દ્વારકામાં ગુજરાત કોંગ્રેસના પ્રભારી ડો. રઘુ શર્માની ઉપસ્થિતિમાં શરુ થયેલા ત્રિદિવસીય શિબિરને સંબોધતા તેઓએ કહ્યું કે, 2022 ની લડાઈમાં તમારામાંથી જ કોઈ એક મુખ્યમંત્રી બનશે
દ્વારકામાં કોંગ્રેસનો ત્રિદિવસીય શિબિર
ભાજપ ઇવેન્ટ મેનેજમેન્ટ પાર્ટી -ડો.શર્મા
જૂની પેન્શન યોજના શરૂ કરવા માંગ
ગુજરાતના છેવાડાના વિસ્તાર અને ભગવાન દ્વારિકાધીશની પાવન ભૂમિ પર આજથી કોંગ્રેસનો ત્રિદિવસીય કોંગ્રેસની શિબિર શરુ થઇ છે.અંદાજે 400થી વધુ કર્મઠ કોંગ્રેસીઓ આ શિબિરમાં જોડાઈને મિશન 2022 ને સફળ અને સાર્થક બનાવી 125 બેઠકોના લક્ષ્યાંકને પાર પાડવા ( આત્મ ) મંથન કરી રહ્યા છે. ગુજરાતના પ્રભારી ડો. રઘુ શર્માની ઉપસ્થિતિમાં શરુ થયેલા ત્રિદિવસીય શિબિરને સંબોધતા તેઓએ કહ્યું કે, 2022 ની લડાઈમાં તમારામાંથી જ કોઈ એક મુખ્યમંત્રી બનશે
ભાજપ પર પ્રહાર
કોંગ્રેસની ત્રીદીવાસીયા શિબિરને સંબોધતા શર્માએ કહ્યું કે, રાહુલ ગાંધીએ એક જ વાત કહી હતી કે ગુજરાતમાં ચિંતન શિબિરથી શરૂઆત કરવી. સાંપ્રદાયિક તાકતો સામે લડવા કોંગ્રેસ સિવાય અન્ય કોઈ પાર્ટી નથી.ભાજપ ઇવેન્ટ મેનેજમેન્ટ કરતી પાર્ટી છે. જગદીશ ઠાકોર પ્રમુખ બન્યા ત્યારે પણ રાયકાને જોડ્યા છે. કોંગ્રેસ મુક્ત ભારતની વાત પીએમ મોદી કરતા હતા.દેશનું વિભાજન કરનારી સત્તા છે પરંતુ 2022 અને 2024ના પરિણામ જોજો.સીએમ ભુપેન્દ્ર પટેલ પર સી.આર.પાટીલનો કન્ટ્રોલ છે.ચૂંટણી લડવા માટેની પદ્ધતિ ઉપર ચર્ચા કરવાનો સમય આવ્યો છે,શુ પરિવર્તન કરવું છે એના ઉપર વિમર્શ કરીશું. ઉપરાંત ગુજરાતના દરેક જિલ્લામાં પ્રવાસ કરીને 2 દિવસની ચિંતન શિબિર યોજાશે.
જૂની પેન્શન યોજના મુખ્ય મુદ્દો -ડો.શર્મા
વધુમાં, કોંગ્રેસના પ્રભારી રઘુ શર્માએ ઉમેર્યું કે, ગુજરાતમાં પણ જૂની પેન્શન યોજના શરૂ કરવી જોઈએ. કોંગ્રેસ સરકાર પાસે માગણી કરે છે કે પેન્શન યોજના શરૂ કરે.ગુજરાતમાં પેન્શન યોજના શરૂ થાય તે કોંગ્રેસનો મુખ્ય મુદ્દો રહેશે. આ અંગે રાજસ્થાન સરકારે જનતાના હિતમાં નિર્ણય કર્યો છે.કારણકે, કેમકે કોંગ્રેસ જનતાનો અવાજ સંભાળે છે.જુની પેન્શન યોજનાની માગ અન્ય રાજ્યોમાં પણ કરાશે.