યુપી / ત્રણ-ત્રણ દીકરા હોવા છતાં કેમ પીએમ મોદીના નામે 12 વિઘા જમીન કરવા માંગે છે 85 વર્ષની મહિલા

• પીએમ મોદીને જમીન આપવા માંગે છે 85 વર્ષના બિટ્ટન 
• ત્રણ ત્રણ દીકરા અને વહુઓ ધ્યાન ન રાખતા હોવાનું કહ્યું 
• પીએમ મોદીની યોજનાઓથી પ્રસન્ન થયા વૃદ્ધા 

આખા યુપીમાં આ મહિલાની ચર્ચા 

ઉત્તરપ્રદેશના મૈનપુરીના એક વૃદ્ધ મહિલા પોતાની 12 વિઘા જમીન પીએમ મોદીના નામે કરવાનો નિર્ણય કર્યો છે. બિટ્ટન દેવી જ્યારે પોતે આ મુદ્દે સરકારી કાર્યાલય પહોંચી ત્યારે આ વાત સાંભળીને ઉપસ્થિત સૌ કોઈ ચોંકી ગયા.  

પીએમ મોદીની યોજનાઓથી મળ્યો લાભ 

ઉત્તરપ્રદેશના મૈનપુરીના આ વૃદ્ધ મહિલાએ આખા દેશને ચોંકાવી દીધો છે, મહિલા ચિતાયન ગામનાં છે અને તે મોદી સરકાર તરફથી મળી રહેલ બધી યોજનાઓથી ખૂબ જ રાજી રાજી છે. આ વૃદ્ધ મહિલાને સરકારી પેન્શન મળે છે જેના દ્વારા તે પોતાનું ગુજરાન ચલાવે છે. પીએમ મોદીથી આ વૃદ્ધા એટલા બધા પ્રભાવિત થયા છે કે તે પોતાની 12 વિઘા જમીન પીએમ મોદીના નામે કરી દેવાનો નિર્ણય કર્યો છે.  આ સિવાય તેમને કિસાન સન્માન નિધિ પણ મળે છે અને કોરોનાકાળમાં પણ મદદ મળી છે. 

આટલો મોટો પરિવાર પણ....

જાણીને ખૂબ આશ્ચર્ય થશે કે બિટ્ટન દેવી એકલા નથી, તેમણે ત્રણ ત્રણ દીકરા-વહુઓ અને સાત પૌત્ર અને છ પૌત્રી છે. પણ મોદી સરકારની યોજનાઓએ એવી અસર થઇ છે કે તે મોદીને જ બધી જમીન આપવા માંગે છે. 

વૃદ્ધ મહિલાના નિર્ણયથી સૌ કોઈ આશ્ચર્યચકિત 

બિટ્ટન દેવી કહે છે કે ત્રણ-ત્રણ દીકરા અને વહુઓ છે છતાં કોઈ રોટલી નથી આપતું. આ ઉંમરે જ્યાં બિટ્ટન દેવીએ આરામ કરવાની ઉંમર છે ત્યારે તેમના દીકરાઓ તેમની સાર-સંભાળ નથી રાખી રહ્યા.  નોંધનીય છે કે આ વૃદ્ધ મહિલા મૈનપુરી મુખ્યાલય પહોંચ્યા અને ત્યાં વકીલની ચેમ્બરમાં જઈને બધી જ જમીન મોદીના નામે કરવા ઈચ્છા વ્યક્ત કરી, તે સમયે ઘણા બધા લોકોએ તેમને સમજાવ્યા પરંતુ તે પોતાની જીદ પર અડગ છે.