બલિદાન / કોરોના પીડિતે કહ્યું મેં તો જીવન જીવી લીધું છે, અન્ય દર્દીઓ માટે વૅન્ટિલેટર બચાવી રાખો

નોંધનીય છે કે કોરોના વાયરસથી સમગ્ર વિશ્વમાં હાહાકાર સર્જાયો છે. આ રીતે દર્દીઓની વધતી સંખ્યાના પગલે વેન્ટિલેટર સહિતની તબીબી જરૂરિયાતો દર્દીઓને પહોંચી વળવા સંઘર્ષ કરી રહી છે. આવી સ્થિતિમાં, લોકો આ વૃદ્ધાને વંદન કરી રહ્યા છે કે આ વૃદ્ધ મહિલાએ યુવાનોનો જીવ બચાવવા પોતાનો જીવ ત્યાગી દીધો.

I’m not crying, you’re crying.... “Save it for younger patients. I already had a good life.” ~90 year old with #COVID19 who refused ventilator. https://t.co/JHJKSbrJaE

— Eric Feigl-Ding (@DrEricDing) April 1, 2020

આર્ટીફીશ્યલ રેસ્પિરેશન લેવાનો ઇનકાર કરી દીધો 

અહેવાલમાં જણાવ્યા અનુસાર લ્યુબેક નજીક બિન્કોમમાં રહેતી સુઝાન હોલ્ટ્સને ભૂખ ન લાગવાની અને શ્વાસ લેવામાં તકલીફ પડવાની સમસ્યા બાદ પહેલી વાર 20 માર્ચે હોસ્પિટલમાં દાખલ કરવામાં આવી હતી. તપાસ બાદ તેને કોરોના વાયરસથી ચેપ લાગ્યાનું નિદાન થયું હતું. ત્યારબાદ તેને આઈસોલેશનમાં રાખવામાં આવી હતી, જ્યાં તેની તબિયત લથડતી ગઈ હતી. પરંતુ વૃદ્ધાએ ડોક્ટરોને કહ્યું, "હું આર્ટીફીશ્યલ રેસ્પિરેશનનો ઉપયોગ કરવા માંગતી નથી. મારા બદલે યુવા દર્દીઓને તે સગવડ આપવામાં આવે. મેં ખૂબ સારી જિંદગી જીવી લીધી છે."

દિકરી ન કહી શકી માતાને અલવિદા 

હોસ્પિટલમાં દાખલ થયાના બે દિવસ બાદ તેમનું મોત નીપજ્યું હતું. તેની પુત્રી જુડિથે એક ડચ અખબારને કહ્યું, 'હું તેને વિદાય આપી શકી નહીં, મને તેના અંતિમ સંસ્કારમાં પણ ભાગ લેવા મળ્યો નહિ.' તેણે આગળ કહ્યું કે તે સમજી શકતી નથી કે તેની માતાને કેવી રીતે કોરોના વાયરસબે ચેપ લાગ્યો કારણ કે તેમણે પોતાને સેલ્ફ આઈસોલેશનમાં રાખેલા હતા. 

તમને જણાવી દઈએ કે અત્યાર સુધી બેલ્જિયમમાં કોરોના વાયરસને કારણે 705 લોકોનાં મોત નીપજ્યાં છે. જ્યારે દેશમાં કોરોના વાયરસના 12,775 કેસ નોંધાયા છે, જેમાંથી 1,021 લોકોની સંભાળ લેવામાં આવી રહી છે. વાયરસથી ગંભીર રીતે અસરગ્રસ્ત લોકોને શ્વાસ લેવામાં મદદ કરવા વેન્ટિલેટરનો ઉપયોગ કરવામાં આવી રહ્યો છે. યુરોપમાં કોરોના વાયરસથી મૃત્યુ પામેલ સૌથી નાની દર્દી 12 વર્ષની છોકરી છે.