શિક્ષણ વિભાગે ગુજરાતની તમામ યુનિવર્સિટીઓને જુલાઈ મહિનામાં અનુકૂળતા પ્રમાણે કોલેજના છેલ્લા વર્ષની ઓફલાઈન પરીક્ષા લેવા માટે કર્યા આદેશ
યુનિવર્સિટીઓમાં ઓફલાઈન પરીક્ષાઓ લેવા આદેશ
યુનિવર્સિટીઓમાં ઓફલાઈન પરીક્ષાઓ લેવા આદેશ
શિક્ષણ વિભાગે યુનિવર્સિટીઓને આદેશ કર્યા
ગુજરાતના શિક્ષણ વિભાગે મહત્વની જાહેરાત તમામ યુનિવર્સિટીઓ માટે કરી છે. તમામ યુનિવર્સિટીઓને ઓફલાઈન પરીક્ષાનું આયોજન કરવા માટે આદેશ કરી દેવાયા છે. ગુજરાતમાં નવા કેસોની સંખ્યા 100ની નીચે આવી છે. ત્યારે કોલેના માત્ર ત્રીજા વર્ષના વિદ્યાર્થીઓની ઓફલાઈન પરીક્ષા માટે આયોજન કરવાનું કહી દેવાયું છે. આ સાથે કોલેજોને કહેવાયું છે કે, જુલાઈ મહિનામાં પોતાની અનુકૂળતા પ્રમાણે સ્નાતક અને માસ્ટર ડિગ્રીના છેલ્લા વર્ષના વિદ્યાર્થીઓની પરીક્ષાનું આયોજન કરવાનો આદેશ થઈ ગયો છે.
વલ્લભવિદ્યાનગરની યુનિવર્સિટીમાં વિરોધ
વલ્લભવિદ્યાનગરની સરદાર પટેલ યુનિવર્સીટીમાં MCQ પધ્ધતિથી ઓનલાઈન પરીક્ષાના વિરોધમાં છેલ્લા એક સપ્તાહથી LLBના વિદ્યાર્થીઓ વિરોધ પ્રદર્શન કરી રહ્યા છે. આ અંતર્ગત આજથી પાંચ વિદ્યાર્થીઓએ ત્રણ દિવસની ભૂખ હડતાળનો પ્રારંભ કર્યો છે. અને સૂત્રોચ્ચાર કરી વિરોધ પ્રદર્શન કર્યું હતું. સિન્ડિકેટ સભ્ય અલ્પેશ પુરોહિત સહિત 50 થી વધુ વિદ્યાર્થીઓએ ભૂખ હડતાળના સમર્થનમાં જોડાયા હતા. અને જ્યાં સુધી આ પ્રશ્નનું નિવારણ નહીં આવે ત્યાં સુધી આંદોલન ચાલુ રાખવાની ચીમકી ઉચ્ચારી છે. પોલીસે સૂત્રોચ્ચાર કરતા વિદ્યાર્થીઓ અને સિન્ડિકેટ સભ્યની અટકાયત કરી હતી.
સૌરાષ્ટ્ર યુનિવર્સિટીએ લીધો હતો મહત્વનો નિર્ણય
મહત્વનું છે કે, થોડા દિવસ અગાઉ સૌરાષ્ટ્ર યુનિવર્સિટીની સિન્ડિકેટ બેઠકમાં મહત્વનો નિર્ણય કરાયો હતો. જેમાં ATKTના વિદ્યાર્થીઓ માટે રાહતના સમાચાર જાહેર કરાયા હતા. સેમેસ્ટર 1થી 4માં ATKT આવી હોય તે વિદ્યાર્થીઓને પણ પ્રવેશ મળશે. સેમેસ્ટર 5માં પ્રવેશ મેળવવા પાત્ર રહેશે.