સાવધાન / ડેલ્ટા કરતાં છ ગણો ખતરનાક છે Omicron! સામાન્ય લાગતા આ લક્ષણોને તો ભૂલથી પણ નજરઅંદાજ ન કરતાં નહીં તો...

• ડેલ્ટા વેરિએન્ટથી છ ગણો વધારે શક્તિશાળી છે ઓમિક્રોન વેરિએન્ટ
• WHOએ આ અંગે ચિંતા દર્શાવી, જાણો કેટલો ખતરનાક છે વેરિએન્ટ
• આ વેરિએન્ટ પર મોનોક્લોનલ એન્ટીબોડી થેરાપી બિન અસરકારક

કેટલો ખતરનાક છે ઑમિક્રોન વેરિએન્ટ?

વિશ્વભરના નિષ્ણાંતોનો દાવો છે કે ઓમિક્રોન જેવા ખતરનાક વેરિએન્ટ પર મોનોક્લોનલ એન્ટીબોડી થેરાપીની કોઈ અસર થતી નથી. આ વેરિએન્ટની તાકાત અને લક્ષણોને લઇને નવી વાતો સામે આવી છે. દક્ષિણ આફ્રિકા સહિત અન્ય દેશોમાં ઓમિક્રોન ઈન્ફેક્શનના પ્રારંભિક વિશ્લેષણના આધારે તેને ડેલ્ટા વેરિએન્ટથી છ ગણો વધારે શક્તિશાળી જણાવવામાં આવી રહ્યો છે. ડેલ્ટા એ જ વેરિએન્ટ છે, જેણે ભારતમાં કોરોનાની બીજી લહેર દરમ્યાન ધમાલ મચાવી હતી. આ વેરિએન્ટ ઈમ્યુન સિસ્ટમને પણ ખરાબ કરી શકે છે. ન્યુયોર્ક ટાઈમ્સની એક રિપોર્ટ મુજબ, ઓમિક્રોન ગત વેરિએન્ટથી વધુ ખતરનાક છે અને વેક્સિનેશન અથવા નેચરલ ઈન્ફેક્શનથી થતી ઈમ્યુન સિસ્ટમને પણ બિનઅસરકારક કરી નાખે છે.

મોનોક્લોનલ એન્ટીબોડી થેરાપી બિન અસરકારક

વધારે ઈન્ફેક્શન  અને લોકોને તેજીથી મોતને ઘાટ ઉતારનારા ડેલ્ટા વેરિએન્ટ પર મોનોક્લોનલ એન્ટીબોડી થેરાપીની કોઈ અસર દેખાતી નથી. જ્યારે ડેલ્ટા પ્લસ વેરિએન્ટ પર આ થેરાપીની કોઈ અસર થતી નથી. જે કોવિડ ઈન્ફેક્શનના  પ્રારંભિક તબક્કામાં એક ચમત્કારી સારવાર માનવામાં આવે છે. ડેલ્ટા પ્લસ વેરિએન્ટ બાદ ઓમિક્રોન બીજો એવો વેરિએન્ટ છે,  જેના પર મોનોક્લોનલ એન્ટીબોડી ટ્રીટમેન્ટનો કોઈ પ્રભાવ પડતો નથી.

કેવા છે ઓમિક્રોન ઈન્ફેક્શનના લક્ષણો?

દક્ષિણ આફ્રિકામાં સૌથી પહેલાં એમિક્રોન વેરિએન્ટ ઓળખનારી એક તબીબે એક જાણીતી ન્યુઝ સંસ્થાને કહ્યું, મેં તેના લક્ષણ સૌથી પહેલાં નાની ઉંમરના એક શખ્સમાં જોયા હતા. જે અંદાજે 30 વર્ષનો હતો. તેમણે જણાવ્યું કે દર્દી ખૂબ થાકેલો રહેતો હતો. તેને હળવા માથાના દુ:ખાવાની સાથે આખા શરીરમાં દુ:ખાવાની ફરિયાદ રહેતી હતી. ગળામાં ખારાશની જગ્યાએ ગળુ છોલાઈ જતુ હતુ. આ શખ્સને ઉધરસ આવતી નહોતી અને સ્વાદ ના આવે તેવા પણ કોઈ લક્ષણો ન હતા. જોકે, તબીબોએ દર્દીઓના એક નાના સમુહને જોઈને આ પ્રતિક્રિયા આપી હતી. મોટાભાગના લોકોમાં તેના લક્ષણો કેવા હશે તેને લઇને હજી સુધી કોઈ સ્પષ્ટ દાવો કરવામાં આવ્યો નથી.