મોદી સરકારે કૃષિ મંત્રાલયે તાજેતરમાં જ એક એપ લૉન્ચ કરી છે જે ઓલા-ઉબરની જેમ કામ કરી રહી છે. આ ખાસ એપથી ખેડૂત હવે ઓલા-ઉબરની તર્જ પર ખેતી માટે ટ્રેક્ટર સહિત અન્ય ઉપકરણ મંગાવી શકે છે.
હવે Ola-Uberની જેમ મંગાવી શકશો ટ્રેક્ટર
કૃષિ મંત્રાલય તરફથી 'CHC Farm Machinery' એપ લૉન્ચ કરવામાં આવી
મોદી સરકાર ખેડૂતોની આવક બમણી કરવાની દિશામાં કામ કરી રહી છે
નાણામંત્રી નિર્મલા સીતારમણ ઑટો ઇન્ડસ્ટ્રીમાં મંદી માટે ટેક્સી એગ્રીગેટર ઓલા અને ઉબરને જવાબદાર ગણાવી રહ્યા છે. તો બીજી બાજુ મોદી સરકારે કૃષિ મંત્રાલયે તાજેતરમાં જ એક એપ લૉન્ચ કરી છે જે ઓલા-ઉબરની જેમ કામ કરી રહી છે. આ ખાસ એપથી ખેડૂત હવે ઓલા-ઉબરની તર્જ પર ખેતી માટે ટ્રેક્ટર સહિત અન્ય ઉપકરણ મંગાવી શકે છે. જો કે એના માટે ખેડૂતોને ભાડું પણ આપવું પડશે.
વાસ્તવમાં, તાજેતરમાં કૃષિ મંત્રાલય તરફથી 'CHC Farm Machinery' એપ લૉન્ચ કરવામાં આવી છે. આ એપ પર ખેડૂતોને કસ્ટમ હાયરિંગ સેન્ટર્સ દ્વારા ખેતાથી જોડાયેલા મશીનો પૂરા પાડવામાં આવશે. એના માટે 35 હજાર કસ્ટમ હાયરિંગ સેન્ટર્સ દેશભરમાં બનાવવામાં આવ્યા છે. જેમાં 2.5 લાખ કૃષિ ઉપકરણ વર્ષના ભાડેથી આપવાની ક્ષમતા છે.
કેવી રીતે કામ કરે છે એપ
કૃષિ મંત્રાલયની 'CHC Farm Machinery' એપ ગૂગલ પ્લે સ્ટોરથી ડાઉનલોડ કરી શકાય છે. આ એપ અંગ્રેજી, હિંદી, ઉર્દૂ, નેપાળી, કન્નડ, મરાઠી, બંગાળી સહિત 12 અલગ અલગ ભાષામાં મોજૂદ છે. એના આગળના સ્ટેપમાં તમને બે કેટેગરી CHC/સર્વિસ પ્રોવાઇડર અને ખેડૂતો/ઉપયોગકર્તા દેખાશે. એમાં ખેડૂતો/ઉપયોગકર્તા કેટેગરીને સિલેક્ટ કરીને રજિસ્ટ્રેશન કરવું પડશે.
એના માટે ખેડૂતોને નામ, સરનામું અને મોબાઇલ નંબર સહિત અન્ય જરૂરી જાણકારી આપવી પડશે. ત્યારબાદના સ્ટેપમાં ડેશબોર્ડ ખુલી જશે. આ ડેશબોર્ડમાં 'કૃષિ યંત્રના બુકિંગ' સહિત 7 અલગ અલગ કેટેગરી છે. 'કૃષિ યંત્રનું બુકિંગ'ની કેટેગરીને સિલેક્ટ કર્યા બાદ એક નવું પેજ ઓપન થશે. આ પેજ પર તમારે કૃષિ યંત્રની પસંદગી કરવી પડશે.
એટલે કે તમારે જણાવવું પડશે કે ખેતી માટે કયુ સાધન જોઇએ છીએ. એમાં તમને ટ્રેક્ટર, ટ્રેલર, હેપ્પી સીડ, થ્રેસર સહિત 25થી વધારે સાધનો મળશે.
આ સાધનોમાંથી કોઇ પણ સિલેક્ટ કરી શકો છો. અહીંયા જણાવી દઇએ કે એપમાં એકથી વધારે ઉપકરણની પણ પસંદગી કરી શકાય છે.
આ ઉપરાંત એવી જાણકારી આપવી પડશે કે સાધન અથવા મશીન તમારે કેટલા દિવસ માટે જોઇએ છીએ. બીજી બાજુ પાક, દામ સહિત અન્ય જરૂરી જાણકારી પણ આપવી ફરજીયાત છે.
અહીંયા જણાવી દઇએ કે આ સુવિધા ખેતીના વિસ્તારથી 50 કિલોમીટરની અંદર કસ્ટમ હાયરિંગ સેન્ટર્સ થવાની સ્થિતિમાં મળશે. આ તમામ જાણકારી આપ્યા બાદ તમને બુકિંગ બટન જોવા મળશે. એને ક્લિક કર્યા બાદ તમે બુક કરવામાં આવેલા મશીન અથવા સાધનના ભાડા માટેની જાણકારી લઇ શકો છો.
ખેડૂતોની આવક ડબલ કરવા પર ફોકસ
વાસ્તવમાં, મોદી સરકાર ખેડૂતોની આવક બમણી કરવાની દિશામાં કામ કરી રહી છે. એ હેઠળ ઘણા પગલા ભરવામાં આવી રહ્યા છે. ઉદાહરણ માટે પીએમ ખેડૂત સ્કીમ હેઠળ વર્ષના 6000 રૂપિયાની જાહેરાત કરવામાં આવી તો પેન્શનની સુવિધાની પણ શરૂઆત કરવામાં આવી રહી છે.