ન્યૂ લોન્ચ / સ્કૂટર બાદ હવે સસ્તી ઇલેક્ટ્રિક કાર બનાવવા જઈ રહી છે આ જાણીતી કંપની, 10 હજાર કરોડનું ઇન્વેસ્ટમેન્ટ

• ઓલા હવે ઇલેક્ટ્રિક કાર બનાવવાની તૈયારીમાં 
• ફેક્ટરી માટે શોધી રહી છે જમીન 
• ઓલાએ ઇલેક્ટ્રિક સ્કૂટર્સથી કરી હતી ભારતમાં EVની શરૂઆત 

ઓલાએ ઇલેક્ટ્રિક સ્કૂટર્સ સાથે ભારતમાં EVનાં પોતાના સફરની શરૂઆત કરી હતી, પરંતુ હવે કંપની ઇલેક્ટ્રિક મોટરસાઈકલ અને ઇલેક્ટ્રિક કાર લાવવાનો પ્લાન કરી રહી છે. ઓલા ઇલેક્ટ્રિકનાં CEO ભાવિશ અગ્રવાલે કહ્યું કે ગયા 6-8 મહિનાથી ઓલા ઇલેક્ટ્રિક કાર પર કામ કરી રહી છે અને 2023નાં અંત અથવા 2024ની શરૂઆત સુધી આ લોન્ચ કરી દેવામાં આવશે. ઓલા ફેક્ટરી પર થયેલ ઇવેન્ટમાં ડેમો કાર પણ પેશ કરવામાં આવી હતી જેની સાથે ઓટોનોમસ ટેકનીકને પણ શોકેસ કરવામાં આવી છે. 

10,000 કરોડ રૂપિયાનું રોકાણ 
ઇલેક્ટ્રિક સ્કૂટર્સ સાથે હવે ઓલા જલ્દી જ માર્કેટમાં ઇલેક્ટ્રિક કાર લાવવાનો પ્લાન કરી રહી છે. કંપની આ માટે 1,000 એકર જમીનની તપાસ કરી રહી છે, જ્યાં કારનું પ્રોડક્શન પ્લાન્ટ બનાવી શકાય અને આ માટે ઓલા ઇલેક્ટ્રિક 6 રાજ્યો સાથે વાત કરી રહ્યું છે. આ રાજ્યોમાં ઉત્તર પ્રદેશ, મહારાષ્ટ્ર, ગુજરાત, કર્ણાટક, તામિલનાડુ, તેલંગાણા સામેલ છે અને લગભગ આવતા મહીને આ ડીલ ફાઈનલ થઈ જશે. કંપની નવા પ્લાન્ટમાં સેલ ગીગાફેક્ટરી અને ઇલેક્ટ્રિક કાર ફેક્ટરી તૈયાર કરશે અને આ પ્રોજેક્ટમાં 10,000 કરોડનાં રોકાણનું અનુમાન લગાવવામાં આવી રહ્યું છે. 

​​​​​​​

20 કિલોમીટર / કલાક છે ગતિ 
હાલમાં એક ગોલ્ફકાર્ટને મોડીફાઈ કરીને ડેમો તૈયાર કરવામાં આવ્યો છે, જેની ગતિ 20 કિલોમીટર / કલાક છે. કાર સાથે બે LiDAR કેમેરા લગાવવામાં આવ્યા છે જે GPSનાં માધ્યમથી કામ કરે છે. ઓલા ઇલેક્ટ્રિક કાર આ ડીઝાઇન પ્રોટોટાઈપમાં હેચબેક લાગી રહી છે. આ જોઇને સૌથી પહેલા નિસાન લીફ ઈવીની યાદ આવી જય છે, જે દેખાવમાં ઘણી ખરી આવી જ છે. જણાવી દઈએ કે મશહૂર ઈવી નિર્માતા ટેસ્લા પણ કથિત રીતે નાની ઇલેક્ટ્રિક હેચબેક પર કામ કરી રહી છે જે સૌથી સસ્તી ટેસ્લા કાર હશે અને આ માર્કેટમાં મોડલ 3ની જગ્યા લેશે. આ ઈવીની ડિઝાઈન રેન્ડર્સ ઇન્ટરનેટ પર ઘણી વાર જોવામાં આવી છે અને ઓલા ઈવી પણ તેનાથી જ પ્રેરિત હોય એમ લાગી રહ્યું છે. 

કેબિનમાં મળશે ઘણી જગ્યા 
ઓલા ઇલેક્ટ્રિક કારનું આ પ્રોટોટાઈપ ઉત્પાદન બાદ અમુક બદલાવો સાથે જોવા મળશે. એલઈડી લાઈટ્સ ઉપરાંત, આ કરને કોમ્પેક્ટ સાઈઝ કેબિનમાં રજુ કરવાનું અનુમાન છે. કાર સાથે ટેબ્લેટ જેવી ટચસ્ક્રીન ઈંફોટેનમેન્ટ સિસ્ટમ આપવામાં આવી છે, આ ઉપરાંત, કારને સ્પોર્ટી સીટ્સ અને 360 ડીગ્રી કાંચની પેનલ મળવાની છે, જે કેબિનને ઘણી જગ્યાવાળી બતાવે છે. કંપની કારને સ્પોર્ટી બોનફાયર વ્હીલ્સ આપવા જઈ રહી છે. આ વ્હીલ્સ પીળા બ્રેક કેલિપર્સ સાથે જોવા મળે છે. 5 દરવાજાવાળી આ કારની કેબિનમાં મુસાફરોને ઘણી જગ્યા મળશે.