બોલીવુડ અભિનેતા બાદશાહ ખાન એટલે કે શાહરૂખ ખાન વિશ્વમાં સૌથી વધુ કમાણી કરનાર વ્યક્તિમાંથી એક છે. પરંતુ હવે પ્રશ્ન છે કે તેની પાસે કેટલી સંપત્તિ છે ? સૂત્રો દ્વારા મળતી માહિતી મુજબ શાહરુખ એક ફિલ્મ કરવા હોલીવુડના ઘણા કલાકારો કરતાં વધુ ચાર્જ લે છે અને શાહરૂખ ખાનની કુલ સંપત્તિ 600 મિલિયન ડોલર એટલે કે લગભગ 40 અબજ રૂપિયા છે. શાહરૂખ ખાને 2008માં કોલકાતા નાઈટ રાઈડર્સને 75 મિલિયન ડોલર (આશરે 4 અબજ રૂપિયા)માં ખરીદી હતી.
આ ટીમના કો.ઓનર જુહી ચાવલા પણ છે. આ ઉપરાંત શાહરૂખ એક ફિલ્મ માટે 2.51 અબજ રૂપિયા ચાર્જ કરે છે. ઇન્ડસ્ટ્રીમાં ત્રણે ખાન ફિલ્મની કમાણીમાં ભાગ લે છે. શાહરૂખ જોડે મુંબઈમાં 'મન્નત' નામનું ઘર છે. જે બંગલો તેણે 1995માં 15 કરોડમાં લીધો હતો. અત્યારે આ ઘરની કિંમત 20 કરોડ સુધી પહોંચી ગઇ છે. તેનું આ ઘર લોકપ્રિય પ્રવાસી સ્થળ પણ બની ગયું છે.
આ ઉપરાંત દુબઈમાં પણ શાહરૂખ ખાનની એક વિલા છે તેનું કહેવું છે કે આ વિલાએ તેને એક સાઈડ ડેવલપરે ભેટમાં આપી છે. આટલું જ નહીં શાહરૂખ ખાનને લંડનમાં પણ એક એપાર્ટમેન્ટ છે. જેની કિંમત 1 અબજ રૂપિયા છે. ફિલ્મો ઉપરાંત શાહરૂખ ઘણી કંપનીઓના બ્રાન્ડ એમ્બેસેડર પણ છે. તે કંપનીઓના ઉત્પાદનો માટે શૂટિંગ કરીને પણ કરોડો રૂપિયાની કમાણી કરી લે છે.
બધું મળીને જોવા જઇએ તો શાહરૂખની કુલ કમાણી 600 મિલિયન ડોલર એટલે કે લગભગ 40 અબજ રૂપિયા જેટલી છે. તમને જણાવી દઈએ કે અત્યારે તે આનંદ એલ. રાયની ફિલ્મ 'ઝીરો'માં કામ કરી રહ્યાં છે જેમાં તેની સાથે કેટરિના કૈફ અને અનુષ્કા શર્મા પણ જોવા મળશે.