અલા ગજબ કર્યો! / અંતિમ સંસ્કારની એક મિનિટ પહેલા ઉઠ્યા કાકા! આજુબાજુ વાળાને તો જોઈને પરસેવા છૂટી ગયા

• વૃદ્ધ વ્યક્તિની અંતિમ વિધી કરાવવા માટે તેને સ્મશાન ઘાટ લઇ ગયા
• વૃદ્ધ સભાન અવસ્થામાં આવતા થયો હોબાળો
• પરિજનોએ તબીબની સલાહ લીધા વગર હોસ્પિટલમાંથી ડિસ્ચાર્જ કરાવ્યો 

વૃદ્ધના પરિવારજનોએ શું ભૂલ કરી? 

મહત્વનું છે કે, આ વૃદ્ધ વ્યક્તિ હોસ્પિટલમાં દાખલ હતો. તેના પરિવારજનોએ તબીબની સલાહ લીધા વગર વૃદ્ધને હોસ્પિટલમાંથી ડીસ્ચાર્જ કરાવી દીધો હતો. હોસ્પિટલ તંત્રએ વૃદ્ધ વ્યક્તિને હોસ્પિટલમાંથી ડિસ્ચાર્જ કરતી વખતે ડિસ્ચાર્જ પેપર પર LAMA લખ્યું હતુ.

વેન્ટિલેટર હટાવ્યાં બાદ વૃદ્ધ શખ્સના શ્વાસ થંભી ગયા 

આ વૃદ્ધ વ્યક્તિ દ્વારકાના વેન્કટેશ્વર હોસ્પિટલમાં દાખલ હતો. આ વૃદ્ધ વ્યક્તિ કેન્સરનો દર્દી છે. વેન્ટિલેટરનો ખર્ચ વધુ હતો તેથી પરિવારજનો વૃદ્ધને હોસ્પિટલમાંથી પોતાના ઘરે લઇ ગયા હતા. વેન્ટિલેટર હટાવ્યાં બાદ વૃદ્ધ શખ્સના શ્વાસ થંભી ગયા હતા અને તેના પરિવારજનોએ વિચાર્યુ કે વૃદ્ધનું મોત થયુ. ત્યારબાદ અંતિમ સંસ્કાર માટે વૃદ્ધને સ્મશાન ઘાટ લઇ જવામાં આવ્યો. પરંતુ જ્યારે વૃદ્ધના શરીરને ચિતા પર મુકવામાં આવ્યું તો તેની શ્વાસ ચાલવા લાગી. 

હોસ્પિટલમાં વૃદ્ધ વ્યક્તિને ફરી દાખલ કરાયો 

વૃદ્ધને જીવ આવ્યાં બાદ 100 નંબર પર પીસીઆર કોલ કરવામાં આવ્યો. ત્યારબાદ એમ્બ્યુલન્સ પણ ઘટનાસ્થળે પહોંચી અને પછી વૃદ્ધને હોસ્પિટલ લઇ જવામાં આવ્યો.