મોટા સમાચાર / અમદાવાદમાં લાંબા સમયથી એક જ ખાતામાં કામ કરતા અધિકારીઓની થશે બદલીઃ AMCનો નિર્ણય

• અમદાવાદમાં અધીકારીઓની બદલીને લઈ મોટા સમાચાર
• સ્ટેન્ડિંગ કમિટીની બેઠકમાં લેવાયો નિર્ણય
• AMCમાં અનેક અધીકારીઓ 10 વર્ષથી એક જ જગ્યા પર બજાવે છે ફરજ

અમદાવાદ મહાનગરપાલિકામાં ફરજ બજાવતા અધિકારીઓની બદલીને લઇને મોટા સમાચાર સામે આવી રહ્યા છે. અમદાવાદ કોર્પોરેશનમાં મોટા પાયે બદલીનો ઘાણવો કાઢવામાં આવે તેવા ભણકારા વાગી રહ્યા છે. લાંબા સમયથી એક જ જગ્યા પર ચીપકી બેઠેલા અધિકારીઓની સાગમટે બદલી કરવામાં આવશે. જે અંગે આજે મળેલ અમદાવાદ મહાનગરપાલિકાની આજે મળેવી સ્ટેન્ડિંગ કમિટીની બેઠકમાં નિર્ણય લેવામાં આવ્યો હોવાનું સામે આવ્યું છે. 

ક્લાસ 1 અને 2 સહિતના અધિકારીઓની બદલી થશે
અમદાવાદ મહાનગરપાલિકાના સ્ટેન્ડિંગ કમિટીના ચેરમેનના અધ્યક્ષસ્થાને આજે સ્ટેન્ડિંગ કમિટીની બેઠકનું આયોજન કરવામાં આવ્યું હતું. જેમાં શહેરના વિકાસ અંગેની ચર્ચા-વિચારણા કરવામાં આવી હતી. જેના ભાગરૂપે સ્ટેન્ડિંગ કમિટીની બેઠકમાં અમદાવાદ કોર્પોરેશનમાં ફરજ બજાવતા અધિકારીઓની બદલી અંગે પણ મહત્વનો નિર્ણય કરવામાં આવ્યો હતો. આથી હવે આગામી સમયમાં લાંબા સમયથી એક ખાતામાં કામ કરતા અધિકારીઓની બદલી કરી અન્ય કામગીરી સોંપવામાં આવશે. જેમાં ક્લાસ 1 અને 2 સહિતના અધિકારીઓની બદલી થશે.         

એક હજારથી વધુ દિવસથી એક વિભાગમાં ફરજ બજાવતા અધીકારીઓ બદલાશે
મહત્વનું છે કે અમદાવાદ મ્યુનિસિપલ કોર્પોરેશનમાં ઘણા અધિકારીઓ લાંબા સમયથી એક જ ખાતામાં નોકરી કરી રહ્યા છે. અંદાજે AMCમાં અનેક અધીકારીઓ એવા પણ છે જે 10 વર્ષ જેટલા લંબા સમયથી એક જ જગ્યા પર ફરજ અદા કરી રહ્યા છે. આથી હવે સબંધિત વિભાગ દ્વારા નિર્ણય લઈ એક હજારથી વધુ દિવસથી એક વિભાગમાં ફરજ બજાવતા અધિકારીઓને બદલવા અંગેની કાર્યવાહી આગામી સમયમાં હાથ ધરવામાં આવશે.