એક્શન / જમ્મુ કાશ્મીરમાં મોટા એક્શન, સીમાંકન આયોગ સામે વિરોધ કરતા પહેલા, આ બે દિગ્ગજ નેતાઓને કરાયા નજરબંધ

• ઓમાર અબદુલ્લાએ ટ્વિટ કરી આ અંગેની જાણ કરી  
• માકપાએ પણ સરકાર પર નિશાન સાધ્યું
• મહેબૂબા મુફ્તીએ પણ નજર કેદ કરવામાં આવી

Good morning & welcome to 2022. A new year with the same J&K police illegally locking people in their homes & an administration so terrified of normal democratic activity. Trucks parked outside our gates to scuttle the peaceful @JKPAGD sit-in protest. Some things never change. pic.twitter.com/OeSNwAOVkp

— Omar Abdullah (@OmarAbdullah) January 1, 2022

પૂર્વ મુખ્યમંત્રી ઓમાર અબદુલ્લાએ ટ્વિટ કરી આ અંગેની જાણ કરી  

પૂર્વ મુખ્યમંત્રી ફારુક અબ્દુલ્લાના પુત્ર અને નેશનલ કોન્ફરન્સના ઉપાધ્યક્ષ ઓમર અબ્દુલ્લાએ કહ્યું, “શુભ સવાર અને 2022 માં સ્વાગત છે. નવા વર્ષની શરૂઆત એ જ J&K પોલીસ સાથે જે લોકોને ગેરકાયદેસર રીતે તેમના ઘરોમાં બંધ કરી રહી છે અને વહીવટીતંત્ર સામાન્ય લોકતાંત્રિક પ્રવૃત્તિથી ખૂબ ડરે છે." તેમણે કહ્યું, “ગુપકર જોડાણના શાંતિપૂર્ણ ધરણા પ્રદર્શનને રોકવા માટે અમારા ગેટની બહાર ટ્રકો ઉભી છે. કેટલીક વસ્તુઓ ક્યારેય બદલાતી નથી." આ અંગે ભૂતપૂર્વ મુખ્યમંત્રી ઓમર અબ્દુલ્લાએ કહ્યું, એક અરાજક પોલીસ રાજ્યની વાતો કરીએ તો, પોલીસે મારા પિતાના ઘરને મારી બહેનના ઘર સાથે જોડતો આંતરિક દરવાજો પણ બંધ કરી દીધો છે. તેમ છતાં અમારા નેતાઓની પાસે વિશ્વને કહેવાની હિંમત છે કે ભારત સૌથી મોટી લોકશાહી છે." ઉલ્લેખનીય છે કે, PAGDએ શનિવારે શ્રીનગરમાં જમ્મુ વિભાગમાં વિધાનસભા બેઠકો વધારીને છ અને કાશ્મીરમાં એક કરવાના સીમાંકન આયોગના પ્રસ્તાવ સામે વિરોધ કરવાની વાત કરી હતી.

માકપાએ પણ સરકાર પર નિશાન સાધ્યું

માર્ક્સવાદી કમ્યુનિસ્ટ પાર્ટી (મકપા) ના વરિષ્ઠ નેતા અને ગઠબંધનના પ્રવક્તા એમવાય તારીગામીએ કહ્યું કે તે દુઃખની વાત છે કે જમ્મુ અને કાશ્મીર વહીવટીતંત્ર "એટલું ડરી ગયું છે કે તે શાંતિપૂર્ણ વિરોધને મંજૂરી આપવામાં અસમર્થ છે". "પરિસ્થિતિ વધુ ખરાબ બની જાય છે જ્યારે લોકોને જનતાની સામે તેમનો અભિપ્રાય વ્યક્ત કરવાની પણ મંજૂરી આપવામાં આવતી નથી," 

Despite the despotic administration’s attempts to foil our protests, PDP & NC workers managed to hit the streets in Srinagar today to raise their voice against the illegal revocation of Article 370. I salute their courage & resolve. pic.twitter.com/yfRa5nSdmg

— Mehbooba Mufti (@MehboobaMufti) January 1, 2022

મહેબૂબા મુફ્તીએ પણ ટ્વિટ કરીને કહ્યું કે, મને નજર કેદ કરવામાં આવી

પર્વ મુખ્યમંત્રી મહેબૂબા મુફ્તીએ પણ ટ્વિટર પોસ્ટ શેર કરતાં કહ્યું કે, મને નજર કેદ કરવામાં આવ્યા છે. મારા ઘરની બહાર પણ એક ટ્ર્ક ઉભી છે. મહત્વનું છે કે, PAGDએ શનિવારે શ્રીનગરમાં જમ્મુ વિભાગમાં વિધાનસભા બેઠકો વધારીને છ અને કાશ્મીરમાં એક કરવાના સીમાંકન આયોગના પ્રસ્તાવ સામે વિરોધ કરવાની વાત કરી હતી. કમિશનની ભલામણો બાદ જમ્મુમાં સીટ નંબર 43 અને કાશ્મીરમાં 47 થઈ શકે છે.