અમદાવાદ: રાજ્યમાં ઠંડીનો ચમકારો આજે પણ યથાવત રહ્યો છે. રાજ્યમાં સૌથી ઓછુ તાપમાન નલિયા અને કંડલાનુ તાપમાન નોંધાયુ છે. નલિયા અને કંડલાનુ તાપમાન 13 ડિગ્રી નોંધાયુ છે. ડીસામાં 13.4 ડિગ્રી તાપમાન ગાંધીનગરમાં 14.4 ડિગ્રી અને અમદાવાદમાં 15 ડિગ્રી તાપમાન નોંધાયું છે.
વધી રહેલા તાપમાનથી નાગરીકોએ ઠંડી સામે રક્ષણ મેળવવા મોર્નિગ વોક પ્રણાયમ સહિત યોગ શરૂ કરી નાખ્યા છે. આ ઉપરાંત રાજ્યના નાગરીકોએ ઠંડીથી બચવા ગરમ કપડાનો પણ સહારો લઈ લીધો છે. છેલ્લા થોડા દિવસોથી મોડી રાત્રીનાં અને વહેલી સવારનાં સમયે શિયાળા જેવું વાતાવરણ છવાઇ જાય છે.
#Gujarat માં વધ્યું ઠંડીનું જોર#Naliya અને #Kandalaport ખાતે તાપમાન ૧૩ ડિગ્રીથી પણ નીચે
ડીસામાં 13.4 ડિગ્રી ગાંધીનગરમાં 14.4 ડિગ્રી અમદાવાદમાં 15 ડિગ્રી
વધતી ઠંડી વચ્ચે લોકોને સાવધાન રહેવાની જરૂર pic.twitter.com/fbvzUqTeMB
ઉલ્લેખનીય છે કે લોકો ગરમ વસ્ત્રોનાં સહારે ઘરની બહાર નિકળે છે.જો કે બપોરનાં સમયે મહતમ તાપમાનનો પારો ઉંચે ચડી જતા અસહ્ય ઉકળાટ સાથે ગરમીનો અનુભવ થાય છે. ઉલ્લેખનીય છે કે ઉત્તર ભારતના અનેક વિસ્તારોમાં બરફ વર્ષા થઇ છે જેના કારણે તાપમાનમાં ઘટાડો થયો છે અને ઠંડીમાં નોંધપાત્ર વધારો થયો છે.