OMG / ચાલતી ટ્રેનના બે ડબ્બા અચાનક જુદા થઈ અલગ અલગ શહેરોમાં જવા લાગ્યા, જાણો ક્યાં બની આ ઘટના

• ટ્રેનના ડબ્બા અચાનક થઈ ગયા અલગ 
• અલગ અલગ શહેરોમાં જવા લાગી ટ્રેન 
• શખ્સે શેર કર્યો કેવો હતો અનુભવ 

દરેક વ્યક્તિ ઈચ્છે છે કે તેમની મુસાફરી આરામદાયક હોય. પરંતુ ક્યારેક ઈચ્છા હોવા છતાં તે થતું નથી. પરંતુ શું તમે ક્યારેય સાંભળ્યું છે કે કોઈ ટ્રેનમાં મુસાફરી કરી હોય અને તેને અચાનક ખબર પડે છે કે તે જે ડબ્બામાં બેઠુ છે તે કોઈ અન્ય શહેર તરફ જઈ રહ્યો છે. તે માનવું મુશ્કેલ હશે પરંતુ તે સાચું છે.

યુકેની છે આ ઘટના
એક રિપોર્ટ અનુસાર આ ઘટના યુકેની છે. વાસ્તવમાં ટ્રેનમાં બેઠેલો વ્યક્તિ વિદેશથી આવ્યો હતો. સામાન્ય રીતે જ્યારે તમે વિદેશમાં મુસાફરી કરો છો, ત્યારે તમારે ઘણી બાબતો પર ધ્યાન આપવાની જરૂર છે, કારણ કે દરેક દેશના પોતાના રિવાજો અને પરંપરાઓ હોય છે. ખાસ કરીને જો તમે બીજા દેશમાં ટ્રાન્સપોર્ટનો ઉપયોગ કરી રહ્યાં હોવ તો તમારે વધુ સાવચેત રહેવાની જરૂર હોય છે.

અલગ થઈ ગયા ડબ્બા 
વિદેશથી આવોલે શખ્સ ખરાબ રીતે ફસાઈ ગયો. હકીકતે જ્યારે ગાડી બીજી દિશામાં જવા લાગી ત્યારે તેને અચાનક ખ્યાલ આવ્યો કે તે કોઈ અન્ય શહેર તરફ જઈ રહ્યો છે. તેને જાણીને નવાઈ લાગી કે તે જે ટ્રેનમાં બેઠો હતો તે ટ્રેન અચાનક બે ભાગમાં વહેંચાઈ ગઈ. 

આ ઘટના લંડનની છે. આ પ્રવાસીએ ટિકટોક પર પોતાના આખા અનુભવનો વીડિયો શેર કર્યો છે. જોકે આવું હકીકતે થતું નથી. તેના વિશે બધું ટિકિટ પર પહેલેથી જ લખેલું હોય છે. પરંતુ આ એક વ્યક્તિ તેનાથી અજાણ હતી.

શું કહ્યું વીડિયોમાં? 
ટ્રેનમાં પોતાને ફિલ્માવતા અને નિરાશ દર્શાવતા ક્લિપમાં એક વૉઇસઓવર છે જે કહે છે: 'યુકેમાં પ્રથમ વખત એકલા ટ્રેનમાં સવારી કરવી. મારી ટ્રેન બે ભાગમાં વહેંચાઈ ગઈ છે અને મારા મોબાઈલમાં માત્ર 3 ટકા બેટરી બચી છે. 

મારા ખિસ્સામાં માત્ર 2 પાઉન્ડ છે અને હું નવા શહેરમાં જઈ રહ્યો છું. જો તમે મને મારી આંખોમાં આંસુ સાથે ક્રોલે શહેરમાં ફરતો જોશો, તો કૃપા કરીને આ ભાઈને મદદ કરો.'