ગજબ / સિંગલ ચાર્જ પર 500 કિમીની રેન્જ, 4 સેકેન્ડમાં 100ની સ્પીડ, ઓલાએ લોન્ચ કરી ભારતની સૌથી ઝડપી ઈલેક્ટ્રિક કાર, જાણો ફિચર્સ

• Olaએ લોન્ચ કરી સૌથી ઝડપી કાર
• 4 સેકેન્ડમાં પકડશે 100 કિમીની સ્પીડ 
• જાણો શું છે ખાસિયતો 

લાંબા પ્રચાર બાદ આખરે ઓલા ઇલેક્ટ્રિકે ભારતની આઝાદીના 75 વર્ષ નિમિત્તે પ્રથમ ઇલેક્ટ્રિક કાર લોન્ચ કરી. પહેલી નજરમાં આ કાર ખૂબ જ સુંદર લાગે છે. કારની ડિઝાઈન અનોખી છે અને એવો દાવો કરવામાં આવ્યો છે કે તે એક જ ચાર્જ પર 500 કિમી સુધી ચાલશે. 

ઓલાના સીઈઓ ભાવિશ અગ્રવાલે આ વર્ષે 25 જાન્યુઆરીએ એક ટ્વીટ દ્વારા આ ઇલેક્ટ્રિક કારનું ટીઝર રિલીઝ કર્યું હતું. અગાઉ, ઓલાએ ઈલેક્ટ્રિક સ્કૂટર્સ પણ લૉન્ચ કર્યા છે અને હવે ઓલાએ ઇલેક્ટ્રિક કારના સેગમેન્ટમાં પણ પ્રવેશ કર્યો છે.

Wheels of the revolution! pic.twitter.com/8zQV3ezj6o

— Bhavish Aggarwal (@bhash) August 13, 2022

અન્ય EV કરતાં ઘણી વધારે રેન્જ
ઓલાએ આ કાર સાથે ઈલેક્ટ્રિક કાર માર્કેટમાં રેન્જ પર મોટી દાવ રમ્યો છે. આ કારની રજૂઆત સાથે, કંપનીએ દાવો કર્યો છે કે તે સિંગલ ચાર્જ પર 500 કિમી સુધી ચાલશે, જે હાલમાં ભારતમાં ઉપલબ્ધ અન્ય ઇલેક્ટ્રિક કાર કરતાં ઘણી વધારે છે.

ઓલાનું પોતાનું પ્લેટફોર્મ
ઓલા પાસે ઇલેક્ટ્રિક વાહનો ખરીદવા માટેનું પોતાનું પ્લેટફોર્મ પણ છે. આ વેબસાઈટનું નામ olaelectric.com છે. હાલમાં આ વેબસાઇટ પર ઓલાના ઇલેક્ટ્રિક સ્કૂટર્સ ખરીદવાનો વિકલ્પ છે. જ્યાં કંપનીએ તમામ પ્રકારના સ્કૂટર્સ, તેમની કિંમત, ચાર્જિંગ અને પિકઅપ પછી તેમની કિલોમીટરની રેન્જ વિશે સંપૂર્ણ માહિતી આપી છે. કાર વિશેની તમામ માહિતી ટૂંક સમયમાં આ વેબસાઇટ પર ઉપલબ્ધ થશે.

આ કારો સાથે સીધી ટક્કર 
તેના લોન્ચિંગ પછી, Olaની આ ઇલેક્ટ્રિક કાર ભારતીય બજારના આ સેગમેન્ટમાં કેટલાક શ્રેષ્ઠ ખેલાડીઓ સાથે મુકાબલો કરશે જેમાં Tata Motors Nexon EV, Tigor EV, MG ZS EV, Hyundai Kona Electric જેવી કારનો સમાવેશ થાય છે.

Picture abhi baaki hai mere dost😎

See you on 15th August 2pm! pic.twitter.com/fZ66CC46mf

— Bhavish Aggarwal (@bhash) August 12, 2022

12 ઓગસ્ટે સીઈઓએ કર્યું હતું ટ્વીટ 
12 ઓગસ્ટના રોજ, કંપનીના સીઈઓ ભાવિશ અગ્રવાલે એક ટ્વીટ કર્યું અને લખ્યું... પિક્ચર અભી બાકી હૈ મેરે દોસ્ત, 15મી ઓગસ્ટે બપોરે 2 વાગ્યે મળીશું. આ ટ્વીટમાં કારનો લુક પણ હતો.