VIDEO / તમે કોઈને આવી રીતે પરવાનગી આપી શકો નહીં, આ મારો અધિકાર છે, ઓમ બિરલાએ રાહુલ ગાંધીને નિયમો શિખવાડ્યા

• સંસદમાં રાહુલ ગાંધીના ભાષણનો વીડિયો વાયરલ
• રાહુલના ભાષણ વચ્ચે ભાજપ સાંસદ બોલવા લાગ્યા
• ઓમ બિરલાએ રાહુલ ગાંધીને નિયમ યાદ અપાવ્યા

સંસદના બજેટ સત્ર દરમિયાન બુધવારે રાહુલ ગાંધીએ લોકસભામાં કેન્દ્રની નરેન્દ્ર મોદી સરકાર પર ફરી એક બરાબરનું નિશાન લગાવ્યું હતું. રાહુલ ગાંધીએ કેટલાય મુદ્દા પર સરકારને ઘેરવાની કોશિશ કરી હતી. જો કે, આ તમામની વચ્ચે એક એવી ઘટના બની, જેનો વીડિયો સોશિયલ મીડિયા પર વાયરલ થઈ રહ્યો છે. હકીકતમાં ઓમ બિરલાએ રાહુલ ગાંધીને સંસદીય પ્રણાલીઓનું પાલન નહીં કરવા બદલ ટોક્યા હતાં.

ઓમ બિરલાએ રાહુલ ગાંધીને શા માટે આપી શિખામણ

રાહુલ ગાંધી જ્યારે પોતાનું ભાષણ લોકસભામાં આપી રહ્યા હતા, ત્યારે એ સમયે અન્ય સતત્તા પક્ષના સાંસદો તરફથી ટિકાટિપ્પણીઓ થવા લાગી હતી. રાહુલ ગાંધીના ભાષણની વચ્ચે ભાજપ સાંસદ કમલેશ પાસવાન ઊભા થઈને બોલવા લાગ્યા હતા. તેના પર રાહુલ ગાંધીએ સ્પિકરને કહ્યું કે, હું લોકતાંત્રિક વ્યક્તિ છું, અને હું તેમને બોલવાની મંજૂરી આપુ છું.

When Lok Sabha Speaker Om Birla told Rahul Gandhi, “You can’t give permission.. that’s my right..”#RahulGandhi #OmBirla #LokSabha pic.twitter.com/GvIwR5LGSF

— Vani Mehrotra (@vani_mehrotra) February 3, 2022

જેના પર ઓમ બિરલાએ ભાજપ સાંસદને બેસી જવા કહેતા રાહુલ ગાંધીને કહ્યું કે, તમે કોઈને આવી પરવાનગી આપી શકો નહીં, આ મારો અધિકાર છે.

રાહુલ ગાંધીએ વિદેશ નીતિઓ સહિત દેશમાં સ્થિતીને લઈને કેન્દ્ર પર પ્રહારો કર્યા

રાહુલ ગાંધીએ પોતાના ભાષણમાં બુધવારે પીએમ નરેન્દ્ર મોદી પર પરોક્ષ રીતે કટાક્ષ કરતા કહ્યું કે, દેશને શહેનશાંહ તરીકે ચલાવાની કોશિશ થઈ રહી છે અને સરાકરની નીતિઓના કારણે આજે દેશમાં બહારના મોર્ચા પર મોટા ખતરાનો સામનો કરવો પડી રહ્યો છે. 

સંસદના બંને સદનની સંયુક્ત બેઠકમાં રાષ્ટ્રપતિના અભિભાષણ પર લોકસભામાં ધન્યવાદ પ્રસ્તાવ પર ચર્ચા દરમિયાન રાહુલ ગાંધીએ દાવો કર્યો કે, કેન્દ્ર સરકારની નીતિઓના કારણે આજે ચીન અને પાકિસ્તાન એક સાથે આવી રહ્યા છે. રાહુલે આરોપ લગાવ્યો કે, મોદી સરકારમાં બે હિન્દુસ્તાન બની ગયા છે, જેમાં એક અમીરો અને બીજો ગરીબ માટે દેશ છે.