કુતુહલ / ભરૂચના ઇલાવ ગામે નદીમાં દેખાયા ઓલિવ રિડલી કાચબા, ગ્રામજનોમાં સર્જાયું ભારે કુતુહલ

• ભરૂચના ઇલાવ ગામે કાચબાને લઈને કુતુહલ 
• ઓલિવ રિડલી કાચબા નજરે પડ્યા 
• ઓલિવ રિડલીને દરિયાઈ કાચબા પણ કહે છે 

સામાન્ય રીતે ઓડિશાના સમુદ્રના તટ ઉપર પ્રજનન માટે પહોંચતા ઓલિવ રિડલી કાચબા ભરૂચ જિલ્લાના ઇલાવ નજીક કિમ નદીની ખાડીમાં જોવા મળી હતી. જ્યાં એક માછીમારની જાળમાં ફસાઈ જતા તેને રેસ્ક્યુ કરવામાં આવ્યો છે. ઇલાવ ગામના માછીમાર નરસિંહ રાઠોડની જાળમાં આ કાચબો આવ્યો હતો.આ સમુદ્રી કાચબો ખારા પાણીમાં વસવાટ કરે છે જે મીઠા પાણીની ખાડીમાં કઈ રીતે પહોંચ્યોએ અંગે પણ જાણકારોમાં સવાલો ઊભા થયા છે. 

દર વર્ષે લાખોની સંખ્યામાં પૂર્વીય તટ ઉપર આવે છે કાચબા 
મીડિયા રિપોર્ટ્સ અનુસાર જ્યાં તેઓ જન્મે છે 30 વર્ષ પછી તેઓ ત્યાં જ આવીને ઇંડા મૂકે છે. ઓડિશાના સમુદ્ર તટ ઉપર તાજેતરમાં હજારોની સંખ્યામાં આ કાચબા નજરે પડયા હતા. આ કાચબા દેખાવમાં ખુબ સુંદર હોય છે. જેમનો આકાર તેમના શરીર ઉપર પાંખો હોય તેવો આભાસ કરાવે છે.

ઓલિવ રિડલી દર વર્ષે લાખોની સંખ્યામાં પૂર્વીય તટ ઉપર આવે છે. ઓલિવ રિડલી દરિયાઈ કાચબાને પેસિફિક ઓલિવ રિડલી દરિયાઈ કાચબા પણ કહેવામાં આવે છે. આ કાચબો પશ્ચિમ કિનારે નજરે પડવો આશ્ચયની બાબત ગણી શકાય તેમ છે.