IPLIN
 

સ્પોર્ટ્સ / LIVE : વતન પહોંચ્યા ઑલિમ્પિક વિનર્સ, દેશભક્તિના ગીત સાથે ગૂંજી ઉઠ્યુ દિલ્હી ઍરપોર્ટ

Team VTV 05:38 PM, 09 Aug 21 | Updated: 05:39 PM, 09 Aug 21
Follow us
Olympic winners return to India

ટોક્યો ઓલિમ્પિક 2020માં મૅડલ જીતીને વતન પરત ફર્યા છે. ત્યારે લોકો બેન્ડ વાજા સાથે તેમને ઍરપોર્ટ લેવા પહોંચ્યા છે. 

  • વતન પરત ફર્યા પ્લેયર્સ 
  • મૅડલિસ્ટનું ભવ્ય સ્વાગત કરવામાં આવ્યું
  • પરિવાર સ્વાગત કરવા પહોંચ્યો એરપોર્ટ 

લવલીના, રવિ અને નીરજ આવ્યા ઍરપોર્ટ 

લવલીનાએ બ્રોન્ઝ, રવિ કુમારે સિલ્વર અને નીરજ ચોપરાએ ગોલ્ડ મેડલ જીતી લીધો છે. અત્યારે તેઓ એરપોર્ટ પર પહોંચી ગયા છે અને તેમનું સ્વાગત કરવામાં આવી રહ્યું છે. પ્લેયર્સ મૅડલ જીતીને વતન પરત આવી ગયા છે. 

 

 

 

 

ગોલ્ડ મૅડલિસ્ટ નીરજ ચોપરા ઍરપોર્ટ પહોંચી ગયા છે અને દેશભક્તિના ગીત સાથે તેમનું સ્વાગત કરવામાં આવી રહ્યું છે. 

રવિ દહિયાનો પરિવાર પહોંચ્યો 
કુશ્તીમાં સિલ્વર મૅડલ જીતનાર રવિ દહિયાનો પરિવાર પહોંચી ગયો છે. રવિ દહિયાના પપ્પા કહ્યું કે, તેમની છાતી ગજ ગજ ફૂલી રહી છે. દિલ્હીથી હરિયાણા જશે અને માતાના મંદિર માથુ ટેકવશે,

ટોક્યો ઓલિમ્પિકની સમાપ્તિ બાદ ભારતના ખેલાડીઓ સોમવાર સાંજે ભારત પરત ફરી રહ્યાં છે.


સાંજે પરત ફરશે ખેલાડીઓ
સાંજે 5 વાગ્યાની આસપાસ ખેલાડીઓને લઇને દિલ્હીના ઇન્દિરા ગાંધી ઇન્ટરનેશનલ એરપોર્ટ પર ફ્લાઇટ લેન્ડ કરશે. જે બાદ સ્પોર્ટ્સ ઓથોરિટી ઓફ ઇન્ડિયા તરફથી મેડલિસ્ટનું સન્માન કરવામાં આવશે. પહેલા આ કાર્યક્રમ 6.30 વાગે સાંજે ધ્યાનચંદ સ્ટેડિયમમાં કરવામાં આવવાનો હતો પરંતુ છેલ્લી ઘડીયે કાર્યક્રમમાં ફેરફાર થઇ ગયો છે.

 

છેલ્લી ઘડીએ બદલાયો કાર્યક્રમ
રાજધાની દિલ્હીમાં થઇ રહેલા મૂશળધાર વરસાદના કારણે કાર્યક્રમને અશોકા હોટલમાં શિફ્ટ કરી દેવામાં આવ્યો છે. સોમવારે સવારે જ આ નિર્ણય લેવામાં આવ્યો અને હવે દરેક તૈયારીઓ હૉટલ અશોકામાં કરવામાં આવી રહી છે. 

