દુનિયાના 89 દેશોમાં ફેલાયેલા ઓમિક્રોન વેરિયન્ટનું હવે કમ્યુનિટી ટ્રાન્સમિશન શરુ થયું છે અને તેને કારણે 1.5 થી 3 દિવસમાં કેસમાં બમણો વધારો થયો છે.
ઓમિક્રોન વેરિયન્ટ દુનિયાના 89 દેશોમાં ફેલાયો
ઓમિક્રોન વેરિયન્ટનું હવે કમ્યુનિટી ટ્રાન્સમિશન શરુ થયું
1.5 થી 3 દિવસમાં કેસમાં બમણો વધારો થયો
વિશ્વ આરોગ્ય સંગઠને (WHO) એવી જાણકારી આપી કે ઓમિક્રોન વેરિયન્ટ હવે કમ્યુનિટી ટ્રાન્સમિશન ધારણ કર્યું છે એટલે કે હવે સ્થાનિક સ્તરે ઓમિક્રોન સંક્રમણ શરુ થયું છે. વિશ્વ આરોગ્ય સંગઠને કહ્યું કે એ વાતનો પુરાવો મળ્યો છે કે ડેલ્ટાની તુલનામાં ઓમિક્રોન ઘણી ઝડપથી ફેલાયો છે.
શું છે કમ્યુનિટી ટ્રાન્સમિશન
કમ્યુનિટી ટ્રાન્સમિશન એટલે સ્થાનિક સ્તરનું સંક્રમણ.આમાં ઓમિક્રોનું હવે સામુદાયિક સ્તરે સંક્રમણ શરુ થયું છે. તેને કારણે કેસોમાં બમણો વધારો થયો છે. ચિંતાની વાત એ છે કે ઓમિક્રોન એ દેશમાં ઝડપથી ફેલાઈ રહ્યો છે જ્યાં વસતીમાં રોગપ્રતિકાર ક્ષમતા વધારે છે. જોકે હજુ સુધી સ્પસ્ટ થયું નથી કે આ વાયરસ રોગ પ્રતિકાર શક્તિને થાપ આપી શકે કે તેની સંક્રમકતા વધી છે.
ઓમિક્રોન અને ડેલ્ટા ભેગા મળીને સુપર વેરિયન્ટ પેદા કરી શકે-વૈજ્ઞાનિક
મોડર્નાના ચીફ મેડિકલ ઓફિસર ડોક્ટર પોલ બર્ટને જણાવ્યું કે જો ઓમિક્રોન અને ડેલ્ટા સ્ટ્રેન મળીને કોઈને સંક્રમિત કરે તો કોરોનાના નવો સુપર વેરિયન્ટ બની શકે છે. બ્રિટનમાં ડેલ્ટા અને ઓમિક્રોનની આઉટબ્રેક સ્પીડે સુપર વેરિયન્ટની આશંકા વધારી દીધી છે.
અરસપરસ DNA બદલી શકે છે વાયરસ
ડોક્ટર બર્ટને જણાવ્યું કે સામાન્ય રીતે મનુષ્ય કોરોનાના એક વેરિયન્ટથી સંક્રમિત થાય છે, કેટલાક ખાસ કિસ્સામાં બે સ્ટ્રેન પર એક જ સમયે સંક્રમિત કરી શકે છએ. જો ડેલ્ટા અને ઓમિક્રોન બન્ને એક સેલને સંક્રમિત કરે તો અરસપરસ ડીએનએમાં અદલાબદલી કરી શકે છે. આ બન્નેના મિક્સ થવાથી કોરોનાનો એક નવો સુપર સ્ટ્રેન બની શકે છે. તેમણે કહ્યું કે બન્ને વેરિયન્ટ ભેગા થતા તે પહેલા કરતા પણ વધારે ખતરનાક બની શકે છે. બન્ને વાયરસ અરસપરસ જીન શેર કરીને સ્વેપ કરી શકે છે.
ન્યૂ સાઉથ વેલ્સ યુનિવર્સિટીના વાયરોલોજિસ્ટ પીટર વ્હાઇટે પણ આ મહિને સુપર સ્ટ્રેઇન ઉભરી રહેવાની ચેતવણી આપી હતી. બ્રિટિશ આરોગ્ય નિષ્ણાતોએ જાન્યુઆરીમાં સ્પેનમાં કેટલાક કેસ નોંધ્યા હતા જેમાં આલ્ફા સ્ટ્રેઇન અને બી.૧.૧૭૭ સ્ટ્રેઇન સાથે જોડાયા હતા. કેલિફોર્નિયાના વૈજ્ઞાનિકોએ પણ ફેબ્રુઆરીમાં અહેવાલ આપ્યો હતો. તેઓએ એક સ્ટ્રેનની ઓળખ કરી હતી જેમાં કેન્ટ સ્ટ્રેઇન અને બી.૧.૪૨૯ સાથે જોડાયા હતા.