ગજબ / OMG! દાહોદમાં ટ્રેક્ટરનું પૈડું બાઇકસવાર પર ફરી વળ્યું, Video જોઈને રોજ હેલ્મેટ પહેરવા લાગશો

• હેલ્મેટએ  બચાવી જીંદગી 
• વાહન ચલાવતા અછોક પહેરો હેલ્મેટ 
• દાહોદની ચમત્કારિક ઘટના 

રાજ્યનો માર્ગ સુરક્ષા વિભાગ અને ટ્રાફિક વિભાગ જેની સતત ભલામણ કરે છે વાહનચાલકોને તે હેલ્મેટ છે. તમે દ્વિ-ચકરી વાહન લઈને નીકળતા હો તો તમારે અચૂક હેલ્મેટ પહેરવી જોઈએ.દાહોદમાં એક વાહન ચાલકને 'જા કો રાખે સાઈયા' જેવો અનુભવ થયો અને માત્ર હેલ્મેટના કારણે તેનો જીવ બચી ગયો. 

ચમત્કારિક બચાવ 
દાહોદ શહેરમાં  એક બાઈક પર જઈ રહેલા પરિવારનો ભયાનક અકસ્માત થયો હતો.આ અકસ્માતમાં બાઈક ચાલક ટ્રેકટરની ટ્રોલીના પૈડા નીચે આવી ગયો હતો.પરંતુ હેલ્મેટ પહેરવાના કારણે તેનો ચમત્કારિક બચાવ થયો હતો.તથા આ અકસ્માતમાં તેના પરિવારનો પણ આબાદ બચાવ થયો હતો.આ અકસ્માતનો વીડિયો જોત જોતામાં સોશિયલ મીડિયામાં ભારે વાયરલ થઈ રહ્યો છે.

બે દિવસમાં બે અકસ્માત-બંને બચી ગયા 

દાહોદમા સોમવારે એસટી બસ અને બાઇક વચ્ચે સર્જાયેલા અકસ્માતમાં પણ બાઇક ચાલકનો ચમત્કારિક બચાવ થયો હતો.આમ બે દિવસમાં બે ભયંકર અકસ્માતમાં બાઈક ચાલકના ચમત્કારિક બચાવ થતા સમ્રગ શહેરમાં ચર્ચાનો વિષય બન્યો છે.

બિસમાર માર્ગો સર્જે છે અકસ્માત 
વરસાદ આવતાની સાથે જ શહેરના મુખ્ય માર્ગો પર ખાડાઓનું સામ્રાજ્ય સર્જાય જાય છે.તંત્રની બેદરકારીના કારણે અનેક માસુમોનો જીવ જોખમમાં આવી જાય છે અને કેટલાક લોકો તો પોતાનો જીવ પણ ગુમાવે છે.પરંતુ આટ આટલા અકસ્માત થવા છતા પણ તંત્રના પેટનું પાણી જરા પણ હલતુ નથી.તેવી રાવ-ફરિયાદ ઉઠવા પામી છે.