ટોક્યોમાં ઓલમ્પિક શરૂ થવામાં માત્ર 9 જ દિવસ બાકી છે અને આ બધા વચ્ચે એક ચિંતાજનક સમાચાર સામે આવ્યા છે.
એક જ દિવસમાં 1,149 નવા કેસો આવ્યા
પદક સમારોહમાં મોટા ફેરફાર
પદકને ખેલાડીઓએ જાતે જ પહેરશે
એક જ દિવસમાં 1,149 નવા કેસો આવ્યા
ટોક્યોમાં ઓલમ્પિક શરૂ થવામાં માત્ર 9 જ દિવસ બાકી છે અને આ બધા વચ્ચે એક ચિંતાજનક સમાચાર સામે આવ્યા છે. બુધવારે કોરોના સંક્રમણના એટલા બધા કેસો સામે આવ્યા કે જે છેલ્લા 6 મહિનામાં ન્હોતા આવ્યા. ત્યાંના સ્વાસ્થ્ય મંત્રાલયના કહ્યા મુજબ ત્યાં હાલ એક જ દિવસમાં 1,149 નવા કેસો આવ્યા છે. આવો આંકડો છેલ્લે જાન્યુઆરી 22 ના દિવસે આવ્યો હતો. આ કારણે ઓલમ્પિકમાં ઘણા બધા ફેરફારો કરવામાં આવી રહ્યા છે.
IOC અધ્યક્ષ થૉમસ બાક દ્વારા 339 સ્પર્ધાઓના પારંપરિક પદક સમારોહ માટે ઘણા મોટા ફેરફાર કરવામાં આવ્યા છે અને તેની જાણકારી બુધવારે આપવામાં આવી. આ ફેરફાર મુજબ ઓલમ્પિક પદક જીતનાર ખેલાડીઓને કોરોના વાયરસના સંક્રમણથી બચાવવા માટે પદકને ખેલાડીઓએ જાતે જ પોતાના ગળામાં નાખવા પડશે.
પદક સમારોહમાં મોટા ફેરફાર
આંતરરાષ્ટ્રીય ઓલમ્પિક સમિતિ (IOC)ના અધ્યક્ષ થૉમસ બાક દ્વારા આ નિર્ણય લેવામાં આવ્યો હતો. ટોક્યો ઓલમ્પિકનું આયોજન 23 જુલાઇથી 8 ઓગસ્ટ સુધી કરવામાં આવ્યું છે. તેમણે એક કોનફેરેન્સ કોલ દ્વારા આંતરરાષ્ટ્રીય મીડિયા સાથે વાત ચીત દરમ્યાન કહ્યું કે, "પદકોને ગળામાં કોઈ પહેરાવશે નહીં. પદક ખેલાડીને ટ્રેમાં આપવામાં આવશે. આ પદક પણ કીટાણુરહિત કવર પહેરાવી જ ટ્રેમાં રાખવામાં આવશે, જેથી ખ્યાલ આવે કે કોઈ પણ અન્ય વ્યક્તિ તે પદકને અડશે નહીં.
પદકને ખેલાડીઓએ જાતે જ પહેરશે
ઓલમ્પિકમાં કોરોના વાયરસના સંક્રમણથી બચવા માટે ઘણા બધા પ્રોટોકોલ બનાવવામાં આવી રહ્યા છે. જ્યારે યુરોપમાં ફૂટબોલમાં UFA અધ્યક્ષે ખેલાડીઓને પોતાના હાથે પદક પહેરાવડાવ્યા હતા. સાથે જ તેમણે બધા જ ખેલાડીઓ સાથે હાથ પણ મિલાવ્યો હતો. સાથે જ બાકે કહ્યું કે આ રમત દરમ્યાન કોઈ પણ એકબીજા સાથે હાથ મિલાવશે નહીં અને એકબીજાને ભેટશે પણ નહીં. સાથે જ IOCએ કહ્યું હતું કે પદક વિજેતા સમારોહમાં દરેક અધિકારીઓએ માસ્ક પહેરવા પડશે.