કેબ સર્વિસ પ્રોવાઈડર કંપની ઓલાએ ઈલેક્ટ્રીક મોબિલિટી સ્પેસમાં ઈલેક્ટ્રીક સ્કૂટર લોન્ચ કરી ધૂમ મચાવી દીધી છે. 15 ઓગષ્ટે લોન્ચ કર્યા બાદ દેશમાં ઓલા ઈ-સ્કૂટરનો વધુ ક્રેઝ છે. કંપનીના CEO ભાવિશ અગ્રવાલે ઓલા ઈ સ્કૂટરની ફેકટરીમાં બનતા સ્કૂટરનો એક વીડિયો શેર કર્યો છે.
ઓલા કંપનીના CEO ભાવિશ અગ્રવાલે વીડિયો શેર કર્યો
ફેકટરીમાં લોકો કેવીરીતે બનાવે છે સ્કૂટર, જાહેર કર્યો વીડિયો
ઓલાએ ઈલેક્ટ્રીક મોબિલિટી સ્પેસમાં ધૂમ મચાવી
OLA ના ઈ-સ્કૂટરનો છે વધુ ક્રેઝ
કંપની દિવાળી બાદ લોકોને OLA S1 અને S1 Pro ઈલેક્ટ્રીક સ્કૂટરની ટેસ્ટ રાઈડ આપવા માટે સંપૂર્ણ રીતે તૈયાર છે. OLA ના CEO ભાવિશ અગ્રવાલે માઈક્રોબ્લોગિંગ સાઈટ ટ્વિટર પર એક વીડિયો શેર કરી કહ્યું કે ભવિષ્ય માટે અમારી ફેક્ટરીમાં મહિલાઓ ઝડપથી સ્કૂટરનું પ્રોડક્શન વધારી રહી છે. Ola Electric એ પોતાના ઈલેક્ટ્રીક સ્કૂટરના બે વેરિએન્ટ S1 અને S1 Proને ભારતીય માર્કેટમાં 15 ઓગષ્ટે એક લાખ રૂપિયાની પ્રારંભિક કિંમતની સાથે લોન્ચ કરી હતી. ઓલા સ્કૂટરે ફક્ત બે દિવસમાં 1100 કરોડ રૂપિયાથી વધુનો ઓનલાઈન વેપાર કર્યો.
Ola ઈ-સ્કૂટર્સનો બુકિંગનો બીજો તબક્કો એક નવેમ્બરથી શરુ થઇ રહ્યો છે. ઓલા ઈલેક્ટ્રીકે જણાવ્યું કે તે એક સ્પેસિફિક ડિલિવરી વિન્ડોની અંદર સ્કૂટરોને સોંપવા માટે તૈયાર છે. ગ્રાહકોને 10 નવેમ્બરથી ઓલા ઈ-સ્કૂટરનો ટેસ્ટ ડ્રાઈવ આપવાની યોજના બનાવી રહી છે.