દેશમાં મોંઘવારીની માર હવે ટેક્સી રાઈડ પર પણ જોવા મળી શકે છે. સરકાર માગ વધવા પર રાઇડનાં ભાડાં વધારવાની મર્યાદા બેઝ ફેરના ત્રણ ગણા પર સીમિત કરી શકે છે. સરકાર કેબ કંપનીઓનું કમિશન 20 ટકા યથાવત્ રાખી શકે છે અને ભાડાની બાકી 80 ટકા રકમ ડ્રાઇવરને મળશે.
ડ્રાઇવર પાસેથી જે કમિશન લેવામાં આવે છે તેની લિમિટ 20 ટકા પર નક્કી કરી શકાય છે.
સર્જ પ્રાઇસિંગ ની મર્યાદા બેઝ ફેરના ત્રણ ગણા પર સીમિત કરી શકે
સરકાર ઓલા અને ઉબેર જેવા કેબ એગ્રિગેટર્સ માટે સર્જ પ્રાઇસિંગ (માગ વધવા પર રાઇડનાં ભાડાં વધારવા)ની મર્યાદા બેઝ ફેરના ત્રણ ગણા પર સીમિત કરી શકે છે, જોકે ડ્રાઇવર પાસેથી જે કમિશન લેવામાં આવે છે તેની લિમિટ 20 ટકા પર નક્કી કરી શકાય છે. એક માહિતગાર સરકારી અધિકારીએ જણાવ્યું હતું કે ફેર પર લગામ કસવાની સાથે એવું પણ નક્કી થઇ શકે છે કે દિવસમાં કયા સમય દરમિયાન અને કેટલાક કલાક અથવા રાઇડ માટે સર્જ પ્રાઇસિંગની મંજૂરી મળશે. સર્જ પ્રાઇસિંગમાં ફેરને બેઝ પ્રાઇસના ત્રણ ગણા સુધી વધારવાની મંજૂરી મળી શકે છે.
જોકે હજુ સુધી એ નક્કી થયું નથી કે દિવસમાં કયા સમય દરમિયાન તેને લાગુ પાડવામાં આવશે. નવા નિયમ ટેક્સી પોલિસીની ગાઇડ લાઇન પર આધારિત છે, જે માર્ગ પરિવહન અને હાઇવે મંત્રાલયે 2016માં ઈશ્યૂ કર્યા હતા. સરકાર કેબ કંપનીઓનું કમિશન 20 ટકા યથાવત્ રાખી શકે છે અને ભાડાની બાકી 80 ટકા રકમ ડ્રાઇવરને મળશે.