Oh God.. Mother scolded the child with hot spit when she got angry, husband filed a complaint in Lunawada police, the child was punished for mischief..
VTV IMPACT /
હે ભગવાન..માતાને ગુસ્સો આવતા બાળકને ગરમ ચીપિયાથી આપ્યા ડામ, પતિએ કરી લુણાવાડા પોલીસમાં ફરિયાદ
Team VTV09:07 PM, 12 Feb 23
| Updated: 10:34 PM, 12 Feb 23
ત્રણ દિવસ પહેલા મહિસાગરના લુણાવાડા ગામે રહેતા સાત વર્ષીય બાળકને તેની સાવકી માતાએ ગરમ ચિપિયાથી ડામ આપ્યા હતા. ત્યારે આ મામલે પોલીસે ગુનો નોંધી તપાસ હાથ ધરી છે.
બાળકને ડામ આપનાર સાવકી માતા વિરુદ્ધ નોંધાઇ ફરીયાદ
સાત વર્ષના માસુમ બાળકને ગરમ ચીપિયાથી અપાયા હતા ડામ
ત્રણ દિવસ પહેલા મહિસાગરના લુણાવાડા ગામે રહેતા સાત વર્ષીય બાળકને તેની સાવકી માતાએ ગરમ ચિપિયાથી ડામ આપ્યા હતા. ત્યારે બાળક સ્કૂલે જતા બાળકના શરીર પર ડામ આપેલા નિશાન શિક્ષકના ધ્યાને આવતા શિક્ષક દ્વારા બાળકને પૂછતા બાળકે સઘળી હકીકત જણાવી હતી. ત્યારે બાદ શિક્ષકે બાળકના પિતાના આ બાબતે જાણ કરી હતી. ત્યારે આ બાબતે પોલીસે બાળકની માતાને પૂછતા તેણે જણાવ્યું હતું કે બાળક ઘરમાં તોફાન કરતું હોવાથી ગુસ્સો આવતા બાળકને ગરમ ચીપિયા વડે ડામ આપ્યા છે. ત્યારે આ બાબતે લુણાવાડા પોલીસે બાળકની પિતાના ફરિયાદના આધારે ગુનો નોંધી તપાસ હાથ ધરી છે.
પોલીસે મહિલાની ધરપકડ કરી
આ બાબતે મહિસાગર ડી.વાય.એસ.પી. પી.એસ. વળવીએ જણાવ્યું હતું કે લુણાવાડા ગામમાં રહેતા ફરિયાદનો સાત વર્ષનો દિકરી સ્કૂલમાં ભણવા માટે ગયો હતો. ત્યારે શિક્ષકના ધ્યાને બાળકનાં શરીર પર ડામ આપેલા દેખાતા આ બાબતે શિક્ષકે યુવકનાં પિતાને જાણ કરી હતી. ત્યારે બાળકના પિતા બહાર રહેતા હોઈ તેઓ લુણાવાડા ખાતે આવેલા. ત્યારે સમાધાનના પ્રયાસો થયા હતા. પરંતું વીડિયો વાયરલ થતા આ સઘળી બાબત બાળ વિકાસ અધિકારીના ધ્યાને આવતા બાળકનાં પિતાની ફરિયાદના આધારે અમે મહિલાની શોધખોળ કરતા તે મળી આવી હતી. આ અંગે વધુ તપાસ પીએસઆઈ ખાંટ ચલાવી રહ્યા છે.