ચિંતા / ભારતના પહેલા ઓમિક્રોન દર્દીમાં દેખાયા છે આ લક્ષણો, તમે પણ જાણીને ચેતી જજો

• ઓમિક્રોને ભારતમાં વધાર્યું ટૅન્શન
• ભારતના પહેલા ઓમિક્રોન દર્દીમાં દેખાયા છે આ લક્ષણો
• આરોગ્ય મંત્રીએ કહ્યું- કેવી રીતે ઓમિક્રોન ફેલાયો તે કહેવું મુશ્કેલ 

નવા સંક્રમણના આ બંને કેસ કર્ણાટક  (Omicron in Karnataka) માં જોવા મળ્યા છે, જો કે, આરોગ્ય મંત્રાલયે લોકોને ગભરાશો નહીં તેવી અપીલ કરીને સુરક્ષાનું સંપૂર્ણ ધ્યાન રાખવાની સલાહ આપી છે. આ બધાની વચ્ચે હવે એ વાત સામે આવી છે કે ઓમિક્રોનના પહેલા દર્દીમાં કયા લક્ષણો જોવા મળે છે? 

ભારતમાં કેવી રીતે પહોંચ્યો ઓમિક્રોન વેરિયન્ટ?

કર્ણાટકના આરોગ્ય મંત્રી સુધાકરના જણાવ્યા પ્રમાણે, બંન્ને કેસ ડૅલ્ટા વેરિયન્ટ સાથે મેચ નથી કરી રહ્યા, કેન્દ્રને પણ આ મામલે એલર્ટ કરવામાં આવેલ છે. 66 વર્ષનો એક પુરુષ જે દક્ષિણ આફ્રિકાનો નાગરિક છે તેમનો 20 નવેમ્બરે બેંગલુરૂ આવ્યો હતો જ્યાં તેમનો કોવિડ ટેસ્ટ પોઝિટિવ આવ્યો છે. તેમને એક હોટલમાં આઈસોલેટ કરાયેલ છે. જો કે, ત્યારબાદ 23 નવેમ્બરે ફરીવાર ટેસ્ટ કરવામાં આવતા રિપોર્ટ નેગેટિવ આવ્યો છે. ત્યારબાદ તે 27 નવેમ્બરના રોજ દુબઈ માટે રવાના થયો છે. તેના સંપર્કમાં આવેલ લોકોનો રિપોર્ટ પણ નેગેટિવ આવ્યો છે. તો ઓમિક્રોનનો બીજો કેસ 46 વર્ષના ડોક્ટરનો છે. જે એક સરકારી હોસ્પિટલમાં કામ કરે છે, જેમની કોઈ ટ્રાવેલ હિસ્ટ્રી પણ નથી. 

ઓમિક્રોનના કેવા લક્ષણો મળ્યા જોવા

46 વર્ષીય ડોક્ટરને ખૂબ જ થાક, અશક્તિ અને તાવ જેવા લક્ષણો અનુભવાતા તેમણે પોતાનો ટૅસ્ટ કરાવ્યો હતો. જે પોઝિટિવ આવ્યો છે. રિપોર્ટ્સ મુજબ તેમની સાઈકલ થ્રેશહોલ્ડ વેલ્યૂ(CT VALUE) ઓછી હતી. ત્યારબાદ સેમ્પલ લેબમાં મોકલવામાં આવેલ. તો તેમના સંપર્કમાં આવેલ 5 લોકોના કોરોના રિપોર્ટ પણ પોઝિટિવ આવ્યા છે. દક્ષિણ આફ્રિકાના વૈજ્ઞાનિકોનું કહેવું છે કે, આ વેરિયન્ટના લક્ષણ ખૂબ ગંભીર નથી. જો કે, હળવા લક્ષણો ન હોવાને કારણે મોટાભાગના લોકોને ખબર પડતી નથી અને સંક્રમણ સરળતાથી ફેલાવાની સંભાવના વધી જાય છે. માટે તમને પણ ઉપરના કોઈપણ લક્ષણો જણાય તો તરત કોવિડ ટેસ્ટ કરાવી લેવો જોઈએ. 

કેવી રીતે ઓમિક્રોન ફેલાયો તે કહેવું મુશ્કેલ 

કર્ણાટકના આરોગ્ય મંત્રીએ વધુમાં જણાવ્યું કે, અત્યારે કહેવું મુશ્કેલ છે કે, ઓમિક્રોનનો ફેલાવો કેવી રીતે થાય છે. જો કે, ચિંતાની કોઈ જ વાત નથી. કારણ કે 6 કેસની ઓળખ કરી લેવામાં આવી છે જેમાં કોઈપણ પ્રકારની તકલીફો જોવા મળી નથી. જેમ કે આપણે ડૅલ્ટા વેરિયન્ટમાં શ્વાસ લેવા જેવી ગંભીર સમસ્યા જોવા મળી હતી, ઓમિક્રોનમાં હાલ આ પ્રકારના કોઈ જ લક્ષણો જોવા મળ્યા નથી. 

