જાહેરાત / BJPના સાંસદ ઓમ બિરલા બનશે લોકસભાના નવા સ્પીકર

વડાપ્રધાન નરેન્દ્ર મોદીએ ફરી બધાને ચોંકાવી દીધા છે. રાજસ્થાનના કોટાના ભાજપના સાંસદ ઓમ  બિરલા લોકસભાના નવા સ્પીકર હશે. લોકસભા અધ્યક્ષનું નામ જાહેર કર્યા બાદ વડાપ્રધાન નરેન્દ્ર મોદીએ ફરી પોતાના નિર્ણયથી લોકોને ચોંકાવી દીધા છે.

લોકસભા અધ્યક્ષની ચૂંટણી આવતી કાલે યોજાશે. આમ લોકસભા સ્પીકરને લઇને તમામ પ્રકારની અટકળો લગાવામાં આવી રહી હતી. જેમાં ભાજપમાંથી જીતીને આવેલા વરિષ્ઠ નેતાઓના નામ પર મંથન ચાલી રહ્યું હતું. 

જેમાં લોકસભાના અધ્યક્ષ બનવાની દોડમાં પૂર્વ કેન્દ્રીય પ્રધાન મેનકા ગાંધી, રાધા મોહન સિંહ, રમાપતિ રામ ત્રિપાઠી, એસએસ અહલુવાલિયા અને ડો.વિરેન્દ્ર કુમાર જેવા ઘણા દિગ્ગજ નેતાઓના નામ સામેલ હતા. આમ મોદી સરકારના 2.0માં લોકસભા અધ્યક્ષ પદને લઇને હવે નિર્ણય લઇ લેવામાં આવ્યો છે. 

જેમાં રાજસ્થાનના કોટાથી જીતનાર  ભાજપના સાંસદ ઓમ  બિરલા લોકસભાના નવા સ્પીકર હશે. ઓમ બિરલા આજે પોતાનું નામાંકન દાખલ કરશે, જેના પર બુધવારે સદનમાં મતદાન થશે. ઉલ્લેખનીય છે કે NDA પાસે લોકસભામાં બહુમતિ હોવાના કારણે ઓમ બિરલા લોકસભા સ્પીકર બનશે. 

Sources: Om Birla, Bharatiya Janata Party (BJP) MP from Kota likely to be the NDA candidate for the post of Lok Sabha Speaker. pic.twitter.com/45Xg7Mrnoc

— ANI (@ANI) June 18, 2019