ખળભળાટ / ઓલિમ્પિક્સમાં ભારત માટે રમનારા ખેલાડી પર લાગ્યો હત્યાનો આરોપ, બેસ્ટ ફ્રેન્ડના પરિવારે જ લગાવ્યા આરોપ

• ભારતીય હૉકી ટીમના ખેલાડી છે આરોપી બીરેન્દ્ર લાકડા
• મૃતક આનંદ ટપ્પોના પિતાએ લગાવ્યાં ગંભીર આરોપ
• પોલીસને શંકા છે કે આનંદ ટપ્પોએ કરી છે આત્મહત્યા

ભારતીય હૉકી ટીમના સીનિયર સભ્ય પર લાગ્યો હત્યાનો આરોપ

આનંદ ટપ્પોના પિતા બંધનાએ લાકડા અને મંજીત ટેટે નામની એક યુવતી પર આરોપ લગાવતા દાવો કર્યો છે કે તે તેના પુત્રની મોત માટે જવાબદાર છે. બધા ઓડિશાના સુંદરગઢ જિલ્લાના રહેવાસી છે. આનંદ ટપ્પોનો મૃતદેહ 28 ફેબ્રુઆરીએ ઈન્ફોસિટી પોલીસ સ્ટેશન વિસ્તારના ભુવનેશ્વરમાં એક એપાર્ટમેન્ટમાંથી લટકતો મળ્યો હતો. જો કે, પોલીસને શંકા છે કે આનંદે આત્મહત્યા કરી છે. 

ટૉક્યો ઓલિમ્પિકમાં બ્રોન્ઝ મેડલ જીતનારી ટીમના સભ્ય હતા બીરેન્દ્ર લાકડા

ટોક્યો ઓલિમ્પિકમાં બ્રોન્ઝ મેડલ વિજેતા ભારતીય હૉકી ટીમના સીનિયર સભ્ય રહેલા બીરેન્દ્ર લાકડા પર તેના બાળપણના મિત્ર આનંદ ટોપ્પોની હત્યામાં સામેલ હોવાનો આરોપ મૃતકના પિતાએ લગાવ્યો છે. બીરેન્દ્ર લાકડાના મિત્રને ફેબ્રુઆરીમાં ભુવનેશ્વરમાં તેના ફ્લેટની અંદર મૃત મળ્યો હતો. તેના પિતા બંધને આરોપ લગાવ્યો છે કે રાજ્ય પોલીસ બીરેન્દ્ર લાકડાને બચાવવાનો પ્રયાસ કરી રહી છે. કારણકે એક સમયે તેઓ ડીએસપીના પદ પર હતા. બંધને કહ્યું કે છેલ્લાં ચાર મહિનાથી તેઓ એફઆઈઆર નોંધાવી શક્યા નથી અને રાજ્યની પોલીસે તેમની મદદ પણ કરી નથી. જેથી તેમણે જાહેરમાં મામલો મૂકવો પડ્યો છે. લાકડા એશિયા કપમાં બ્રોન્ઝ મેડલ જીતનારી ભારતીય ટીમના કેપ્ટન પણ રહી ચૂક્યા છે.

 

 

 

 

View this post on Instagram

 

 

 

 

 

 

 

 

 

 

 

A post shared by Birendra Lakra (@birendra_26)

બીરેન્દ્ર લાકડાનો બાળપણનો મિત્ર હતો આનંદ ટપ્પો

બંધન ટોપ્પોએ પીટીઆઈ સાથેની વાતચીતમાં કહ્યું છે કે બીરેન્દ્ર પાડોશી છે અને આનંદ તેના બાળપણનો મિત્ર હતો. 28 ફેબ્રુઆરીએ બીરેન્દ્રએ અમને ફોન કર્યો કે આનંદ બેહોશ છે અને તેને અમે હોસ્પિટલ લઇ જઇ રહ્યાં છે. ત્યારબાદ તેણે કહ્યું કે આનંદ રહ્યો નથી. તેમણે કહ્યું કે અમે તેને પૂછ્યુ કે શું થયુ પરંતુ તેણે એટલું જ કહ્યું કે ભુવનેશ્વર આવી જાઓ. અમે બીજા દિવસે ત્યાં પહોંચ્યા અને અમને સ્થાનિક પોલીસ સ્ટેશન લઇ જવામાં આવ્યાં. જ્યાં અધિકારીએ કહ્યું કે આનંદે આત્મહત્યા કરી છે, પરંતુ કોઈ સ્યુસાઈડ નોટ મળી નથી.