નવા વેરિયન્ટ ની વચ્ચે દેશના ચાર રાજ્યોમાં શંકાસ્પદ કેસો જોવા મળ્યાં 

કોરોનાના નવો વેરિયન્ટ ઓમિક્રોનના બે કેસો કર્ણાટકના બેગ્લોરમાં મળ્યાં બાદ સમગ્ર દેશ એલર્ટ થઈ ગયો છે. તો વળી બીજી તરફ દેશના વિવિઘ રાજ્યોના મુખ્યમંત્રીઓ આ મામલે બેઠક બોલવી છે. ત્યારે શુક્રવારે વધુ એર ચોંકાવનારો ખુલાસો સામે આવી રહ્યો છે. જેમાં આંધ્ર પ્રદેશ, બેંગ્લોર, દિલ્હી મહારાષ્ટ્રમાં શંકાસ્પદ કેસો જોવા મળી રહ્યો છે. આ તમામના સેમ્પલ તપાસ માટે મોકલવામાં આવ્યા છે.

દિલ્હી એરપોર્ટ પર 6 યાત્રીઓનો રિપોર્ટ કોવિડ પોઝિટીવ આવ્યો  

દેશમાં અત્યાર સુધી કર્ણાટકમાં બે લોકો ઓમિક્રોન વાયરસથી સંક્રમિત થયા સમાચાર સામે આવ્યાં છે. ત્યારે ગુરુવારે દિલ્હી એરપોર્ટ પર ચાર ઈન્ટરનેશનલ ફ્લાઈટ લેન્ડ થઈ હતી. તેમજ એક ફ્લાઈટ પેરિસથી પણ આવી હતી.જેમાંથી સરેરાશ 3 હજાર લોકો દિલ્હીના ઈન્ટરનેશનલ એરપોર્ટ પર ઉતર્યા હતાં. જેમાંથી 6 લોકોનો રિપોર્ટ કોરોના પોઝિટીવ આવ્યો છે. 

મહારાષ્ટ્રમાં ઓમિક્રોનના શંકાસ્પદ દર્દીઓની સંખ્યા 28 પર પહોંચી 

મહારાષ્ટ્રના આરોગ્ય પ્રધાન રાજેશ ટોપેએ જણાવ્યું હતું કે રાજ્યમાં શંકાસ્પદ ઓમિક્રોન દર્દીઓની સંખ્યા હવે વધીને 28 થઈ ગઈ છે. તેમણે જણાવ્યું કે ઉચ્ચ જોખમ ધરાવતા દેશોમાંથી ભારત પરત ફરેલા લોકોના સેમ્પલ પોઝિટિવ મળ્યા હતા અને તેમના સંપર્કમાં આવેલા લોકોનું પરીક્ષણ કર્યા બાદ તેમના સેમ્પલ જીનોમ સિક્વન્સિંગ માટે મોકલવામાં આવ્યા છે. મુંબઈમાં 10-11-2021 થી 2-12-2021 સુધી 2868 મુસાફરો મુંબઈ પહોંચ્યા હતા. જેમાંથી આંતરરાષ્ટ્રીય ફ્લાઈટથી મુંબઈ આવેલા 485 મુસાફરોનો કોરોના ટેસ્ટ કરવામાં આવ્યો છે. 485માંથી 9 મુસાફરોનો કોરોના રિપોર્ટ પોઝિટિવ આવ્યો છે.

આંધ્રપ્રદેશ પરત ફરેલા 60માંથી 30 વિદેશી પ્રવાસીઓ 'ગુમ'

આંધ્રપ્રદેશમાં પણ છેલ્લા 10 દિવસમાં, વિદેશથી લગભગ 60 પ્રવાસીઓ અહીં આવ્યા છે, જેમાંથી 9 આફ્રિકાથી આવ્યા છે. 60માંથી 30 મુસાફરો વિશાખાપટ્ટનમમાં રોકાયા છે, જ્યારે બાકીના 30 મુસાફરો રાજ્યમાં અલગ-અલગ સ્થળોએ જવા રવાના થયા છે. આંધ્ર પ્રદેશ સરકાર હવે આ 30 લોકોને શોધી રહી છે. ઉલ્લેખનીય છે કે, ઓમિક્રોન વેરિઅન્ટના જોખમને ધ્યાનમાં રાખીને સરકારે આ લોકોનો RT-PCR ટેસ્ટ કરાવવો પડશે.