સર્વિસ / OLA લાવ્યું હવે પોતાનું ક્રેડિટ કાર્ડ, જાણો શું મળશે લાભ?

OLA યુઝર્સ પોતાની એપ દ્વારા ઓલા ક્રેડિટ કાર્ડ માટે અરજી કરી શકશે અને તેનું મેનેજમેન્ટ કરી શકશે. કાર્ડ યૂઝ કરનારાને કેશબેક અને રિવોર્ડ મળશે. આ કાર્ડનો ઉપયોગ OLAની રાઇડ, ફ્લાઇટ અને હોટલ બુક કરવા માટે કરી શકાશે.  

આ લોન્ચ સાથે જ ઓલાએ પોતાના નાણાકીય ઉત્પાદનોની પહોંચ વધારવામાં મદદ મળશે. આ સાથે જ ઓલાના પ્લેટફોર્મનો ઉપયોગ કરીને એસબીઆઇ પણ પોતાના ક્રેડિટ કાર્ડને વધારી શકશે. ઓલા હાલ ઓલા મની વોલેટ, પોસ્ટ બિલિંગ અને માઇક્રો ઇંશ્યોરેન્સની ઓફર કરે છે.

OLAના સહ સંસ્થાપક અને મુખ્ય કાર્યપાલક અધિકારી (સીઇઓ) ભાવેશ અગ્રવાલે જણાવ્યું કે 'આપણે ઓલા મની એસબીઆઇ ક્રેડિટ કાર્ડના લોન્ચથી ઉત્સાહિત છે અને અમે આગામી કેટલાક વર્ષો દરમિયાન આ લાખો ભારતીયો સુધી લઇ જવા માંગીએ છીએ. આ સોલ્યુશન દ્વારા લોકોની અવર-જવર દરમિયાન ચૂકવણીને વધુ સારી બનાવવાની આશા રાખીએ છીએ.'  

શું મળશે લાભ?

1. ઓલા કેબ પર ખર્ચ કરવામાં આવેલી રકમ પર 7% કેશબેક.
2. ફ્લાઇટ બુકિંગ પર 5% કેશબેક. 
3. ભારતમાં હોટલ બુકિંગ પર 20% કેશબેક. 
4. ઇન્ટરનેશનલ હોટલ બુકિંગ પર 6% કેશબેક. 
5. 6000 થી વધુ રેસ્ટોરેન્ટ પર 20% કેશબેક. 
6. 1% ફ્યૂલ સરચાર્જ વેવર. 
7. અન્ય બધા ખર્ચ પર 1%  કેશબેક. 
8. કોઇપણ પણ જોઇનિંગ ફી નહી. 

OLA Money SBI ક્રેડિટ કાર્ડ વિઝા આધારિત હશે. OLA યુઝર પોતાની OLA એપ મારફતે સીધા જ આ ક્રેડિટ કાર્ડ દ્વારા અરજી કરી શકશે અને તેને મેનેજ કરી શકશે. કંપની દ્વારા કાર્ડ યુઝર્સને કેશબેક પણ ઓફર કરવામાં આવશે. જોકે કંપનીએ એ જણાવ્યું નહી કે કેશબેકને કયા સ્પોન્સર કરી રહ્યો છે.