J&K / ઓમર તથા ફારૂક અબ્દુલ્લા નજરકેદ, ટ્વીટ કરીને કહ્યું- આ ઓગસ્ટ 2019 પછીનું નવું કાશ્મીર

• પુલવામા હુમલાની આજે બીજી વરસી
• ઓમર તથા ફારુક અબ્દુલ્લાને કરાયા નજર કેદ
• ટ્વીટ કરીને આપી જાણકારી

ઉલ્લેખનીય છે કે, ઓમર અબ્દુલ્લાએ આ વાત ટ્વીટ કરીને જણાવી હતી. સાથે જ પૂર્વ મુખ્યમંત્રી તથા પીડીપીના પ્રમુખ મહેબુબા મુફ્તીને પુલવામા જવાની મંજૂરી આપવામાં આવી નથી. 

ટ્વીટ કરીને ઓમરે લખ્યું- ઓગસ્ટ 2019 બાદનું આ નવું કાશ્મીર

ઓમર અબ્દુલ્લાએ ટ્વીટ કરીને કહ્યું કે, આ ઓગસ્ટ 2019 બાદનું નવું કાશ્મીર છે. કાંઇ જ જણાવ્યા વગર અમને નજરકેદ કરવામાં આવ્યા છે. આ ખૂબ જ ખરાબ બાબત છે. તેમણે કહ્યું કે, મારા પિતા સાંસદ છે અને મને મારા જ ઘરમાં નજર કેદ કરવામાં આવ્યો છે. આવી જ રીતે મારી બહેન તથા તેના બાળકોને પણ નજર કેદ કરવામાં આવ્યા છે. 

This is the “naya/new J&K” after Aug 2019. We get locked up in our homes with no explanation. It’s bad enough they’ve locked my father (a sitting MP) & me in our home, they’ve locked my sister & her kids in their home as well. pic.twitter.com/89vOgjD5WM

— Omar Abdullah (@OmarAbdullah) February 14, 2021

કામ કરતા લોકોને પણ ઘરમાં આવવાની મંજૂરી નહીં 

ઓમરે વધુમાં લખ્યું કે, ચાલો આપણે લોકતંત્રના નવા મોડેલના મતલબ વગર કે કોઇ સ્પષ્ટીકરણ વગર અમને અમારા ઘરમાં નજરકેદ કરવામાં આવ્યા છે પરંતુ ઘરમાં કામ કરી રહેલા સ્ટાફને પણ કામ કરવા આવવાની મંજૂરી આપવામાં આવી નથી. આ ઘટનાથી હું નારાજ છું.

પુલવામાં આતંકી હુમલાની આજે બીજી વર્ષગાંઠ

બે વર્ષ પહેલા કાશ્મીરના પુલવામામાં ભારતના વીર સપૂતોએ સર્વોચ્ચ બલિદાન આપ્યું હતું. ભારતના વીર જવાનોની શહીદીને બે વર્ષ પૂર્ણ થતાં CRPFના જવાનોએ પોતાના સાથીઓએ શ્રદ્ધાંજલિ આપી. પુલવામા હુમલાની બીજી વરસી પર જમ્મૂમાં crpfની 76મી બટાલિયને શહીદોને શ્રદ્ધાંજલિ અર્પણ કરી હતી. આ હુમલામાં 76મી બટાલિયનના 5 જવાનો શહીદ થયા હતા. 

હુમલામાં CRPFના 40 જવાન થયા હતા શહીદ

વર્ષ 2019માં જ્યારે 78 ગાડીઓના કાફલા આસાથે 2500 જવાન જમ્મૂથી શ્રીનગર જઈ રહ્યા હતા ત્યારે જ નેશનલ હાઇવે પર બપોરે સાડા ત્રણ વાગે વિસ્ફોટકથી ભરેલ એક કાર કાફલામાં આવી અને એક ભયંકર ધમાકો થયો. જે બસથી આ કાર અથડાઇ તેના ફૂરચે ફૂરયા ઊડી અને ભારતના માતાના વીર સપૂતોએ બલિદાન આપ્યું. 

દેશ આ ઘટનાની હચમચી ઉઠ્યો. દેશના 40 જવાનો શહીદ થઈ ગયા અને દેશના એક એક નાગરિકના મનમાં પાકિસ્તાન પર જબરદસ્ત ઉકળાટ હતો. આખા દેશે એક સૂરમાં આ ઘટના સામે પ્રદર્શનો કર્યા. પીએમ મોદીએ કહ્યું કે જે આગ તમારા મનમાં છે એવી જ હું મારી છાતીમાં અનુભવી રહ્યો છું. તેમણે કહ્યું કે દરેક આંસુનો બદલો લેવામાં આવશે. 

નોંધનીય છે કે બાદમાં ભારતના વીર જવાનોએ પોતાના સાથીઓનો બદલો એરસ્ટ્રાઈક કરીને લીધો હતો. વાયુસેનાના લડાકૂઑએ તાબડતોડબ બાલાકોટમાં આતંકવાદી અડ્ડાઑ પર એરસ્ટ્રાઈક કરી અને કેટલાય આતંકવાદીઓના ઢીમ ઢાળી દીધા. 

IMAGE : ANI