મુશ્કેલી / ઓઇલ કંપનીની એર ઇન્ડિયાને ચેતવણી, બાકી રકમની ચૂકવણી કરો નહીંતર....

• 18 ઓક્ટોબરથી 6 એરપોર્ટ પર ઓઇલ સપ્લાય બંધ કરવાની ચેતવણી
• 22 ઓગસ્ટથી 6 એરપોર્ટ પર સપ્લાય કરી હતી બંધ
• ઉડ્ડયન મંત્રાલયે બાહેંધરી આપતા ફરી ચાલુ કરાઇ સપ્લાય

ત્રણ ઓઇલ કંપનીઓએ એર ઇન્ડિયાને લખ્યો પત્ર

ત્રણ ઓઇલ કંપની ઇન્ડિયન ઓઇલ કોર્પોરેશન લિમિટેડ, ભારત પેટ્રોલિયમ કોર્પોરેશન લિમિટેડ અને હિન્દુસ્તાન પેટ્રોલિયમ કોર્પોરેશન લિમિટેડ કંપનીએ કહ્યું છે કે લમસમ પેમેન્ટથી જે બાકી રહેલી રકમ ઓછી થઇ નથી. ઓગસ્ટ મહીનમાં ત્રણ ઓઇલ કંપનીએ જણાવ્યું હતું કે એર ઇન્ડિયા પર છેલ્લા આઠ મહિનાથી 5 હજાર કરોડ રૂપિયા લેણાં છે. 

ઓઇલ કંપનીઓએ 6 એરપોર્ટ પર સપ્લાય કર્યું છે બંધ

22 ઓગસ્ટના રોજ ઇન્ડિયન ઓઇલ કોર્પોરેશન, ભારત પેટ્રોલિયમ કોર્પોરેશન અને હિન્દુસ્તાન પેટ્રોલિયમ દ્વારા દેશના 6 એરપોર્ટ કોચ્ચિ, મોહાલી, પૂણે, પટના, રાંચી અને વિશાખાપટ્ટનમ પર ઓઇલ સપ્લાય રોકી દીધી છે. જો કે ઉડ્ડયન મંત્રાલય દ્વારા બાહેંધરી આપવામાં આવતા 7 સપ્ટેમ્બરથી સપ્લાય ચાલુ કરવામાં આવી હતી.

દેવા હેઠળ દબાયેલ છે એર ઇન્ડિયા

એર ઇન્ડિયાને 2018-19માં 8,400 કરોડ રૂપિયાની ખોટ ગઇ છે. એર ઇન્ડિયા છેલ્લા ઘણા સમયથી પૈસાની અછતને લઇને સંઘર્ષ કરી રહી છે, જેને લઇને એરઇન્ડિયા પર દેવુ વધી ગયું છે. એર ઇન્ડિયાને વધુ ઓપરેટિંગ કૉસ્ટ તેમજ ફોરેન એક્સચેન્જ નુકસાનના કારણે કંપીઓને ભારે નુકસાન થયું છે. જેના કારણે એર ઇન્ડિયા ઓઇલ કંપનીઓના બાકી લેણી રકમ ચૂકવી શકી નહીં.