નીરજ ચોપરાની સિદ્ધિ    
વર્ષ 2012માં લખનૌમાં અંડર 16 નેશનલ જુનિયર ચેમ્પિયનશીપમાં ગોલ્ડ મેડલ મેળવ્યો
નેશનલ યુથ ચેમ્પિયનશીપમાં 2013માં બીજા નંબરે રહ્યા હતા 
2015માં ઈન્ટર યુનિવર્સિટીમાં ચેમ્પિયનશીપમાં 81.4નો થ્રો ફેંકીને રેકોર્ડ બનાવ્યો હતો
વર્ષ 2016માં જુનિયર વિશ્વ ચેમ્પિયનશીપમાં 86.46 મીટરનો થ્રો ફેંકીને રેકોર્ડ બનાવ્યો હતો
વર્ષ 2018માં ગોલ્ડ કોસ્ટમાં રમાયેલા કોમનવેલ્થ ગેમમાં 86.47 મીટરનો થ્રો ફેંકી ગોલ્ડ મેળવ્યો હતો
2018 જકાર્તામાં રમાયેલી એશિયન ગેમમાં 88.06 મીટરનો થ્રો કરીને ભારતનો ઝંડો લહેરાવ્યો હતો
એશિયન ગેમમાં એથલેટિક્સમાં મિલ્ખાસિંહ બાદ નીરજ ચોપરા બીજા નંબરે ગોલ્ડ મેડલ મેળવનાર ખેલાડી બન્યા હતા
2020 ટોક્યો ઓલમ્પિકમાં 87.58 મીટરનો થ્રો ફેંકીને વિશ્વના ખેલાડીઓને હરાવીને ભારતને અપાવ્યો ગોલ્ડ મેડલ


રવિકુમાર દહિયાની સિદ્ધિ
2020 ટોક્યો ઓલમ્પિકમાં 57 વર્ગમાં ફાઈનલમાં પહોંચીને સિલ્વર મેડલ મેળવ્યો
2019 વર્લ્ડ ચેમ્પિયનશીપમાં દહિયાએ મેળવ્યો હતો બ્રોન્ઝ મેડલ
વર્ષ 2018માં આયોજિત અંડર-23 રેસલિંગમાં સિલ્વર મેડલ મેળવ્યો હતો
વર્લ્ડ ચેમ્પિનશીપમાં દહિયા ત્રીજા નંબરે રહ્યા હતા એશિયન ગેમમાં પહેલા નંબરે હતા

બજરંગ પુનિયાની સિદ્ધિ
બજરંગ પુનિયાએ ટોક્યો ઓલમ્પિકમાં ભારતને અપાવ્યો છે બ્રોન્ઝ મેડલ
2013માં પુનિયાએ પ્રથમ વખત એશિયન ગેમ્સમાં મેળવ્યો સિલ્વર મેડલ
2015માં પુનિયાને અર્જુન એવોર્ડથી સન્માનિત કરાયા હતા 
કુશ્તી ચેમ્પિયનશીપ મળેલો ગોલ્ડ મેડલ પૂર્વ PM અટલજીને કર્યો હતો સમર્પિત
અંડર 23 કેટેગરીમાં પુનિયા એશિયામાં પહેલા નંબરે રહ્યા હતા 
 

વડાપ્રધાન મોદી વીડિયો કોન્ફરન્સથી જોડાશે
ટોક્યો ઓલિમ્પિક્સમાં અત્યાર સુધીનું સૌથી શાનદાર પ્રદર્શન કર્યુ છે. ભારતે કુલ 7 પદક જીત્યા છે અને સાંજના કાર્યક્રમમાં વડાપ્રધાન નરેન્દ્ર મોદી વીડિયો કોન્ફરન્સના માધ્યમથી જોડાય તેવી શક્યતાઓ પણ છે. 

ટોક્યો ઓલિમ્પિક્સના વિજેતાઓ

  1. નીરજ ચોપરા (ભાલાફેંક) ગોલ્ડ મેડલ
  2. રવિ કુમાર દહિયા (કુશ્તી 57 કિલો) સિલ્વર મૅડલ
  3. મીરાબાઇ ચાનુ (વેઇટ લિફ્ટિંગ 49 કિલો મહિલા) સિલ્વર મૅડલ
  4. પીવી સિંધુ (બેડમિન્ટન) બ્રોન્ઝ મેડલ 
  5. લવલીના બોર્ગોહેન (વેલ્ટરવેટ બોક્સિંગ) બ્રોન્ઝ મૅડલ
  6. ભારતીય હૉકી ટીમ બ્રોન્ઝ મૅડલ 
  7. બજરંગ પૂનિયા (કુશ્તી 65 કિલો) બ્રોન્ઝ મૅડલ 
Tokyo Olympics 2020 Neeraj Chopra mirabai chanu PV Sindhu
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