ચિંતાજનક / ઓમિક્રોનનો કહેર, બ્રિટન આફ્રિકામાં કેસનો રાફડો ફાટ્યો, જાણો ભારતની કેવી સ્થિતિ

• બ્રિટનમાં એક દિવસમાં 88376 નવા કેસ મળ્યા
• ઓમિક્રોન ભારતના 11 રાજ્યોમાં ફેલાઈ ચૂક્યો છે
• બ્રિટનમાં સતત ત્રીજા દિવસે કોરોનાના રેકોર્ડબ્રેક કેસ નોંધાયા

બ્રિટનમાં એક દિવસમાં 88376 નવા કેસ મળ્યા

કોરોનાના કેસમાં સતત વધારો થઈ રહ્યો છે. જે સ્પીડથી કેસ મળી રહ્યા છે તે ચિંતાજનક છે. ઓમિક્રોન ભારતના 11 રાજ્યોમાં ફેલાઈ ચૂક્યો છે.  જેથી દેશમાં 88 નવા કેસ સામે આવ્યા છે. ત્યારે વિદેશની વાત કરીએ તો ગત રોજ એટલે કે ગુરુવારે બ્રિટનમાં કોરોનાના અત્યાર સુધીમાં તમામ રેકોર્ડ તોડી નાંખ્યા છે. યુકેમાં એક દિવસમાં 88376 નવા કેસ મળ્યા છે. જ્યારે કોરોનાથી 146 લોકોના જીવ ગયા છે.  ભારતના 11 રાજ્યમાં મહારાષ્ટ્ર, રાજસ્થાન, દિલ્હી, ગુજરાત, કર્ણાટક, તેલંગાના, પશ્ચિમ બંગાળ, આંધ પ્રદેશ, પંજાબ અને તમિલનાડુ સામેલ છે. તે ઓમિક્રોનના વેરિએન્ટની ઝપેટમાં આવી ચૂક્યા છે.

ત્રીજી લહેરની આહટ

બ્રિટનમાં સતત ત્રીજા દિવસે કોરોનાના રેકોર્ડબ્રેક કેસ નોંધાયા છે. એક બાજુ અહીં ઓમિક્રોન વેરિયન્ટ ફેલાઈ રહ્યો છે. ઓમિક્રોનને કારણે કોરોનાના કેસો વધી રહ્યાં હોવાની શક્યતા છે. બ્રિટનમાં કોરોનાની ત્રીજી લહેરની પણ શક્યતા છે. 

બ્રિટનમાં ઓમિક્રોનથી દુનિયાનું પહેલું મોત થયું છે

ઉલ્લેખનીય છે કે બ્રિટનમાં ઓમિક્રોનથી દુનિયાનું પહેલું મોત હોવાની પુષ્ટિ પ્રધાનમંત્રી બોરિસ જોન્સન કરી ચૂક્યા છે. 

બ્રિટનમાં સરકારને કડક આંશિક પ્રતિબંધો લાગુ કરવા પડ્યા

બ્રિટનમાં જે રીતે એક તરફ કોરોનાના રેકોર્ડબ્રેક કેસ આવી રહ્યાં છે અને બીજી તરફ ઓમિક્રોનનો પણ ખતરો તોડાઈ રહ્યો છે તેવી સ્થિતિમાં હવે બ્રિટન સરકાર કડક આંશિક પ્રતિબંધો લાગુ કરવા પડ્યા છે. બીજી કોઈ રીતે તો કેસમાં ઘટાડો થાય તેવું લાગતું નથી. 

ફ્રાન્સે બ્રિટનની યાત્રા પર મૂક્યો પ્રતિબંધ 

બ્રિટનમાં રેકોર્ડબ્રેક સંખ્યામાં કોરોનાના કેસ આવતા ફ્રાન્સે તાબડતોબ બ્રિટનની યાત્રા પર પ્રતિબંધ મૂકી દીધો છે. બ્રિટનમાં રેકોર્ડબ્રેક કેસ આવતા આખી દુનિયાનું ટેન્શન વધી ગયું છે.