કેબ સર્વિસ પ્રોવાઈડર કંપનીએ ઓલા ઈ-સ્કૂટરના લોન્ચિંગ બાદ એક નવુ વ્હીકલ કોમર્સ પ્લેટફોર્મ ઓલા કાર્સની જાહેરાત કરી છે. જે ગ્રાહકોને કાર ખરીદવાના અનુભવને વધુ આકર્ષક બનાવશે.
ગ્રાહકોના કાર ખરીદવાના અનુભવને વધુ આકર્ષક બનાવાશે
ઓલાના ફાઉન્ડર અને CEO ભાવિશ અગ્રવાલે કરી જાહેરાત
ગ્રાહકો વધુ પારદર્શિતા અને ડીજીટલ અનુભવ ઈચ્છે છે
ગ્રાહકોને જોઈએ છે નવો અનુભવ
ઓલા કાર્સથી ગ્રાહક ઓલા એપ પર નવા અને જૂના બંને પ્રકારના વાહનો ખરીદી શકશો. ઓલાના ફાઉન્ડર અને સીઈઓ ભાવિશ અગ્રવાલે કહ્યું, ગ્રાહકો તમે તમારા વાહનો ખરીદવા, સર્વિસ અને વેચવા માટે નવી પદ્ધતિ તલાશ કરી રહ્યાં છે. તેઓ હવે જૂના રિટેલ સ્ટોર મોડથી સંતુષ્ટ નથી. અગ્રવાલે કહ્યું કે ગ્રાહકો હવે વધુ પારદર્શિતા અને ડીજીટલ અનુભવ ઈચ્છે છે. ઓલા કાર્સની સાથે અમે નવા અને જૂના બંને પ્રકારના વાહનોના ખરીદ-વેચાણ માટે ગ્રાહકોને બિલકુલ નવો અનુભવ આપવા જઇ રહ્યાં છે.
પ્રી-ઓન્ડ કારથી થશે શરૂઆત
કંપનીએ કહ્યું કે તેઓ ગ્રાહકોને ઘણી પ્રકારની સર્વિસ આપવા જઇ રહ્યાં છે, જેમાં વાહનોની ખરીદી, વ્હીકલ ફાઈનાન્સ અને ઈન્સ્યોરન્સ, રજીસ્ટ્રેશન, સર્વિસ, એસેસરીઝ અને છેલ્લે આ વાહનનું ફરીથી વેચાણ પણ સામેલ થશે. ઓલા કાર્સ અત્યારે જૂની કારની ખરીદી સાથે શરૂ થશે અને સમય પ્રમાણે તેમાં નવા કારના વેચાણને પણ જોડવામાં આવશે. જેમાં ઓલાના ઈલેક્ટ્રીક વાહન અને અન્ય બ્રાન્ડના વાહનો પણ સામેલ થશે. ઓલા કાર્સ ગ્રાહકને વાહનોની ખરીદી માટે એક સરળ અને વિશ્વસનીય પ્લેટફોર્મ આપશે.