જો તમે પણ Ola ઈ-સ્કૂટરના ટેસ્ટ ડ્રાઈવની રાહ જોઈ રહ્યાં છો તો તમારા માટે ખુશખબર છે. ઓલાએ જાહેરાત કરી છે કે ઓલા દિવાળી બાદ પોતાના ગ્રાહકોને પોતાના S1 અને S1 pro ઈલેક્ટ્રીક સ્કૂટરની ટેસ્ટ રાઈડ આપવા માટે સંપૂર્ણ રીતે તૈયાર છે. ચેન્નઈની ઈલેક્ટ્રીક ટુ-વ્હીલર નિર્માતા કંપનીએ કહ્યું છે કે ઈલેક્ટ્રીક સ્કૂટર 10 નવેમ્બરથી ટેસ્ટ રાઈડ માટે ઉપલબ્ધ થશે.
Ola ઈલેક્ટ્રીક સ્કૂટરની ટેસ્ટ રાઈડ માટે સંપૂર્ણ તૈયાર
10 નવેમ્બરથી ટેસ્ટ રાઈડ માટે ઉપલબ્ધ થશે
કંપની ગ્રાહકોને ટેસ્ટ ડ્રાઈવ બાદ રૂપિયા ચૂકવવાનું કહેશે
ફરીથી કરી શકશો બુકિંગ
Ola Electric એ પોતાના બે ઈલેક્ટ્રીક સ્કૂટર્સ S1 અને S1 Proને ભારતીય માર્કેટમાં 15 ઓગષ્ટે એક લાખ રૂપિયાની પ્રારંભિક કિંમતની સાથે લોન્ચ કર્યા હતા. સ્કૂટર લોન્ચ થયાના 1 મહિના બાદ બે દિવસ માટે તેનું બુકિંગ ખોલી નાખવામાં આવ્યું છે. કંપની મુજબ, ફક્ત બે દિવસમાં જ 1100 કરોડ રૂપિયાથી વધુનો ઓનલાઈન વેપાર કરી નાખ્યો છે. કંપનીએ પહેલાં 24 કલાકમાં જ 600 કરોડ રૂપિયાનુ બુકિંગ કર્યુ હતુ. હવે આ સ્કૂટર્સના બુકિંગનો બીજો તબક્કો દિવાળી પહેલાં એક નવેમ્બરથી શરૂ થઇ રહ્યો છે.
10 નવેમ્બરથી શરૂ થશે ટેસ્ટ ડ્રાઈવ
Ola Electric એ જણાવ્યું કે, તે એક સ્પેસિફિક ડિલિવરી વિન્ડોની અંદર સ્કૂટરોને સોંપવા માટે તૈયાર છે. કંપની ગ્રાહકોને 10 નવેમ્બરથી ઓલા ઈ-સ્કૂટરની ટેસ્ટ ડ્રાઈવ આપવાની યોજના બનાવી રહી છે. ઓલાએ કહ્યું કે ઈ-સ્કૂટર S1 માટે બુકિંગ કરાવેલા ગ્રાહકોને કંપની ટેસ્ટ ડ્રાઈવ બાદ જ રૂપિયા ચૂકવવાનું કહેશે.
25 ઓક્ટોબરથી શરૂ થવાની હતી ડિલિવરી
ઓલાએ આ અગાઉ 18 ઓક્ટોબરથી પોતાના ઈ-સ્કૂટર S1 અને S1 Pro માટે ફાઈનલ પેમેન્ટ 18 ઓક્ટોબરથી લઇ 25 ઓક્ટોબર સુધી ડિલિવરી કરવાની યોજના બનાવી હતી. ઓલાએ ટેસ્ટ ડ્રાઈવ લીધા બાદ જ ગ્રાહકોને આખુ પેમેન્ટ કરવાનું કહ્યું છે. જેનાથી બુકિંગ કરાવેલા વાહનોની સમય પ્રમાણે ડિલિવરીને લઇ સવાલ ઉઠી રહ્યાં છે.
આ છે કિંમત
ઓલા ઈલેક્ટ્રીક સ્કૂટરના S1 વેરિએન્ટની એક્સ-શોરૂમ કિંમત 99,999 રૂપિયા છે, જ્યારે S1 Pro વેરિએન્ટની એક્સ-શોરૂમ કિંમત 1,29,999 રૂપિયા છે. આ સિવાય ઓલા ઈલેક્ટ્રીક સ્કૂટરમાં પસંદગી માટે 10 કલર વિકલ્પ તરીકે આપ્યાં છે. બુકિંગ દરમ્યાન મનપસંદ રંગની પસંદગી કરી શકાય છે અને કંપનીની વેબસાઈટ મુજબ, જો ગ્રાહક ઈચ્છે તો સ્કૂટરના કલર ઓપ્શનને બાદમાં પણ બદલી શકે છે.