રામનવમીનાં અવસર પર આદિપુરુષનાં ડાયરેકટરે ટ્વીટ કરીને એક વીડિયો શેર કર્યો છે, જેમાં તેમણે ફેન્સ દ્વારા બનાવવામાં આવેલ પ્રભાસનાં પોસ્ટર્સનો પણ સમાવેશ કર્યો છે. જુઓ આ વીડિયો
આદિપુરુષનાં ડાયરેક્ટરે રામનવમીનાં અવસર પર શેર કર્યો વીડિયો
ફેન્સ દ્વારા બનાવવામાં આવેલા પોસ્ટર્સ કર્યા શેર
આવતા વર્ષે રિલીઝ થશે ફિલ્મ
ઓમ રાઉતે રામનવમીનાં અવસર પર શેર કર્યો વીડિયો
સાઉથ સિનેમાનાં પ્રસિદ્ધ એક્ટર પ્રભાસની ફિલ્મ 'આદિપુરુષ' ઘણા સમયથી ચર્ચામાં છે. આ ફિલ્મમાં પ્રભાસ ખૂબ જ અલગ પાત્રમાં જોવા મળશે. તેઓ આ ફિલ્મમાં ભગવાન રામનું પાત્ર ભજવી રહ્યા છે. આવામાં પ્રભાસના ફેન્સ આ ફિલ્મ સાથે જોડાયેલ તેમના પાત્રને લઈને મોટેભાગે ફોટોશોપ્ડ તસવીરો શેર કરતા રહે છે, જે વાયરલ પણ થતી રહે છે.
ગયા દિવસો આ પ્રકારની અફવાઓ પણ ઉડી હતી કે રામનવમીનાં અવસર પર ડાયરેક્ટર ઓમ રાઉત ફિલ્મ આદિપુરુષ સાથે જોડાયેલ પ્રભાસનો ફર્સ્ટ લુક અથવા પોસ્ટર શેર કરી શકે છે. હવે ઓમ રાઉતે સોશિયલ મીડિયાનાં માધ્યમથી અત્યંત ખાસ વીડિયો શેર કર્યો છે.
उफनता वीरता का सागर,
छलकती वात्सल्य की गागर।
जन्म हुआ प्रभु श्रीराम का,
झूमें नाचे हर जन घर नगर।।
ઓમ રાઉતે પોતાના ઓફિશિયલ ટ્વીટર અકાઉન્ટ પર ફિલ્મ આદિપુરુષનો એક વીડિયો શેર કર્યો છે. આ વીડિયોમાં પ્રભાસનાં ફેન્સ તરફથી બનાવવામાં આવેલ તેમના અલગ અલગ લુક પણ છે. આ વીડિયોની શરૂઆતમાં ઓમ રાઉતે ફેન્સને રામનવમીની શુભકામનાઓ પણ આપી છે. આ સાથે જ લખ્યું છે કે ફેન્સ તરફથી બનાવવામાં આવેલ ફિલ આદિપુરુષનાં પોસ્ટર્સ.
ત્યાર બાદ આ વીડિયોમાં પ્રભાસનાં ફિલ્મ આદિપુરુષ સાથે જોડાયેલ અલગ અલગ લુક જોવા મળે છે. આ વીડિયો શેર કરતા ઓમ રાઉતે પોતાના ટ્વીટમાં લખ્યું છે કે વીરતા કા સાગર, છલકતી વાત્સલ્યની ગાગર. જન્મ હુઆ પ્રભુ શ્રી રામ કા, ઝૂમે નાચે હર જન ઘર નગર. સોશિયલ મીડિયા પર ઓમ રાઉતનું આ ટ્વીટ અને ફેન્સ તરફથી બનાવવામાં આવેલ પોસ્ટર્સનો વીડિયો ઝડપથી વાયરલ થઇ રહ્યો છે.
આવતા વર્ષે રિલીઝ થશે ફિલ્મ
પ્રભાસનાં ફેન્સ આ વીડિયોને ખૂબ જ પસંદ કરી રહ્યા છે. સાથે જ તેઓ કમેન્ટ કરીને પોતાની પ્રતિક્રિયાઓ પણ આપી રહ્યા છે. તમને જણાવી દઈએ કે આદિપુરુષ પ્રભાસની બિગ બજેટ ફિલ્મ હશે. આ ફિલ્મમાં તેમની સાથે ભીનેતા સૈફ અલી ખાન અને અભિનેત્રી કૃતિ સેનન પણ મુખ્ય ભૂમિકાઓમાં જોવા મળશે. પહેલા આ ફિલ્મ આ વર્ષે રિલીઝ થવાની હતી, પરંતુ આમિર ખાનની ચર્ચિત ફિલ્મ લાલ સિંહ ચડ્ઢાને કારણે આ ફિલ્મની રિલીઝ ડેટ બદલવામાં આવી છે.