IPL 2020 / 48 વર્ષની વયે IPLમાં રમશે આ ખેલાડી, કોચ કરતા પણ 10 વર્ષ વધુ ઉંમર

• પ્રવીણ તાંબે બનશે સૌથી વધુ ઉંમરલાયક ખેલાડી 
• કોચની ઉંમર 38 વર્ષ 
• કારકિર્દીની શરૂઆત જ 40ની વયે કરી 

2013માં રાહુલ દ્રવિડે રાજસ્થાન માટે ટીમમાં લીધો 

મૂળ મહારાષ્ટ્રનાં પ્રવીણ તાંબેએ 2013માં IPLમાં પ્રવેશ કર્યો હતો. જ્યાં તેમની ઉંમર 48 વર્ષ છે ત્યાં કોલકાતા નાઈટ રાઈડર્સનાં કોચ બ્રેન્ડમ મેક્કુલમની ઉંમર 38 વર્ષ છે. તેમણે પોતાની કરિયર જ 40ની ઉંમરે શરુ કરી હતી. 2013 સુધી તેમણે કોઈ મોટી મેચ રમી ન હતી પરંતુ તે બાદ તેમના પર રાહ્હુલ દ્રવિડની નજર પડી અને રાજસ્થાન રોયલ્સ માટે પ્રવીણને ખરીદી લીધો. ત્યારે પ્રવીણ તાંબેની ઉંમર 41 વર્ષની હતી. ત્યાં સુધી તેઓ આઈપીએલમાં એક અધિકારી રૂપે કામ કરતાં હતા. આઈપીએલ બાદ તેઓ ચેમ્પિયંસ લીગમાં પણ રમ્યા અને સૌથી વધુ વિકેટ લેનાર બોલર બન્યા. આઈપીએલમાં સફળતા બાદ જ તેમને 42ની ઉંમરે મુંબઈની રણજી ટીમ માટે પસંદગી કરવામાં આવી. 

2017માં હૈદરાબાદની ટીમે તેમને 10 લાખમાં ખરીદ્યો હતો

મે 2013માં જયારે 41ની ઉંમરે તેમણે રાજસ્થાન રોયલ્સ માટે આઈપીએલમાં મેચ રમવાનું શરુ કર્યું ત્યારે સૌથી વધુ ઉંમરના ખેલાડી તરીકે રેકોર્ડ બનાવ્યો. જોકે બે વર્ષ બાદ આ રેકોર્ડ બ્રેડ હોગ નામના ખેલાડીએ 44ની ઉંમરે ડેબ્યુ કરીને તોડી નાખ્યો હતો. 

નોંધનીય છે કે પ્રવીણ તાંબેએ કોલકાતા નાઈટ રાઈડર્સ વિરુદ્ધ જ હેટ્રિક લીધી હતી જેના પર આજે કોલકાતાએ તેમને ખરીદી લીધો છે. અત્યાર સુધી તે રાજસ્થાન રોયલ્સ, ગુજરાત લાયન્સ અને સનરાઈઝર્સ હૈદરાબાદ માટે રમી ચુક્યો છે. 2017માં હૈદરાબાદની ટીમે તેમને 10 લાખમાં ખરીદ્યો હતો.