનાના બે લાખ નવા કેસ સામે આવ્યા છે અને છેલ્લા ૭૨ કલાકમાં કોરોનાના છ લાખથી વધુ નવા કેસ નોંધાયા છે.