આજકાલ જૂનાગઢનો એક બકરો ટોક ઓફ ધી ટાઉન બન્યો છે. આ બકરાની કિંમત સાત લાખ અને તેથી વધુ આંકવામાં આવી રહી છે. આ બકરામાં એવું તે શું છે કે બકરાની કિંમત આટલી ઉંચી અંકાઈ રહી છે?
માંગરોળના શીલબારા ગામે બકરાની કિંમત 7 લાખથી વધુ
બકરાની ખાસિયતને લઇ ઉંચી કિંમત
બકરાના પેટના ભાગે ઉર્દુમાં અલ્લાહ લખેલુ છે
જૂનાગઢના માંગરોળ પાસે શીલબારા ગામમાં એક બકરો આજકાલ ચર્ચામાં છે. આર્ બકરો આજકાલ સમાચારોમાં પણ ચમકી રહ્યો છે. ત્યારે સામાન્ય રીતે એવું થાય કે બકરામાં એવું તે શું હશે કે તેની આટલી મોટી કિંમત છતાં તેનો માલિક તેને વેચતો નથી.
બકરાની ખાસિયતને લઇ ઉંચી કિંમત
બકરામાં એક નવી ખાસિયતને કારણે બકરાની કિંમત ઉંચી છે. બકરાના પેટના ભાગે ઉર્દુમાં અલ્લાહ લખેલુ છે. ગળાના ભાગે ઉર્દુમાં મોહમ્મદ લખેલું છે. જેને કારણે બકરાની કિમંત ઉંચી આકવામાં આવી રહી હોવાનો અંદાજો લગાવાઈ રહ્યો છે.
ગરીબ પરિવાર મજૂરી કરી ચલાવે છે ગુજરાન
બકરો જેમની પાસે છે તે એક ગરીબ પરિવાર છે અને મજૂરી કરીને પોતાનું ગુજરાત ચલાવે છે. 7 લાખથી વધુમાં માગ છતા પરિવાર બકરાને વેચવા તૈયાર નથી. આ
પરિવાર બકરાની પૂજા અર્ચના કરે છે.
ઈદ નિમિત્તે લોકો ઈચ્છી રહ્યા છે બકરો
બકરાના માલિકોને ત્યાં ઇદનો તહેવાર આવતો હોવાથી ગ્રાહકોનો ખૂબ ઘસારો છે. મોટી સંખ્યામાં બકરો ખરીદવા લોકો પહોંચ્યા હતા અને ઉંચી કિંમત આપવાની તૈયારી બતાવી હતી. પણ પરિવાર ટસનો મસ ન થયો અને તેમણે બકરો વેચ્યો નહી.