ઓટો / OLA સ્કૂટર આ તારીખથી મળવાનું થઈ જશે શરૂ, પેપર વર્ક વિના મળશે લોન

• Ola Scooter નો સેલ હવે 15 સપ્ટેમ્બરથી શરૂ થશે
• કંપનીના CEO ભાવિશ અગ્રવાલે કર્યુ આ ટ્વવિટ
• કંપનીએ Ola S1ની ખરીદીને સંપૂર્ણપણે ડિજીટલ બનાવી 

પેપરવર્ક કર્યા વગર મળશે લોન

ભાવિશ અગ્રવાલે પોતાના ટ્વિટમાં કહ્યું કે, કંપની બુધવારથી Ola S1ની સેલ શરૂ કરવા માંગતી હતી. પરંતુ કંપનીની વેબસાઈટ પર થોડી મુશ્કેલી આવી રહી છે. તેમણે આ માટે લોકો પાસે માફી માંગી. ભાવિશ અગ્રવાલે ટ્વવિટમાં કહ્યું કે કંપનીએ Ola S1ની ખરીદીને સંપૂર્ણ રીતે ડિજીટલ બનાવી દીધી છે. ત્યાં સુધી કે લોનની પ્રક્રિયાને પણ સંપૂર્ણપણે ડીજીટલ અને પેપરલેસ કરી દીધી છે. અમે પોતાના ગ્રાહકોને આ પ્રથમ ડીજીટલ ખરીદીનો અનુભવ આપવા ઈચ્છીએ છીએ.

My message on the @OlaElectric purchase issues today. pic.twitter.com/vDVfwLqC7U

— Bhavish Aggarwal (@bhash) September 8, 2021

15 સપ્ટેમ્બરથી ખુલશે સેલ

હવે કંપનીનું વેચાણ 15 સપ્ટેમ્બર 2021થી શરૂ થશે. જેમાં જે લોકોએ 499 રૂપિયામાં સ્કૂટર બુક કરાવ્યું છે એવા લોકોને પ્રાથમિકતા આપવામાં આવશે. આ ખરીદી દરમ્યાન ગ્રાહકોને રિઝર્વેશન અને તેની ખરીદી લાઈન પહેલા જેવી રહેશે. તો ડિલીવરી તારીખ પણ પહેલા જેવી રહેશે. મહત્વનું છે કે, Olaએ બે ઈલેક્ટ્રીક સ્કૂટર Ola S1 અને Ola S1 Pro લોન્ચ કર્યા છે. જેમાં Ola S1ની એક્સ શોરૂમ કિંમત 99,999 રૂપિયા અને Ola S1 Proની કિંમત 1,29,999 રૂપિયા છે.