ઈલેક્ટ્રીક વાહનોમાં આગ લાગવાની ઘટનાઓની વચ્ચે હવે ઓલાના સ્કૂટરના બે કટકા થઈ ગયા હોય તેવી ઘટના બનતા લોકોમાં હવે ખરેખર ચિંતા જાગી છે.
ઈલેક્ટ્રીક વાહનોમાં આગની ઘટના તો હવે જુની થઈ
તેનાથી પણ આગળની બની ઘટના
ઓલાના ઈલેક્ટ્રીક સ્કૂટરના બે કટકા થઈ ગયા
ધીમી સ્પીડ પણ સહન ન કરી શક્યું સ્કૂટર
વાહન ચાલકે ટ્વિટર પર શેર કરી તસવીર
તસવીર જોઈને લોકોએ કર્યો ફરિયાદનો મારો
ઈલેક્ટ્રીક વાહનોમાં આગની ઘટનાઓને લઈને હજુ લોકોમાં ચિંતા ગઈ નથી ત્યાં તો ફરી વાર એક નવા પ્રકારના અકસ્માતે લોકોનું દિમાગ કામ કરવાનું બંધ કરી દીધું છે. રસ્તા પર દોડતા ઓલાના સ્કૂટરના અચાનક બે કટકા થઈ ગયાની એક ઘટના પ્રકાશમાં આવી છે. જે ભાઈના ઓલાના સ્કૂટરના બે કટકા થઈ ગયા હતા તેણે તેની તસવીર ટ્વિટર પર શેર કરતા લોકોએ ફરિયાદનો મારો ચલાવ્યો હતો. કંપનીને જવાબ આપવો ભારે પડે તેવી સ્થિતિ સર્જાઈ હતી.
@OlaElectric@bhash
The front fork is breaking even in small speed driving and it is a serious and dangerous thing we are facing now, we would like to request that we need a replacement or design change on that part and save our life from a road accident due to poor material usd pic.twitter.com/cgVQwRoN5t
શ્રીનાધ મેનને ખરીદ્યું હતું ઓલાનું ઈલેક્ટ્રીક સ્કૂટર
ટ્વિટર પર શ્રીનાધ મેનન નામના યુઝરે ઓલા સ્કૂટરના બે ટુકડા થઇ જવાની ફરિયાદ કરી હતી અને પોતાના ટ્વીટમાં ઓલા ઇલેક્ટ્રિક અને કંપનીના ફાઉન્ડર ભાવિશ અગ્રવાલને પણ ટેગ કર્યા હતા. આ પોસ્ટમાં કાળા રંગના ઓલા સ્કૂટરનું આગળનું વ્હીલ તૂટેલું જોઇ શકાય છે. યુઝરે તેની પોસ્ટની સાથે લખ્યું છે...". ઓછી સ્પીડે વાહન ચલાવવા છતાં આ સ્કૂટરનો આગળનો કાંટો તૂટી ગયો હતો. હવે અમે આ ગંભીર અને ખતરનાક પરિસ્થિતિનો સામનો કરી રહ્યા છીએ. અમને આ સ્કૂટરનું રિપ્લેસમેન્ટ જોઈએ છે. તે જ સમયે, અમે ઇચ્છીએ છીએ કે તેની ડિઝાઇનમાં ફેરફાર કરવામાં આવે જેથી હલકી ગુણવત્તાવાળી સામગ્રીને કારણે થતા માર્ગ અકસ્માતોમાં અમારું જીવન બચાવી શકાય.
સોશિયલ મીડિયા પર ફરિયાદનું ઘોડાપૂર
મેનનની આ પોસ્ટ બાદ સોશિયલ મીડિયા પર ઓલા સ્કૂટર તૂટવાની ફરિયાદોનો દોર શરૂ થયો હતો. એક પછી એક યૂઝર્સે કંપનીના સ્કૂટરની ક્વોલિટી વિશે પોસ્ટ કરવાનું શરૂ કરી દીધું અને સાથે મળીને સ્કૂટરના બે ટૂકડામાં વહેંચાઈ જવાની ફરિયાદ કરવા લાગ્યા.
અન્ય એક યુઝરે પોસ્ટ કર્યું હતું કે, તેના ઓલા સ્કૂટરનો આગળનો કાંટો માત્ર 25 કિ.મી.પ્રતિ કલાકની ઝડપે પહાડી માર્ગ પર આગળ વધી રહ્યો હતો. પછી તે અચાનક દિવાલ સાથે અથડાયો અને તૂટી ગયો. જ્યારે આવી જ એક ઘટના ફ્લેટ રોડ પર ચાલતા ડ્રાઇવર સાથે બની હતી. આના પર ઓલા ઇલેક્ટ્રિકે જવાબ આપ્યો કે તે ખૂબ જ જલ્દી યુઝર સાથે કનેક્ટ થશે અને મામલાની તપાસ કરશે. આવા જ કેટલાક વધુ ફોટો સોશિયલ મીડિયા પર શેર કરવામાં આવ્યા છે. સાથે જ અનેક લોકોએ તેને લઈને ચિંતા વ્યક્ત કરી છે.