સાઉદી / અરામકોની આગથી ક્રૂડ ઓઈલના ભાવમાં ભડકો, 1991 બાદ પ્રથમ વખત વધ્યાં આટલો ભાવ

• અરામકોમાં આગ બાદ ઓઇલના ભાવમાં ઉછાળો
• પ્લાન્ટ રિપેર થતાં લાગશે મહિનાઓ
• 1991 બાદ પ્રથમ વખત ઓઇલના ભાવમાં મોટો ઉછાળો

ટ્રમ્પે જવાબી કાર્યવાહી માટે તૈયાર રહેવા જણાવ્યું 

ઉત્પાદન અટકાવને પગલે વૈશ્વિક ક્રૂડ તેલના 5% ઉત્પાદનને અસર પહોંચી છે.  ડ્રોન હુમલા માટે અમેરિકન અધિકારીઓએ ઇરાનને જવાબદાર ગણાવ્યું છે. જ્યારે રાષ્ટ્રપતિ ડોનાલ્ડ ટ્રમ્પે જવાબી કાર્યવાહી માટે વોશિંગ્ટનને તૈયાર રહેવા જણાવ્યું છે. 

2 દિવસ સુધી ઓઇલ ઉત્પાદનમાં ઘટાડો

હુતી વિદ્રોહી સંગઠને શનિવારે સાઉદી અરેબિયાની તેલ કંપની અરામકોના અબકેક અને ખુરાઇસમાં તેલના કુવાઓ પર ડ્રોન હુમલો કર્યો હતો. ત્યારબાદ, સાઉદી અરેબિયન તેલ કંપનીએ ઉત્પાદનમાં લગભગ અડધાનો ઘટાડો કર્યો છે. સાઉદી ઓઇલ કંપની અરામકોએ જણાવ્યું હતું કે આગામી 2 દિવસ સુધી ઉત્પાદન ઓછું રાખવામાં આવશે જેથી ઓઇલ પ્રોસેસિંગ પ્લાન્ટને રિપેર કરી શકાય. 

પ્લાન્ટ રિપેર થતાં મહિનાઓ લાગશે

જો કે આ હુમલામાં ઇરાને પોતાનો હાથ હોવાનો નનૈયો ભણ્યો છે અને કહ્યું છે કે, તે યુદ્ધ માટે સંપુર્ણ રીતે તૈયાર છે. સમાચાર એજન્સી રોયટર્સના જણાવ્યા મુજબ અરામકો કંપનીના સૂત્રોના જણાવ્યા અનુસાર ઓઇલ ઉત્પાદન સંપૂર્ણ રીતે સામાન્ય થતાં મહિનાઓ લાગી શકે છે. જો કે, થોડા સમય પહેલા આપવામાં આવેલ નિવેદનમાં પ્લાન્ટ ગણતરીના સમયગાળામાં પહેલાની જેમ કાર્યરત થશે. 

ક્રુડ ઓઇલના ભાવમાં 10 ટકાનો વધારો 

સાઉદી અરબના ઓઇલ પ્લાન્ટ પર હુમલાની અસર થઇ છે. ક્રુડ ઓઇલના ભાવમાં ધરખમ વધારો થયો છે. ક્રુડ ઓઇલના ભાવમાં 10 ટકાનો વધારો થયો છે. ક્રુડ ઓઇલનો ભાવ પ્રતિ બેરલ 66.28 ડોલર થયો છે. આ હુમલા બાદ અરામકો કંપની દ્વારા ઉત્પાદન બંધ કરવામાં આવ્યું છે. વૈશ્વિક ક્રુડ ઓઇલમાં 5 ટકા ઉત્પાદનને અસર થઇ છે. આ ઉછાળો 1991 બાદ પ્રથમ વખત ઘટના છે. 

Saudi Arabia oil supply was attacked. There is reason to believe that we know the culprit, are locked and loaded depending on verification, but are waiting to hear from the Kingdom as to who they believe was the cause of this attack, and under what terms we would proceed!

— Donald J. Trump (@realDonaldTrump) September 15, 2019

અમેરિકાએ ઇરાનને ગણાવ્યું હતું જવાબદાર 

અમેરિકાએ સેટેલાઇટ ફોટોગ્રાફ્સ દ્વારા દાવો કર્યો છે કે સાઉદી અરેબિયાના તેલના મુખ્ય ઠેકણા પર થયેલા હુમલા પાછળ ઈરાનનો હાથ છે. તે જ સમયે, ઇરાને શનિવારે સાઉદી તેલ મથકો પરના હવાઇ હુમલામાં કોઈ પણ સંડોવણીનો ઇનકાર કર્યો છે.

સેના કરશે કાર્યવાહી : ટ્રમ્પ

આપને જણાવી દઇએ કે, અમેરિકન રાષ્ટ્રપતિ ડોનાલ્ડ ટ્રમ્પે ટ્વીટ કર્યું જેમાં તેમણે ઇરાનના નામનો ઉલ્લેખ કર્યો નહોતો પરંતુ કહ્યું કે, હુમલો કરનાર અંગેની જાણકારી મળી જશે અને તેના વિરૂદ્ધ સેના કાર્યવાહી કરશે. 

મુકેશ અંબાણી ધરાવે છે પાર્ટનરશીપ

આપને જણાવી દઇએ કે, સાઉદી અરામકો સાઉદી અરબની રાષ્ટ્રીય પેટ્રોલિયમ અને પ્રાકૃતિક ગેસ કંપની છે. આ રાજસ્વના મામલામાં દુનિયાના કાચા તેલની સૌથી મોટી કંપની છે. તાજેતરમાં જ ભારતીય ઉદ્યોગકાર મુકેશ અંબાણીની રિલાયન્સ ઇંડસ્ટ્રી લિમિટેડે અરામકોને પોતાના પેટ્રોકેમિકલ બિઝનેસની 20 ટકા ભાગીદારી વહેંચવાનો નિર્ણય લીધો છે. 

દરરોજ 70 લાખ બેરલ ક્રૂડ ઓઇલનું કરે છે પ્રોસેસિંગ

અરામકો પાસે વિશ્વનો સૌથી મોટો ક્રૂડ ઓઇલ પ્રોસેસિંગ પ્લાન્ટ આવેલો છે. અહીં ખરાબ ક્રૂડને પણ સ્વીટ ક્રૂડમાં તબદીલ કરવામાં આવે છે. ત્યારબાદ ક્રૂડને કેટલાય દેશોમાં નિકાસ કરવા માટે મોકલવામાં આવે છે. એક અનુમાન મુજબ અરામકો એક દિવસમાં 70 લાખ બેરલ ક્રૂડ પ્રોસેસ કરતી કંપની છે.